Monday, July 14, 2008

第一日在倫敦

從香港到倫敦的十二個小時,我吃了兩餐、看了一齣電影、扯東扯西地談了兩三個小時,然後又睡了七個小時,總算精精神神到埗。從飛機上看,窗外面的倫敦跟七年前我所認識的倫敦沒有兩樣。



辦妥入境手續,就要買車票到市區。現在在倫敦,幾乎人人都手持跟我們八達通卡很類似的 oyster card,因為它聲稱能夠計算最便宜的車資,每日扣減的金額絕不會高過 day pass 的價錢。它這樣說我就這樣信吧!不過直到最後一天離開倫敦把卡退回的時候,我還是搞不清楚它每天扣減的上限。算吧,一卡在手,穿梭倫敦的確來得十分方便。



在倫敦這五天投宿的旅館位於 King's Cross,乘 Piccadilly line 可以直達不用轉車,只是車程需要漫長的一個小時。



這家 Alhambra Hotel 位於熟悉的亞皆老街上,從地鐵站出來拐個彎就到,非常方便,更重要的是這裏還提供英式早餐和無線上網,可算是這次行程最滿意的旅館。我們八時多抵達旅館,房間當然還沒有準備好,他們也忙着提供早餐,我們不想打搞他們,放下行李後就馬上展開今天的活動。



首站是純粹路過的 Tower of London 、 Tower Bridge 和上次到訪還是地盤一個的 City Hall。泰晤士河現在已沒有以往的繁忙,塔橋開合的次數也少了很多,這天我們就有幸碰上這個可遇不可求的機會。



今天的第一個重點,是倫敦歷史最悠久的市場 Borough Market。這個位於 London Bridge 旁邊、鐵路路軌下面的市場近年多了很多遊客,除了是因為 Jamie Oliver 等名廚介紹過之外,它還在多齣電影中粉墨登場,所以現在每逢四五六零售攤檔營業的時候定必人頭湧湧。



這裏賣的東西種類很多,鮮肉海產糕點水果無一不缺,很多店子還提供試食,你大可試對味道才買。來到這裏,我們當然不會空手離去,走幾個圈就買了乾果、 brownie 、曲奇、草莓和羊肉漢堡。



滿載而歸後,我們就步行前去附近由發電廠改建而成的 Tate Modern 美術館。Tate Modern 在二千年才開幕,但短短幾年已經成為倫敦其中一個很重要的地標,除了是因為它外型特別之外,美術館內還展出 Andy Warhol、畢卡索、Mark Rothko 等不少當代大師的作品。雖然我不是很有藝術修養,但想不到也在這裏花上不少時間。



大抵是時差的關係,走到三四點我已經累得要命,這個也是正常的,因為在香港,這個時候我應該已經準備上床休息了。之後我們經 Millennium Bridge 返回北岸,看看聖保祿大教堂後就返回旅館休息。



傍晚時份,太陽還高高掛在頭上,我們怎可以浪費如此美好光景。走到牛津街,還是像以往的車水馬龍,不同的是近年東洋勢力日漸強大,除了早已植根英國的無印良品之外,這條大街現在還有 Uniqlo 和 Beard PaPa's 。看見這麼多來自日本的東西,我又不禁在想如果這刻我身處的地方是東京而不是倫敦究竟我的心情會是什麼模樣。



晚上九時,我的身體開始告訴我快要支撐不住了,還是早點回旅館吧!這天的晚餐,就是之前在超市買的乳酪和來自日本的合味道杯麵。

22 comments:

supageti said...

買完野先去行街?

Ellen老師 said...

其他遊記係未唔寫喇?

一時亞皆老街,一時又無印良品,Uniqlo,仲要食埋合味道杯麵~~~究竟有無離開香港呀!大頭叔~~~

lau2tang said...

如果在J字頭 Holy Place,又點會躲在酒店食杯麵做晚餐呢!小儀一早話咗你知無啖好食架啦~

Anonymous said...

以前有冇睇過Tower of London入面o的仿皇室珠寶?真係好燦眼!

largeheadboy said...

意粉︰其實都冇所謂,成日不斷行行行,個袋重到想掉咗佢咁濟!>_<

ellen︰咦,係喎!仲有個春乜嘢大谷未完成添!^+^
話時話,嗰邊 uniqlo 啲 sales 全部係日本人,仲有期間限定商品添,我差啲就買咗條褲。

劉鄧︰係喇,喺日本可以夜夜笙歌啊!
不過我地都算吃得不錯了,帶咗六個杯麵過去就只係呢晚食咗兩個,之後晚晚都出去威咁濟啊!^_^

lala︰以前冇錢冇入過去,依家至去又好似好娘咁~~
算喇,入咗去,我驚我忍唔住手撻咗一兩件畀人捉到就唔好喇!

Anonymous said...

大頭個心成日都掛住日本嘅!

Anonymous said...

最尾張杯麵相好反高潮......

naruto said...

又話英國天氣差,我去又好天,你去都好天。
英國係無乜野好食,都唔駛食杯麵喎

Anonymous said...

晚上倫敦市中心才是精采 !

largeheadboy said...

小彭︰我身雖在英國,我心卻繫東瀛呀!

roy︰呢間旅館仲有埋熱水煲供應添呀,況且抬咗幾個杯麵過去,點都要食啲嘅。

naruto︰都唔係呀,第二日就不停落雨喇!
呢晚行到好夜,又好疲倦,就費事花精神搵嘢食 lu。

galaxy︰但係呢晚我地剩返半條人命咋~~

supageti said...

Um ~ 都係長途機累事 ~~

Anonymous said...

1. 以為您唔會再提有關歐州的事物
2. 去到英國都要食日本合味道,無你修~~~

largeheadboy said...

意粉︰係喇,如果計返香港時間,呢日我地凌晨四五點仲行緊街,都咪話唔變態!^o^

rempei︰旅途初段都 okay 架,只不過衰收尾之嘛!
嘩,有碗熱辣辣嘅杯麵食,直頭感動到想流眼淚呀!

Anonymous said...

只去過倫敦一次,一早到,吃了 BURGER KING 早餐,找到地方落腳便去白金漢宮等睇士兵換更。之後去唐人街吃义燒飯,買平飛看歌劇,去行大英博物館。晚上吃麥當當時眼皮已千斤重,可想而知看歌劇時釣魚釣到呢(仲要看口水多多的 CHICAGO - 因為買不到其他熱門作品的票)...

沒辦法,我是第一次(也是唯一一次的)歐遊,要把握時間,很貪心想去多些景點...

largeheadboy said...

小頭︰咦,我仲未去過去白金漢宮睇換更同埋大英博物館添!
我記得第一次去英國係由巴黎搭通宵巴士去,一到埗就去麥當當醫肚,之後都係不斷行行行,去 big ben、唐人街之類,行程也是很緊湊啊。

Anonymous said...

我同倫敦有太多恩怨情仇了...物價又貴到死喎!
"有碗熱辣辣嘅杯麵食,直頭感動到想流眼淚呀!" 呢句正, 當年深有同感呀.
我對英國的草莓的印象不大好, 你買那盒怎樣? (不要同日本的比啦...)

largeheadboy said...

小妹︰唔好咁激動,雖然倫敦啲嘢真係好貴!不過其實我地覺得貴部分原因係英鎊實在太高喇,搞到冇乜心機買嘢,如果好似早幾年兌 11、12 就好好多喇!
杯麵其實係天下美食之一啊!^p^
呢盒草莓唔差喎,之後在劍橋另外一盒都唔錯呀(我真係冇同日本比架)!

Ellen老師 said...

幾時有第2日呀!唔該!

上次7日都寫左半年,今次去左幾個星期,未要寫足1年~~

naruto said...

第二日,快D

largeheadboy said...

ellen、naruto︰為咗你地嘅說明,我今朝就即刻搞好個 day 2。不過仲有咁多日,真係又好大機會爛尾啊!^o^

小彭 said...

Borough Market都記底埋, 最鐘意呢d market架我, 一定唔使無啖好食喇!

largeheadboy said...

小彭︰好喇,咁三日行程就填密晒好充實喇 :p