Friday, August 15, 2008

返屋企煮飯

連白米也可以擺到過期的我,這個星期竟然一口氣煮了兩餐飯。

之前看到薯嘜煮日式咖哩飯,引得我食指大動,想到原來自己也很久沒有自製咖哩飯吃了。星期一那天,終於炮製了一大碟有薯仔、洋蔥、紅蘿蔔和雞肉的咖哩飯。再另加一碗野菜沙津,就成為一頓蠻豐富的晚餐。美中不足的,可能就是沒有伴咖哩飯吃的紅薑片。



今天為了留在家看奧運女排比賽,同時也要清理前天晚上到酒樓吃剩的餸菜,就再一次入廚大顯身手。椰菜吸收了燒鵝的油份,味道即時濃郁起來;冷豆腐在炎夏就最適合。不過這晚烤鯖魚的魚皮很靭,一點都不脆。如此下去,這包新開的兩公斤白米可望在賞味期限前幹掉。



甜品方面,好不好就吃掉 maymay 大力推介的白桃雪糕呢?

12 comments:

supageti said...

咁即係有無食唧?

largeheadboy said...

未呀,或者等佢過咗期先食~~

maymay said...

今日七仔有大量白桃雪糕供應,可惜我唔食得,見到都唔敢買!>_<

Anonymous said...

電視汁撈飯最好味^^

Anonymous said...

我早兩日再食多盒,覺得依隻白桃味太香,好唔自然~

Anonymous said...

大叔淨係識食同玩!

lau2tang said...

仲使乜食白桃雪糕呢!!!

largeheadboy said...

maymay︰買住先囉,擺得吖嘛,遲下再食過囉。

rempei︰齋睇電視我送唔到飯架,我要有好多餸至得架!^e^

roy︰等我遲下試清楚先。其實吉吉島嘅白桃啫哩都好好味,不過越賣越貴,每次見到都忍唔住買幾個返屋企。

歐巴桑︰唔係仲有食飽就瞓咩?^t^

劉鄧︰梗係,有新鮮梗係食新鮮先。尋晚即刻食咗一個,好香好好味,多謝晒呀!

Anonymous said...

下次個凍豆腐切兩粒蔥花再磨D薑蓉洒上面, 就可以呃得下人喇!

largeheadboy said...

小彭︰我屋企想搵條蔥都難啊!不過舊豆腐真係有薑汁味架~~

Anonymous said...

吃飽飯最好就係食雪糕,呢排友人送上兩大盒菲律賓雪糕,攪到我晚晚吃, 又要努力做多D運動....

largeheadboy said...

貝拉︰為咗食雪糕,我又唔介意做多啲運動呀!雖則幫補唔係太多!^r^