Sunday, September 07, 2008

食一周

剛過去的這個星期,吃了很多,食運相當不錯。

美麗華酒店的 Yamm 是近期城中的熱門長龍店,晚飯必須至少一個月前預訂,所以三個星期前決定到這裏的我們這天來吃中飯。Yamm 的裝潢很高級,我們還獲安排坐在很寬敞的沙發座位,可以慢慢享受一個很悠閒的周日。



由於住處附近有穿梭巴士,近期多去了九龍灣的 Mega Box。這裏食肆選擇很多,不會像很多商場一樣什麼鋪頭也大排長龍。這天不太餓,就到了 te 吃意大利麵。te 的份量跟來自新加坡的 Pasta De Waraku 不相伯仲,但就經濟實惠得多了。



跟友人慶祝生日,選擇了尖沙咀帝苑酒店的 Greenery 。可能是珠玉在前,早幾天到過 Yamm 之後,覺得這裏的食物種類雖然豐富,但質素卻普普通通,沒有太多驚喜。不過這裏的服務實在很好,每位侍應都笑臉迎人,令人吃得很舒服。



灣仔之友午餐聚會這天在開張不久的告士打道 Habitu 舉行。正所謂“出得嚟行,預咗要還”,早前歐遊的手信幾經波折終於交到兩件灣仔之友手中。短短四十分鐘的飯局,雖然來去匆匆,但卻吃得很愉快。


(相片由小妹提供)

跟網友 rempei 初次見面,地點選了尖沙咀的麵屋一平安。想不到這小店很受歡迎,沒有訂座的話隨時會吃閉門羹。這晚我們點了很多,也摸着酒杯底談了很多,彷彿是相識多年的老朋友。



到過大埔街市多次,這天終於能夠一嘗有名的東記豬扒麵。才 $22 一碗的豬扒雙併麵實在超值,豬扒又厚又大,外面炸得很香脆,難怪那麼受街坊歡迎了。連吃了兩天,原來雞翼也十分好吃。



我的願望很簡單,就是我身邊每一個我愛的人都可以像我一樣,食得瞓得乜得物得。

27 comments:

maymay said...

下次打完波去yamm吃吖~
東記豬扒真係好好味,唸起都想食~
我食得唔瞓得,乜得物唔得~~ ^o^

largeheadboy said...

maymay︰好呀!不過佢地開 11:30,同埋都幾貴喎!
東記豬扒真係好得,我諗我放假得閒都要入多啲大埔至得。同埋雞翼有四大隻,好抵~~ ^t^
係喇,呢排你好夜瞓喎,點解會咁架?

maymay said...

係喎,唔記得我係[唔應該]食自助餐嘅添,當我冇講過啦~ ^_^

我呢排其實好早就瞓,不過一係瞓唔著,一係瞓到半路醒左就瞓唔番,所以咪起身上下網咁囉!>_<

Anonymous said...

我上個禮拜都比平時多食好野~

有法國大餐,拉麵串燒,生記牛腩牛丸......

supageti said...

我依家要高度戒備,但仍然食得瞓得乜得物得,感謝上帝!

largeheadboy said...

maymay︰自助餐都可以不超標的,不過就要睇下自己有冇定力囉~~不過我實冇。
咁下晝食飯盡可能爭取時間瞓返陣休息下啊~~

roy︰咁你有冇肥到?我呢兩日着褲扣皮帶好明顯緊咗好多。唉,又要減!

意粉︰食得瞓得再加埋乜得物得就最緊要,忍下口遲下做乜都得添!^t^

supageti said...

的起心肝既話又唔覺得係忍口,係小心啲揀野食同埋唔好食咁飽囉,都可以好好食既,我梗唔會刻薄自己啦。

Anonymous said...

而家真係睇化哂
見到身邊人食得瞓得乜得物得開開心心都覺得好滿足啦
東記豬扒真係好得呀!

Anonymous said...

阿經理人, 你係咪想寫兩件蛋散呀?! 咁樣有D比貶意喎, 小心比D報紙雜誌睇到然後抹黑, 寫我地不咬弦喎! 要寫都係兩件雞批, 兩件蛋撻會Q D.

一言驚醒, 即刻BOOK左過幾日去YAMM食LUNCH先!

Ellen老師 said...

食得瞓得,唔駛做得唔得~~

largeheadboy said...

意粉︰咁又係,節制仍然可以食好嘢嘅。如果你肯郁多啲,做啲輕鬆運動,會事半功倍啊!

歐巴桑︰係呀,唔需要大富大貴,食得瞓得乜得物得無病無痛真係已經還得神落!
我嗰日有諗過花 $50 買淨豬扒雞翼雙拼攞走架~~

小彭︰傻喇,我地仲未出現不和,要你大紅大紫之後先至會同經理人反面架嘛~~ ^t^
Yamm 午餐唔係好爆,我嗰日都有吉枱,不過最好就有梳化位坐喇。

ellen︰啱啱開工咋喎你!
唔駛做都得架,記住今晚金多寶呀!^t^

Anonymous said...

唔駛寫(相片由小妹提供)架, 一睇d對角線就知道係我影架啦(仲未戒得到 :p). 我只想每日有多d時間比我, 讓我可以一日睡夠8小時.

supageti said...

咁我就郁你先啦 ~ 哈哈 ~

Anonymous said...

其實我那晚等你們的時候都好緊張,誰不知一見到大家時感覺唔似係第一次見面咁,很是愉快!

Anonymous said...

我唔要梳化位喇, 成8件友, 又唔係要慢慢享受一個悠閒午餐個種.

有咩係唔食會好蝕架? 唔知weekday同weekend又有無唔同呢?

largeheadboy said...

意粉︰郁我要花好多體力架,要食好多嘢至可以補得返數喎!

小妹︰咁又係!左上那張對角線到吖,真係要“咬”晒腰至影到,我就唔得喇!^t^
每日瞓八個鐘,我都冇呀~~

rempei︰嘿,你真係叻,我地一入嚟你就認得,我地都覺得嗰個就係你啊!
大家有共同語言,自自然很快就可以談到天花亂墜。下次又嚟過囉!^f^

小彭︰如果八個人可以坐到類似個室的枱就超正啊,都一樣很闊落架。
以我嚟講,去自助餐冇食過其中一款嘢都叫做蝕,所以由一開始我就輸咗~~
咁 weekday 會唔會平啲呢?

Anonymous said...

大頭,你同Roy少夠英嘛~~我感應到囉~~

largeheadboy said...

rempei︰咦,你咁講法,唔通老師唔 x ?^p^

maymay said...

老師:有人嫌命長呀!

Anonymous said...

兩位少安無燥,我挭係唔會用"英"來形容老師啦,老師呵~~~

Anonymous said...

果晚rempei用同老師講:「li絲追巧ed,li芝tao媽。」........

lau2tang said...

你死喇,萊少!
你緊喺成日同北方佳麗接觸,所以,連講說話都學埋佢地。

largeheadboy said...

老師唔用“英”又唔用 x ,仲可以用乜呢?
萊少,你咁踢爆薯嘜,薯嘜嫂知道就大件事喇!

Ellen老師 said...

哇~~~你地當老師無到呀!

largeheadboy said...

咁你事實又真係冇到吖嘛!

Anonymous said...

蝕呀, 好蝕呀我~
不過收$208又算係咁喇!

largeheadboy said...

平日平好多呀!我禮拜日要 $288 呀!咁我一定蝕得仲多過你。嗚~~~