Saturday, September 13, 2008

中秋的意義

中秋年年過,究竟我們有沒有細想中秋的意義呢?

除了八號風球前夕,每年有幾多時候我們會從忙碌的生活中稍事停下來,抬頭望向天空呢?雖然在灰濛濛的迎月晚上月亮好像沒有以往的明亮皎潔,但月亮總是這裏的最圓。



不知何故,中秋已經成為是農曆新年以外最多人互相送禮的中國節日。一份小小的心意,總叫人心頭一暖。今年,家裏就出現了前所未見堆積如山的月餅陣,當中有來自姐姐的、老細的、銀行的、信用卡公司的,甚至來歷不明的。



當然,中秋節最重要的,還是跟家人朋友聚首一堂好好大吃一頓之餘並且藉此機會談天說地。今年其中一頓中秋飯局,就到了中環的寧波旅港同鄉會



當我以為我那產地不詳的日本桃可以大殺四方之際,怎料一山還有一山高。謝謝萊少的鳥取梨和青森蘋果、ellen 的 godiva 朱古力,以及 maymay 的杜仲茶。



中秋佳節,希望大家在同一個月光下,都過得快快樂樂。

17 comments:

supageti said...

中秋節快樂!唔好食咁多月餅。^^

largeheadboy said...

啲月餅我唔會要晒架,晏啲會攞盒返娘家做節。不過一陣或者食個冰皮做早餐~~

Anonymous said...

大頭,您都好丫,有兩個日本桃頂住先,我得兩疏蕉咪仲衰!

Ellen老師 said...

中秋節快樂!

咁下次食飯埋單啦~~

Anonymous said...

帥哥, 中秋節快樂呀!

今年係收月餅最少的一年, 攪到收支唔平衡. 不過臨尾收番箱鳥取二十世紀梨, 好開心呀!

Anonymous said...

銀行同信用卡公司都有月餅送?
今年我公司送既係哈根打斯雪糕月餅,尋晚食左個都唔好食兼無feel......
個王林蘋果無寫產地,未必係青森架~

Anonymous said...

好多野食啊! 我都話大頭仔幸福架啦!
中秋節快樂!

largeheadboy said...

rempei︰冇所謂喇,至在大家開心之嘛!不過下次識做喇~~ ^e^

ellen︰我真係怕下次 rempei 爭住埋單,搞到我地唔好意思咋。^r^

小彭︰咁咪要自己畀錢買囉!搵我畀罐你吖嘛!
我都寧願收到一箱日本梨唔要月餅喇。

roy︰我年中畀銀行蝕咗咁多錢,佢地梗係要送返啲嘢氹下我!信用卡就簽夠算換返嚟。
個蘋果上面有貼紙寫住青森產架!

joeyee︰hehe,我不嬲都好感恩架~~

maymay said...

原來呢款杜仲茶真係要慢火煮十分鐘至出味架,唔怪得果晚冇乜味啦。
不過我諗用真空壺焗都得~

Anonymous said...

原來家陣仲有日本桃買呀?

Ellen老師 said...

係產地不詳的桃,唔知係未日本桃!

Anonymous said...

頭先行apita見到好多桃,有果晚既紅皮黃肉桃,有大白桃,仲有黃金桃~~~

Anonymous said...

大頭,好啦!見大家都咁講,下次就由我黎埋單啦....................(那2個鐘羽毛球場租!)

largeheadboy said...

maymay︰咁呀,唯有煮佢十分鐘喇!屋企都有個真空壺,不過係“雞”貨,唔知得唔得呢?:p

小妹︰係喇,仲有喎。早兩日行旺角街市都見有得賣啊!

ellen︰佢話係日本嚟架,況且賣到咁貴冇理由係大陸或者美國貨喇~~

roy︰嘩,有咁多款呀!咁你有冇買呀?不過 apita 係咪貴啲呀?

rempei︰你唔好下巴輕輕,兩粒鐘都好融架!^t^

光.軍 said...

賭錢就話興"曬冷"啫..做乜家陣連月餅都要咁做咩?我都大你四個未開o既聖安娜至得 :P

Anonymous said...

買左一pack兩粒黃金桃, 尋晚食左粒酸酸地......

largeheadboy said...

光.軍︰你大唔過我喎,我仲有三個大班、兩個奇華、兩個榮華喎。唉,希望唔駛擺到過期喇~~

roy︰黃金桃唔知乜嘢樣添!
聽聞樂富吉之島畀人趕走,遲下轉做 apita 喎~