Wednesday, September 24, 2008

颱風有感

颱風黑格比雖然威力強勁,但來去匆匆,沒有替大部分打工仔帶來一天半天假期。其實,今年我們已經因為風暴得到兩天額外假期,實在不應再有投訴。要投訴的,或者就是大批市民同一時間下班,令交通非常繁忙,結果要比平常花更多時間才能夠返抵家門。



經過風雨飄搖的一個晚上,今早出門上班,滿地盡是被狂風吹倒的樹枝和樹葉,有一棵大樹更是連根拔起。這些樹木雖然不是什麼古樹,但就每天都給我遮陰擋雨,我對它們都有一份感情。究竟要花上多少歲月,它們才能夠回復以往的茂盛呢?



政府部門因為早前的一宗塌樹悲劇,展開了大規模的砍樹行動,有理無理把不少樹木修剪甚至整棵移走,連很有價值的石樹牆也不放過。這些有頑強生命力的榕樹在石屎隙縫中慢慢茁壯成長,可惜最後卻敵不過這場浩劫。這場風暴之後,不知道又有多少樹木要倒下來?

16 comments:

supageti said...

可能啲弱質既樹已經俾鸚鵡打斷晒,今次我地依頭斷既樹唔係好多喎。

Anonymous said...

出年都可能冇魚木睇,報紙話好多已經好弱 ...... -_-+

Ellen老師 said...

我都覺得今次唔係斷咁多樹~~

largeheadboy said...

意粉︰我嗰頭真係災情嚴重呀!其實打風除咗可能有得放假次外就乜都冇嘢好。

lala︰魚木係你上次拍嗰啲啊呵?佢地盛開時好靚架,唔係又冇埋呀?

ellen︰會唔會真係好似意粉話齋要斷嘅之前已經斷晒呢?
今朝出門口,好多樹幹都未清理啊!

maymay said...

我屋企附近今次都仍然斷左好多樹,真慘!
上次果劑都未恢復原氣呢~~>_<

supageti said...

上兩次果 d 都未清呀 ~ 都唔知食環署點做野嘅!

Anonymous said...

前日放假在家中做了大半天宅女
大叔回家後才留意到外面風大雨大呢

largeheadboy said...

maymay︰仲有咁多可以斷嘅~~
唉,真係好陰公啊!

意粉︰未必一定關食環署事架,馬路嗰啲係路政署,屋邨嗰啲係房屋署,唔知邊度嗰啲又係康文署架!

歐巴桑︰你咁好彩放假咪唔駛同人逼車返屋企囉!出面橫風橫雨都唔知幾狼狽啊~

supageti said...

有無漁農署呀咁?哈哈 ~

總之唔知啲政府部門點做野嘅!

largeheadboy said...

意粉︰咦,係喎,漏咗佢地添!
都唔知啲政府部門點做嘢架!^_^

maymay said...

係d樹枝,斷到一地都係!

今朝行過,見好多樹經過多次吹襲之後,都奄奄一息,冇晒生氣,好傷!

largeheadboy said...

maymay︰依家啲樹葉樹幹被打到疏疏落落,光禿禿咁,睇見都傷心。

Anonymous said...

個日個風真係好勁,吹到我在屋裏都感覺到有搖晃,嚇到我以為地震!

largeheadboy said...

rempei︰咁厲害?我就好驚屋企個窗爆玻璃喇!^p^

naruto said...

數碼港直頭係災區,D樹瞓係地

largeheadboy said...

naruto︰數碼港空曠當風嘛~~