Google 的虛擬版圖越來越大，繼早前掀起一陣熱潮的 Google Maps 之後，近日還進攻瀏覽器市場，推出 Google Chrome，勢與 IE 和 Firefox 爭一日長短。我沒有下載 Google Chrome，還是先讓些死士試試它運作是否暢順吧。想想看，原來 Google 已經成為我日常生活中不可缺少的東西。
Google 搜尋器威力無窮、無遠弗屆，沒有它，我想我絕對不可能把案頭的工作做好。
Gmail 的版面很好，很多地方也很貼心，最重要的就是它容量超大，無需再為郵箱爆滿而煩惱。
Blogger 讓我記下我的喜與樂、哀與愁。在這裏，我認識了很多新朋友，也正正式式由隱秘中年變身成為宅男一名。
Youtube 是個很大的寶庫，很多你已經忘記的影像也可以從這裏找出來。無聊的晚上，它就是個很好的伴侶。
後知後覺，日前我才發現 Google 的另一項偉大產品 Google Analytics。Google Analytics 是個很強勁的網頁分析工具，每天自動自覺向你匯報大量有關你的網頁的資訊，例如瀏覽人次、訪客來源、逗留時間等等，資料十分豐富詳盡。我最感興趣的，還是訪客用什麼關鍵詞把我連繫起來。這陣子，就有很多人在搜尋京都紅葉情報時跟我網上結緣。
不知不覺中，我的生活已經被 Google 完全支配着，究竟它會不會像 Big Brother 一樣，在遠處監察着我日常起居以至平日一舉一動呢？沒所謂吧，我是小薯仔一名，只要它能夠提供我方便娛樂一切所需，要看就隨便讓它看吧！
22 comments:
依家係網上真係越黎越無私隱，都可以話係等價交換吧 ~
為左[京都紅葉]我都黎左九十幾次啦~~
意粉︰係喇，其實我地啲乜嘢嘢都可以畀佢地知道晒，不過，我地又唔係邊個邊個~~
maymay︰咁你覺得我個遊記啱唔啱駛呀？係喎，咁你出咗機票未呀？
雖然唔係邊個邊個，但依家用網上銀行同埋網上付款都有啲擔心嫁 ~
梗係啱駛先黎九十幾次啦！
原來老公d假期未作實架，祇是[安排中]，過多幾日至敢訂機票呀~
係呢，你去京都果幾日係咪都住同一間酒店？响邊間旅行社訂套票呀？典解有pass送嘅？
都係用yahoo好d~~落後些，感覺有番d私隱! (哈哈，自已騙自已!)
意粉︰真係唔理得咁多囉！依家乜都網上搞，又冇紅薄仔，戶口冇咗一百幾十真係唔知道啊！
maymay︰又話有睇，我都冇住京都，日日住大阪呀！開頭兩晚住套票包的梅田東急 inn，有得食自助早餐，好開心，不過為了爭取時間六點幾就要去食~~
我係在安運 wincastle 買，當時有個 package 有 keisai pass 送，今年好似唔覺有，不過自己買都一樣啫。
rempei︰咁我 yahoo 都有 account，咪加陪危險！o_o''
Kansai 呀，帥哥 ~~
過多一頭半個月我日文有番一定程度應該唔會再串錯架喇！^p^
帥哥，
我一見到你呢個答案，笑到連口水都噴埋出來！
你千祈唔好有咁大期望啊!
阿帥哥咁叻仔, 下個月一定識晒五十音啦!
(一於放長雙眼睇下佢點... 哈哈!)
我有睇架，題目打少兩個字你就誤解意思嘞~
真係劃公仔要劃出腸至得呀~ ^o^
咁我再問多一次嘞：
"你去京都果幾日係咪都住[大阪]同一間酒店呀？"
哈哈哈哈哈哈 ))))))
我就笑到肚 luen 囉 ~
劉鄧︰我諗住年尾過度去可以講到 lak lak 聲，同啲o架妹o架仔吹吓水過喎~~ ^o^
小彭︰下個月或者頂唔順退咗學添~~
maymay︰唔係呀，開頭兩晚住東急 inn ，之後就住你一定唔會住嘅淀屋橋東橫 inn。^t^
意粉︰咁夜仲笑得咁大聲我驚你嚇親啲隔離鄰舍呀！
啲隔離鄰舍都好似係咁瞓到隻豬啦 ~
話時話，正常一般人呢個時間都瞓到隻豬咁喇！
師姐：(報寸)佢話妳唔正常呀！
hehe，唔好亂講呀，唔係師姐唔睬我架~~ :p
師妹：我從來無當個死人頭講既野係正常囉 ~ 呵呵 ~
咁你又去搵 1:18 秒~~ ^p^
你真係想我同你不和呀？「o靚」（嚴正聲明：唔係靚呀下）仔 ~
係，係我唔啱，我細路仔唔識世界，師姐請息怒~~
Post a Comment