Sunday, October 05, 2008

周末雜記

我是名符其實的賤骨頭,上班的日子永遠都不願意起床,但假期時往往大清早就醒過來。既然一點睡意都沒有了,就先去吃頓豐富的早餐,早一點展開今天的活動吧!



拖了很久,終於在夏去秋來之際看了 Mamma Mia 這齣能夠喚起不少人很多集體回憶的電影。兩個小時的電影可說是毫無冷場,當劇中演員唱到耳熟能詳的 ABBA 名曲時,大家的情緒都不期然高漲起來。電影中的陽光與海灘,還令我想到今年夏天到過的地方。



隨着電影落幕,今年夏天也應該告一段落。

在商場逛了一會,買了些文具和日語書,方便乘車時可以翻閱和做做筆記。不過,車窗外的風光似乎較悶蛋的書本更加吸引。



相約了旅伴在面向維港的餐廳研究年底的旅行大計,可是大家除了不停吃吃喝喝之外,就只顧逗這天非常精靈的 b 朗玩,反而要談的只談了很少。今年的大晦日,究竟會在成田還是鎌倉度過呢?




到了友人的家,才一歲多的小妹妹已經懂得拿着教小孩子學平仮名的書來看。看來我也要急起直追了!

14 comments:

Ellen老師 said...

梗係1定成田啦~~仲駛講~~
4級唔係幾難啫~~老師咁懶都得啦~~
小浩然都識平仮名呀~~努力啦~~大頭叔 ^^

Ellen老師 said...

萊b爸~~
b朗個頭都係歪喎~~

largeheadboy said...

ellen︰最弊我地要留耐啲嘛,咁早住成田唔知點吖嘛~~
啲小朋友咁厲害嘅,五十音仲有好多我仲未分到呀!嗚~~今個禮拜又要返學喇~~
係喎,要搞搞 b 朗個頭喎 ^_^

maymay said...

有人好鍾意湊仔喎,萊少唔駛請姐姐啦,請帥哥咪得囉~

光.軍 said...

星期一o既秋涼都已為秋天來臨...但尋日同今日o既太陽伯伯...熱得都利害...

lau2tang said...

一日做到咁多嘢,你都好識利用時間喎~

Anonymous said...

係咪因為早場平d所以早d起身咋?!
今朝我都係食呢間d早餐, 第一次食咋, 好好味!

Anonymous said...

係維港餐廳研究行程真high
是否跨年的行程呢? 會否係日本過新年呀?
我plan緊去東京倒數呢, 有無料醒d黎呀

largeheadboy said...

maymay︰不過我人工好高個喎,你知喇,我大喇喇納幾千蚊稅架嘛!^t^

光.軍︰今日都算涼咗好多喇,起碼我成日都冇出動我的手巾仔抹汗。令人喜愛的秋天應該到了!

劉鄧︰呢日由朝早八點一直搞到成十一點幾先返到屋企,真係累透啊!

小彭︰其實之前嗰日都諗住起到身就去睇早場架喇,我呢啲賤骨頭當然就自自然然晨咁早就醒咗喇!
oliver's 啲早餐好過大x樂呀麥xx呀,放假就想去嘆番個~~

紅米奇︰每人百鬆啲蚊咋,算好經濟架喇!^_^
係呀,我地傾年末年始之旅呀,不過就大家可能喺唔同地方敲鐘,因為我會留多幾日,未必會去成田囉,或者會去鎌倉,貪佢熱鬧啲。
你又計劃飛呀?好呀!^v^

Anonymous said...

請問12月31日或打後在東京區內會否有煙花放呢? 有無相關網址可提供呀? 第一次去參與日本的新年,希望感受下氣氛 ^^

Anonymous said...

除夕同新年唔覺有煙花放......

我只出得起3千5蚊咋..
原來你地趁我同萊嫂行開左幫b朗影左歪頭相 :p

largeheadboy said...

紅米奇︰睇下呢度吖
http://www.rurubu.com/season/winter/oshogatsu/
日本過新年都好熱鬧架,去完敲鐘仲可以返酒店睇紅白(又或者睇完紅白先出門口),第二日又可以去初詣,然後去買福袋~~

roy︰唔係點解我地要駕開你地呀!你睇,b 朗幾無奈,唔怪得知側晒頭喇!^p^

Anonymous said...

個早餐真係好得, 下午茶又抵, 不過屋企附近無囉!

largeheadboy said...

小彭︰我屋企附近都冇架,都要專登搭車去,咁都好過日日大x活吖~~