Sunday, November 30, 2008

十二月前

等呀等,等了差不多一個月占士邦還沒有落畫,唯有在電影贈券到期前的這天去看這齣興趣只是一般的電影。整齣戲百多分鐘不停的打呀打追呀追殺呀殺,到完場時我還搞不好這個跟那個的關係,又或者哪個是忠哪個是奸。


電影最深印象的一段,要數開首時在意大利古城 Siena 的一幕追逐場面。今年夏天我有幸到過 Siena,那個被譽為全世界最美麗的廣場確實名不虛傳。轉眼間,那次旅行原來已經是接近半年前的事。


圓方的 Standard Chartered Starsuite 只有廿多個座位,那些號稱頭等飛機座椅真的很舒服,我也以為自己真的在坐飛機連鞋子也脫掉。叫我感動的,還有免費送上的爆谷和汽水。


今年海港城的聖誕裝飾以火車站為題,一如往年的璀璨,當然也吸引不少人前來拍照。


這天我也補捉到 magic hour。


或者是之前在戲院吃的爆谷份量實在太多,我們都不太餓。不過,我們還是趁晚飯黃金時段開始之前到了鼎泰豐,隨隨便便點了幾樣東西。


從尖沙咀走到紅磡,趁吉之島一連幾天的感謝日辦了一些貨,然後再在 Italian Tomato 買件蛋糕作宵夜。


十一月終於來到最後一天。明天,就是叫人期待的十二月。

32 comments:

Anonymous said...

呢位邦女郎實在係一個大問號.

supageti said...

又掛住哨街無溫書 ~~~

supageti said...

你有無睇上一集 007?

largeheadboy said...

lala︰係喎,嗰位係邦女郎嚟個喎,完全醒唔起有邦女郎呢回事添~

意粉︰我一集占士邦都冇睇過呀,乜原來同上一集有關架?又唔早啲出聲!
尋日咁好天,緊係要出街行下,仲要用埋張戲飛嘛~
書,今晚先喇,hopefully~

supageti said...

第二集係延續第一集劇情,無睇第一集梗係唔明啦 ~ 你又唔早啲問??!!

largeheadboy said...

意粉︰我真係無諗過睇呢套戲架,佢又做咁耐唔落畫~
其實可以轉睇另外嘅戲,不過會冇咗汽水爆谷,膚淺嘅我梗係唔轉喇!^u^

maymay said...

扮坐頭等機艙,唔錯!

Anonymous said...

仲整件cake做宵夜, 乜咁似去左日本 ge

largeheadboy said...

maymay︰我尋日坐唔到 A1,坐 C1 咋~ ^t^

紅米奇︰我得閒就會買件 cake 做宵夜,好開心架,雖然肥仔咗啲。話時話,好耐未試過在日本食 cake~~

Anonymous said...

家下晌日本, 唔食過cake唔安樂! 以前上長途火車前, 就鐘意買件上車慢慢歎!
團長, 安排大頭晚晚食一件cake先准佢訓啦!

largeheadboy said...

小彭︰依家去日本宵夜,多數係 donut 或者乳酪同水果,cake 就留返 tea 先喇~
不過如果團長安排到每晚一件 cake 我又唔拘呀!^t^

Anonymous said...

就快出發喇喎!羨慕呀~~

largeheadboy said...

薯嘜︰係呀,仲有三個禮拜咋,眨吓眼就到。不過哩,我地 stay behind 嗰幾日仲未做功課呀!希望今次一切順利喇,唔好反面就好喇~ ^p^

Anonymous said...

反面??? 唔會呀嘛~~~佢地個個都咁講道理、人又正義、又有善心......

講開又講,大頭元祖帥哥,可否幫忙替小弟到東京辦一事呢?(如元旦日後尚在東京的話)

largeheadboy said...

嘻嘻,其實邊會反面吖我地,我乜都睇晒團長頭架喇~
元旦日之後會留多幾日喺とうきょう~~

Anonymous said...

がんそ好野喎, 學左一陣にほんご都知係とうきょう而唔係ときょ。我... 好耐先知道...

Anonymous said...

D日文果然勵害了不少喎~~

咁我唔客氣架喇~~

lau2tang said...

夜晚宵夜我想食いちご多啲~

Anonymous said...

仲要加練奶添呀!

largeheadboy said...

小彭︰其實哩,我開頭都係打咗ときょ出嚟架,不過就覺得唔係好順眼,即刻翻開枱上面嘅みんなのにほんご~~

薯嘜︰你唔會要我抬咗呀松隆子呀伊東美咲呀返嚟吖嘛?

Anonymous said...

你果然係我好知己,我既心事您完全了解!

largeheadboy said...

いちご原來解草莓呀?又學多個生字先~
いちごはいくらですか。(拋下書包先 :p)
唔,我唔駛煉奶架喇,齋食就已經好滿足架喇~ ^t^

largeheadboy said...

薯嘜︰呢啲小意思喇,我點會托你手“爭”,搵埋田中麗奈畀你都得呀!

supageti said...

年尾有いちご嫁咩?

largeheadboy said...

意粉︰有架喇,團長已經安排咗いちご狩嘅環節畀我地喇~~ ^d^

maymay said...

話時話,呢期日本草莓巧貴,要over989yen先叫做好樣d,我買左盒798yen嘅,好甜,但唔夠香囉~

largeheadboy said...

maymay︰成 1,000 yen 又幾貴喎(仲要成八算添)!不過夜晚返到酒店仲有草莓食又真係好開心架~

lau2tang said...

未啱時梗係又貴又麻麻啦~

maymay said...

換左yen未呀?今日8.3x喎~~

富有柿又平又靚,大大個都祗係100yen,我地吃左唔少,諗住last嗰日買d番香港慢慢吃,點知朝早响京都玩得開心得滯,唔記得左!

supageti said...

哇!最尾果日仲去京都,真係估師妹唔到喎,哈哈 ~~

maymay said...

師姐:經過多次嘅實習,我叻左好多喇,家陣~~^o^
(其實嗰日好驚地鐵發生故障呀,諗起都牙煙!)

largeheadboy said...

劉鄧︰咁我地可以唔玩いちご狩架,最多夜晚去超市睇下有幾多割囉~

maymay︰仲未未呀,我諗要我喺高位入咗貨之後啲 yen 先至會跌。你又唔肯讓啲平貨過我咯。
日本柿好好味呀,我忍唔住喇!

意粉︰係喇,唔係師妹性格喎,臨上機竟然仲去多轉京都,我都唔敢啊。