Wednesday, March 18, 2009

十三吉祥

一九九六年的三月十八日是個星期一,天氣有點涼而且有點雨。我對這天特別有印象,因為十三年前的今天,就是我踏進這個機構工作的第一天。

那時候大概是香港其中一個經濟低潮,人浮於事,沒有工作的人蠻多。在接獲聘書之前的差不多整整一年裏,大部分時間我都是賦閒在家,靠做些散工維生,很想離開一下這個地方但奈何銀行裏的積蓄已經所剩無幾。當我知道獲錄用後,有想過馬上飛往那時候我很沉迷的歐洲逛一圈才開始上班。當然,那個瘋狂的想法很快就因為家人反對而打消,然後在兩個星期後我就重投勞動大軍。不過半年後,我還是到了歐洲。


第一個崗位的工作算是輕鬆簡單,只是遇着橫蠻無理的上司,經常因為雞毛蒜皮的小事把人罵得無地自容,日子有時過得很痛苦。幸好在這個地方工作的將近五年裏,我還是有一丁點兒收穫。從前的辦公室幾年前已經給拆掉,很快會成為很多人的安樂窩,滿載着甜酸苦辣的回憶就只可以存放在腦袋裏。


從這裏開始,我曾轉到上環工作,然後這幾年來一直在金鐘上班,不經不覺又已經過了七個年頭。這陣子,有些同事開始擔心即將會調到什麼地方工作,或者在一年半載後,就輪到我要面對新的工作環境。

十三年一晃就過去,十三年後我會不會繼續為工作煩惱呢?

19 comments:

lau2tang said...

講真,我唔覺你有為工作煩惱過噃~

maymay said...

13年後都差唔多退休啦,仲煩乜鬼惱呢~~
我依家就煩惱嘞,驚冇工做!

Anonymous said...

講真你的工作有甚麼煩呢?每次上來這裡,只覺你都在吃喝玩樂,日子過得很輕鬆似的呢!
蘭子

Anonymous said...

我地有d野都幾相似喎! (怪不得我感到彭彭堂有d一厥不振啦! 經理人, 快d比錢我去進修下啦!)

Ellen老師 said...

打從第1天開始工作,就是煩惱啦!
13年後仲繼續為工作煩惱,唔好掛!

Anonymous said...

諗咁多都難以預測未來, 我做左14年都要轉工, 回想之前從無諗過轉啦, 結果.......... 大頭哥繼續吃喝玩樂, 未來事無得諗

Anonymous said...

那時候工作的單位雖然比現在的忙碌
但那邊同事間的關係比現在的好多了
有得為工作煩惱也不壞
最怕想煩也輪不到你煩,穀種吃盡,執紙皮又唔夠阿婆爭呀:-p

largeheadboy said...

劉鄧︰你都咪話呀,日日諗去邊度食晏都好煩惱架~ :p

maymay︰13 年後我仲有大把世界呀,邊有咁早退休!哈哈!
又話有返啲生意嘅?如果依家冇嘢做都幾愁啊。

蘭子︰我對人歡笑背人愁你唔知啫~
係,一陣 send 個 mail 畀你先。

堂主︰彭彭堂都係退出芸能界算罷喇,唔係一陣喺日本搞單嘢累埋經理人就唔好喇!

老師︰我成日都諗早啲退休架,做乜都好喇,總之唔駛日日晨咁早起身返工就得架喇~

紅米奇︰係喎,你轉咗工冇耐咗呵?
咁又係,好多事跟本就喺你控制之外,有得食就食有得玩就玩~

歐巴桑︰跟同事的關係真係好重要,我都最怕呢個又唔妥嗰個又唔啱,返工已經好辛苦,同事唔會衰多幾廿錢啊!
紙皮唔值錢啊,我都係去攞綜緩算喇~ ^t^

supageti said...

少年不知愁滋味
為賦新詩強說愁

Ellen老師 said...

好句~~~絕配

Anonymous said...

我家陣夠好想抄老細魷魚…但係又驚要訓天橋底(家陣咁環境、分分鐘連米都無得乞呀!)

largeheadboy said...

意粉︰我仲係少年就好啊,嗚~

老師︰嘩,點解可以咁夜都唔瞓嘅?

ah ming︰好耐冇見~
如果有本錢,邊個唔想炒老板魷魚吖,所以都係嗰句︰加油呀!

lau2tang said...

咁一於帶飯返工囉~
我今年都開始帶番飯~

maymay said...

生意係有,不過唔順利囉!

粗俗版~
中年未嚐愁滋味
為寫新卜強說愁

Anonymous said...

版頭好靚噃!

largeheadboy said...

劉鄧︰帶飯都可以,但係通常我會煮飯嗰日第二日我唔係有飯局就要去打波~

maymay︰慢慢嚟喇,匯豐都慢慢升返喇!:p
你唔話我老坑我都唔會覺得你粗俗架!

娜娜︰thank you, thank you!呢度係江丿島電鉄嚟架,我都覺得幾有 feel。

naruto said...

工作煩惱?咁應架

Anonymous said...

工作煩惱相信每人都有,唯有寄情於旅遊上吧,決定了下一站飛那處了嗎?

largeheadboy said...

naruto︰哈哈!唔好意思,提起你傷心事!:p

rempei︰唔,我乜都未決定啊!