那時候大概是香港其中一個經濟低潮，人浮於事，沒有工作的人蠻多。在接獲聘書之前的差不多整整一年裏，大部分時間我都是賦閒在家，靠做些散工維生，很想離開一下這個地方但奈何銀行裏的積蓄已經所剩無幾。當我知道獲錄用後，有想過馬上飛往那時候我很沉迷的歐洲逛一圈才開始上班。當然，那個瘋狂的想法很快就因為家人反對而打消，然後在兩個星期後我就重投勞動大軍。不過半年後，我還是到了歐洲。
第一個崗位的工作算是輕鬆簡單，只是遇着橫蠻無理的上司，經常因為雞毛蒜皮的小事把人罵得無地自容，日子有時過得很痛苦。幸好在這個地方工作的將近五年裏，我還是有一丁點兒收穫。從前的辦公室幾年前已經給拆掉，很快會成為很多人的安樂窩，滿載着甜酸苦辣的回憶就只可以存放在腦袋裏。
從這裏開始，我曾轉到上環工作，然後這幾年來一直在金鐘上班，不經不覺又已經過了七個年頭。這陣子，有些同事開始擔心即將會調到什麼地方工作，或者在一年半載後，就輪到我要面對新的工作環境。
十三年一晃就過去，十三年後我會不會繼續為工作煩惱呢？
19 comments:
講真，我唔覺你有為工作煩惱過噃~
13年後都差唔多退休啦，仲煩乜鬼惱呢~~
我依家就煩惱嘞，驚冇工做！
講真你的工作有甚麼煩呢？每次上來這裡,只覺你都在吃喝玩樂,日子過得很輕鬆似的呢！
蘭子
我地有d野都幾相似喎! (怪不得我感到彭彭堂有d一厥不振啦! 經理人, 快d比錢我去進修下啦!)
打從第1天開始工作，就是煩惱啦！
13年後仲繼續為工作煩惱，唔好掛！
諗咁多都難以預測未來, 我做左14年都要轉工, 回想之前從無諗過轉啦, 結果.......... 大頭哥繼續吃喝玩樂, 未來事無得諗
那時候工作的單位雖然比現在的忙碌
但那邊同事間的關係比現在的好多了
有得為工作煩惱也不壞
最怕想煩也輪不到你煩,穀種吃盡,執紙皮又唔夠阿婆爭呀:-p
劉鄧︰你都咪話呀，日日諗去邊度食晏都好煩惱架~ :p
maymay︰13 年後我仲有大把世界呀，邊有咁早退休！哈哈！
又話有返啲生意嘅？如果依家冇嘢做都幾愁啊。
蘭子︰我對人歡笑背人愁你唔知啫~
係，一陣 send 個 mail 畀你先。
堂主︰彭彭堂都係退出芸能界算罷喇，唔係一陣喺日本搞單嘢累埋經理人就唔好喇！
老師︰我成日都諗早啲退休架，做乜都好喇，總之唔駛日日晨咁早起身返工就得架喇~
紅米奇︰係喎，你轉咗工冇耐咗呵？
咁又係，好多事跟本就喺你控制之外，有得食就食有得玩就玩~
歐巴桑︰跟同事的關係真係好重要，我都最怕呢個又唔妥嗰個又唔啱，返工已經好辛苦，同事唔會衰多幾廿錢啊！
紙皮唔值錢啊，我都係去攞綜緩算喇~ ^t^
少年不知愁滋味
為賦新詩強說愁
好句~~~絕配
我家陣夠好想抄老細魷魚…但係又驚要訓天橋底（家陣咁環境、分分鐘連米都無得乞呀！）
意粉︰我仲係少年就好啊，嗚~
老師︰嘩，點解可以咁夜都唔瞓嘅？
ah ming︰好耐冇見~
如果有本錢，邊個唔想炒老板魷魚吖，所以都係嗰句︰加油呀！
咁一於帶飯返工囉~
我今年都開始帶番飯~
生意係有，不過唔順利囉！
粗俗版~
中年未嚐愁滋味
為寫新卜強說愁
版頭好靚噃！
劉鄧︰帶飯都可以，但係通常我會煮飯嗰日第二日我唔係有飯局就要去打波~
maymay︰慢慢嚟喇，匯豐都慢慢升返喇！:p
你唔話我老坑我都唔會覺得你粗俗架！
娜娜︰thank you, thank you！呢度係江丿島電鉄嚟架，我都覺得幾有 feel。
工作煩惱？咁應架
工作煩惱相信每人都有，唯有寄情於旅遊上吧，決定了下一站飛那處了嗎?
naruto︰哈哈！唔好意思，提起你傷心事！:p
rempei︰唔，我乜都未決定啊！
Post a Comment