Tuesday, July 07, 2009

最後一擊

明天就是日語班的口答試驗了,雖然老師一早已給了我們問題範圍,但我還是沒有信心,害怕即場對着老師時啞口無言,不停要說すみません、もう一度お願いします,又或者わかりません。沒辦法了,來到最後一夜,不得不用些另類方法。

如果吃的東西都是來自日本,會不會以為自己是生活在日本的當地人,到時到候就能夠對答自如,說出一口流麗、毫無瑕疵兼且帶點關東口音的日語呢?


就這樣,今晚我用了日本蛋、日本本菇、日本豆腐、日本盬漬鮭魚、日本咖哩汁,當然還有日本米,弄出這碟挺美味的咖哩蛋包飯來。


噢,弊傢伙,沙律菜不是日本貨啊!放心放心,來自日本的芝麻沙律汁已經完完全全覆蓋每一塊菜葉了,影響應該不會太大的,頂多老師問我次の誕生日に何歲になりますか時,我會如實回答說 18 歲吧。


不過,怎麼吃過這頓晚飯,我對着那 67 條問題時還是一籌莫展、不知如何入手呢?難道今晚寢る前還要作出最後一擊?

28 comments:

lala said...

點睇都係碟頭飯 ... 加油啦,唔好緊張就得架喇!

supageti said...

何の蛋包飯ですか。

咦 ~ 今晚咪無得睇 MJ?

naruto said...

睇嚟已經癲X左,送佢去青山,唔係南青山

largeheadboy said...

lala︰係蛋包飯嚟架,不過係飯多過頭啲蛋包唔晒啫~ :p
尋晚由頭溫習咗全部問題,仲有好多唔識呀,我怕現場聽唔到老師問乜呀!

意粉︰都話係蛋包飯嚟架,仲好日本 feel 添架!
尋晚無睇 michael jackson 呀,咁夜至做,十二點我已經瞓咗 lu~

naruto︰送我去南青山喇,最多我去買件 Comme des Garçons 過你喇~

supageti said...

十二點我已經瞓咗?即係無一生懸命啦 ~~ 呵呵 ~~~

小妹 said...

煮咁多味...不如温多兩句啦~ ^^

maymay said...

吃日本野就識講日文,唔係呀化,睇黎你今次考試都係........!

lau2tang said...

係啦~
咁講法Maymay咪可以去考二級,而我,應該睇在我一年去幾次日本份上,三級試就唔應該肥我佬啦!

紅米奇 said...

照咁計, 想一定過關的話應該考試前走轉日本, 例如明日考就早幾日去東京食野, 今晚返港, 咁就fit晒

歐巴桑 said...

考成點呀?

largeheadboy said...

意粉︰尋晚眼瞓到傻,唔瞓今日就頂唔住呀!今日睇返尋晚悼念 michael jackson 現場的片段,覺得睇唔到真係有啲可惜~

小妹︰尋晚餐飯超級易煮咋,係煎下啲蛋咁之嘛,出街食的話就更加無時間溫書 lu~

maymay︰唔係呀,你啲日文都好厲害呀,成日都有聽見你講 dame 呀大丈夫呀!

劉鄧︰可能就係因為你只係去得嗰幾次咁大把呀,要去十幾廿次至得架嘛~ ^u^

紅米奇︰唔駛一定過日本架,就咁食日本嘢都得架,就係因為尋晚食咗日本嘢,今日表現神勇呀!哈哈!你照跟我然後去考四級應該無問題呀!^t^

歐巴桑︰今晚出奇地表現好喎!我第一個考,喺完全唔知會問邊幾題的情況下都只係得一題要講わかりません(雖然問咗幾次もう一度)。老師講得好快,要同時諗佢問乜同埋預備點答真係幾係嘢啊!口試完咗,又要預備考試了!

ROY said...

咁開心呀~ 咁要食番餐慶祝下喇~

小頭 said...

嗯,咁考試前要繼續食日本料理 ^^

largeheadboy said...

roy︰尋晚諗住去九龍灣間大榮華,但八點去到都仲要等位,就食其他嘢算數。唔,又去食 niji 都好喎!^t^

小頭︰咁都要溫下書嘅,唔可以一味靠晒佢~ :p

光.軍 said...

雖然遲到.but, 都祝你能過五關斬六將!

largeheadboy said...

光.軍︰依家啱啱至考完口試,叫做過咗一關,十日之後又會考筆試,呢個應該會更痛苦,不過之後就一天都光晒 lu。:p

小彭 said...

"對着那 67 條問題時還是一籌莫展"?! 唔係呀嘛... 不過呢... 我今次都將個navi轉英語廣播囉...

largeheadboy said...

小彭︰呢次真係要歸功於你同埋高橋老師呀!都係嗰句︰啤酒我嘅!:p

maymay said...

新版面好靚啊~^^

rempei said...

有新版面咩! 哎吔~~點解我唔覺既!!!

lau2tang said...

個版頭清新!

largeheadboy said...

maymay、薯嘜、劉鄧︰夏天吖嘛,咪轉個清爽啲嘅版面囉。張相係喺北海道影架,唔知幾時有得再去呢?

小彭 said...

我無功, 只有勞... 左手黎右手去姐... 啤酒你呀嘛, 好, 搵日啦吓!

largeheadboy said...

小彭︰想要埋梅酒都得架~ :p

lau2tang said...

今晚唔使返學,去咗邊度威呀?

largeheadboy said...

唔去威喇,一陣應該溫書囉,不過有啲眼瞓~

貝拉 said...

大頭加油呀!

largeheadboy said...

貝拉︰禮拜日朝早考試,我依家腦裏面空白一片,淨係諗住嗰日會唔會打風唔駛考~ ^t^