如果吃的東西都是來自日本，會不會以為自己是生活在日本的當地人，到時到候就能夠對答自如，說出一口流麗、毫無瑕疵兼且帶點關東口音的日語呢？
就這樣，今晚我用了日本蛋、日本本菇、日本豆腐、日本盬漬鮭魚、日本咖哩汁，當然還有日本米，弄出這碟挺美味的咖哩蛋包飯來。
噢，弊傢伙，沙律菜不是日本貨啊！放心放心，來自日本的芝麻沙律汁已經完完全全覆蓋每一塊菜葉了，影響應該不會太大的，頂多老師問我次の誕生日に何歲になりますか時，我會如實回答說 18 歲吧。
不過，怎麼吃過這頓晚飯，我對着那 67 條問題時還是一籌莫展、不知如何入手呢？難道今晚寢る前還要作出最後一擊？
28 comments:
點睇都係碟頭飯 ... 加油啦，唔好緊張就得架喇！
何の蛋包飯ですか。
咦 ~ 今晚咪無得睇 MJ？
睇嚟已經癲Ｘ左，送佢去青山，唔係南青山
lala︰係蛋包飯嚟架，不過係飯多過頭啲蛋包唔晒啫~ :p
尋晚由頭溫習咗全部問題，仲有好多唔識呀，我怕現場聽唔到老師問乜呀！
意粉︰都話係蛋包飯嚟架，仲好日本 feel 添架！
尋晚無睇 michael jackson 呀，咁夜至做，十二點我已經瞓咗 lu~
naruto︰送我去南青山喇，最多我去買件 Comme des Garçons 過你喇~
十二點我已經瞓咗？即係無一生懸命啦 ~~ 呵呵 ~~~
煮咁多味...不如温多兩句啦~ ^^
吃日本野就識講日文，唔係呀化，睇黎你今次考試都係........！
係啦~
咁講法Maymay咪可以去考二級，而我，應該睇在我一年去幾次日本份上，三級試就唔應該肥我佬啦！
照咁計, 想一定過關的話應該考試前走轉日本, 例如明日考就早幾日去東京食野, 今晚返港, 咁就fit晒
考成點呀?
意粉︰尋晚眼瞓到傻，唔瞓今日就頂唔住呀！今日睇返尋晚悼念 michael jackson 現場的片段，覺得睇唔到真係有啲可惜~
小妹︰尋晚餐飯超級易煮咋，係煎下啲蛋咁之嘛，出街食的話就更加無時間溫書 lu~
maymay︰唔係呀，你啲日文都好厲害呀，成日都有聽見你講 dame 呀大丈夫呀！
劉鄧︰可能就係因為你只係去得嗰幾次咁大把呀，要去十幾廿次至得架嘛~ ^u^
紅米奇︰唔駛一定過日本架，就咁食日本嘢都得架，就係因為尋晚食咗日本嘢，今日表現神勇呀！哈哈！你照跟我然後去考四級應該無問題呀！^t^
歐巴桑︰今晚出奇地表現好喎！我第一個考，喺完全唔知會問邊幾題的情況下都只係得一題要講わかりません(雖然問咗幾次もう一度)。老師講得好快，要同時諗佢問乜同埋預備點答真係幾係嘢啊！口試完咗，又要預備考試了！
咁開心呀~ 咁要食番餐慶祝下喇~
嗯，咁考試前要繼續食日本料理 ^^
roy︰尋晚諗住去九龍灣間大榮華，但八點去到都仲要等位，就食其他嘢算數。唔，又去食 niji 都好喎！^t^
小頭︰咁都要溫下書嘅，唔可以一味靠晒佢~ :p
雖然遲到．but, 都祝你能過五關斬六將！
光．軍︰依家啱啱至考完口試，叫做過咗一關，十日之後又會考筆試，呢個應該會更痛苦，不過之後就一天都光晒 lu。:p
"對着那 67 條問題時還是一籌莫展"?! 唔係呀嘛... 不過呢... 我今次都將個navi轉英語廣播囉...
小彭︰呢次真係要歸功於你同埋高橋老師呀！都係嗰句︰啤酒我嘅！:p
新版面好靚啊~^^
有新版面咩！ 哎吔~~點解我唔覺既!!!
個版頭清新！
maymay、薯嘜、劉鄧︰夏天吖嘛，咪轉個清爽啲嘅版面囉。張相係喺北海道影架，唔知幾時有得再去呢？
我無功, 只有勞... 左手黎右手去姐... 啤酒你呀嘛, 好, 搵日啦吓!
小彭︰想要埋梅酒都得架~ :p
今晚唔使返學，去咗邊度威呀?
唔去威喇，一陣應該溫書囉，不過有啲眼瞓~
大頭加油呀！
貝拉︰禮拜日朝早考試，我依家腦裏面空白一片，淨係諗住嗰日會唔會打風唔駛考~ ^t^
Post a Comment