Tuesday, December 14, 2010

20101128︰新宿 → 高尾山

十一月來東京看紅葉,高尾山是不可不去的地方,正如到京都看紅葉,嵐山也是沒有理由不去的地方。所以在這短短的五天裏,我們很慷慨地撥出一天時間給高尾山。


高尾山位於東京都西面的八王子市,坐電車不用一個鐘頭就到。我們買的高尾山割引乘車券含來回新宿與高尾山口的京王電鐵和往返山上的纜車,比逐程購買便宜了一點。


為了避過人潮,我們早餐也沒吃就坐上 7:50 開出的特急列車。不過,跟我們想法一樣的大有人在,我們抵達高尾山走出車站時發覺四處都是全副裝備的登山人士。


買過飯團,我們就跟着人潮往清滝駅的方向走,沿途陪伴着我們的還有叫人看得入神的紅葉。


這個漫天通紅的場面原來不經不覺已經有三年沒有看過了。


如果你有體力也有時間,大可從山腳走到山腰,需時大概 40 分鐘。我們有來回的纜車車票,當然不會做傻事。不過之後從山腰前去藥王院和高尾山山頂,就怎樣都要走路了。


雖然才是九點鐘,但在清滝駅外面排隊坐纜車的人很多,相信要佔據窗邊的有利位置看風景絕對不是易事。


車廂外面的風景確是美麗,但要是全程都擠在人堆中什麼都看不到就沒有意思了。


除了纜車,其實還可以到旁邊的山麓駅坐吊車登山,那邊輪候的人還沒有那麼多。好,就壯起膽子坐吊車去吧!


我們都是極度畏高的人,坐在身體大部分地方暴露在空氣之中什麼安全設施都沒有的吊車上,確是一件很驚心的事,尤其是吊車越爬越高,雙腳下面就是深不見底的山谷,繩網就是唯一的保護網。


不過沒多久我們都習慣了,甚至可以不用緊握着扶手,盡情放膽欣賞不斷往後退的風景。這個時候高尾山的紅葉應該算是見頃吧!


12 分鐘的紅葉感動吊車之旅,到了山腰的山上駅就來到終結。回去的時候,要再坐吊車還是試試坐纜車好呢?


吃過了飯團補充體力,就正式開始這天的高尾山健行。這天天氣算是清涼,很適合戶外活動。沿途有不少人只穿上薄薄的外衣還滿頭大汗,他們應該是先前捨纜車從山腳慢慢走上來。


天清氣朗的日子,可以從高尾山遠眺東京都,可是這天視野一般,什麼都像隔了一層薄薄的紗。


這株樹齡大概 450 歲的參天巨樹叫たこ杉,背後原來有個有趣的傳說。話說たこ杉那巨大的樹根原本阻礙了打算修建的山路,工人沒有辦法只好打算把它斬除。巨樹知道後,一夜之間把樹根像章魚的爪捲起來,不再阻擋通道。たこ杉從此也就成為高尾山の七不思議之一。


我們一路走一路吃,沒多久就來到藥王院,也即是說離山頂不遠了。要繼續努力了!


途中遇上紅葉,我們還是會停下來好好欣賞一番。


高尾山不愧為東京的後花園,每年有幾百萬名遊客到來,除了被稱為世界上登山者數量第一的山峰,也被米芝蓮評為三星旅遊點。


中午之前我們來到了高尾山山頂,這裏已經聚集了不少人,很多還在享用自己帶來的便當。


忽然間,眼前出現了這個畫面,叫我差點兒哭了出來。

19 comments:

小妹 said...

大家的富士山情意結都很深哦~ 我今次是在黃昏時遇上它, 當時好訝異呀我! 因為在同一位置的下午時, 太陽大到讓我不知它原來在此啦.

maymay said...

咁近嘅富士山,的確好震撼!

卡臣 said...

漫天紅葉, 美極了
富士聳置..聽不見途人歡笑

naruto said...

D紅葉影得靚呀,影相進步唔少喎

為左呢架腳finf fing吊車,我要去一次

largeheadboy said...

小妹︰我諗係因為我地體內都流動着某種日本的因子~
好漫畫呀你個感覺,突然見到富士山出現,係邊豎呢架?

maymay︰其實個富士山好遠好遠架,只不過係我 zoom 到佢咁近咋,不過點樣都好感動~

卡臣︰見到紅葉,又想起遠方啊~
聽不見途人歡笑,係因為豈能及漁燈在香港。好,together,俯首低望何時何方何模樣 ♫ ♬ ♪ ♩ ♭ ♪~

naruto︰仲大把有待改進呀~
呢啲雙腳 fing fing 嘅吊車好多地方都有啊,邊去得咁多!不過呢程係我坐呢類吊車最長程嘅一次,雖然我都係好似第二次坐~

卡臣 said...

俾你的blog K 笑死了 :D

supageti said...

初初坐依種吊兜都好驚,坐下坐下又慣左...點都好過搭纜車,唔駛等又方便影相...

歐巴桑 said...

坐吊車好feel好多呢
想不到在東京都可以近距離看到富士山呀~

瘋膏 said...

見到富士山時, 有冇大叫, 我睇到你張相時, 喺心入面大叫咗。
真好, 見到富士山。
我又要去高尾山睇紅葉。

小彭 said...

做咩事一個二個出得咁快架?! 鬥快咩家下!
每次見到富士山, 我都仲係好感動都好激動! 好在飛機門晌左邊, 唔係我可能開門跳落去都似.

卡臣 said...

曾沿著雪路浪遊 為何為好事淚流
誰能憑愛意要富士山私有

largeheadboy said...

卡臣︰點都唔夠《K 歌之王》搞笑~ :p
今次見到富士山完全冇諗起《富士山下》呢首歌喎,今晚要搵番出嚟聽下至得。見到富士山係好事,唔應該淚流嘅~

意粉︰上落呢隻吊車都幾得人驚架,行慢啲成架車車埋嚟架!影相點都有啲驚呀,尤其係有一兩張我拎轉頭影~

歐巴桑︰坐吊車的確好 feel 好多,又唔駛同啲陌生人逼埋一齊喎。
喺高尾山山頂見到話原來喺嗰度見到嘅富士山,足足比東京都見到嘅大咗一倍,但震撼程度又何只大咗一倍。

瘋go︰喺日本要有儀態啲,唔可以隨便大叫架,我淨係爭啲喊咗出嚟咁囉。
高尾山紅葉要等下年喇,不過富士山會一直喺度等你架~

小彭︰要趕工呀我,一停就會停咗落去架喇,同埋寫完就可以預備下一次旅行,所以你都千祈唔好放慢呀~
唔好咁衝動,搵次直頭爬上去仲好喇~

ayclui said...

多謝大頭介紹...原來東京附近有個咁靚嘅高尾山...我地一向都唔鍾意留東京,真係走寶啦~

另外, 遊記update得好快啊~ 要讚一下~ ^^
P.S. 我個仲典緊Day 5...太多o野寫...

largeheadboy said...

ayclui︰東京有好多地方值得去架,唔好忽略佢呀,所以每次有機會我都要留多至少一兩日。
要趕數呀年尾,所以遊記會全速進行。係呀,有時多野寫真係唔知點入手寫架,加油喇,等睇你嘅 update 架~

l.minor said...

好美的紅葉相!

睇完你寫記,真係要好好plan下去日本之旅~

睇見你d腳fing fing,手汗即時出咗黎~~

小彭 said...

天氣凍, 十點幾就去瞓, 點寫呀!

仲有: "十一月來東京看紅葉,高尾山是不可不去的地方,正如到京都看紅葉,嵐山也是沒有理由不去的地方。"

我真係無去嵐山, 咁可以當無去睇紅葉啦, 好野, 慳番唔寫LU, 哈哈!

largeheadboy said...

l.minor︰你又畏高架?上吓網睇雨有乜地方想去,砌下砌下個行程就搞掂架喇!^t^

小彭︰十點幾你收咗工嗱?
咁就更加要寫你去咗邊可以連嵐山都唔去喇!

tmc said...

我而家睇番張相,眼眶都有點濕。

去咗日本十二年,真係第一次同富士山咁接近。

largeheadboy said...

tmc︰你又咁眼淺?咁下次再去近啲睇再大嗰啲嘅富士山囉~