Thursday, January 27, 2011

20101130︰長野、大宮、新宿

前來長野時為了省錢坐了三個多鐘頭巴士,現在回去就不想花掉整個下午的時間在巴士上,當機立斷一擲千金買下長野到大宮的新幹線車票,然後再轉車到新宿。這樣每人也只是多付大約三千円,值得值得。


離開長野前我們到車站對面的東急百貨,在地庫的超市買了一大袋蜜柑在新幹線上慢慢享用。這次旅行吃得最多的水果,一定非蜜柑莫屬。


軽井沢啊軽井沢,請原諒我過門而不入,你可知道我是多麼想下車跟你再聚啊!


大宮是多條新幹線的轉車站,車站很具規模,滿是賣手信和食品的店子,人們都是來去匆匆。我們也是過客,逛了一會就坐上湘南新宿線直奔新宿。


四點半天還沒有黑透我們就回到熱鬧繁榮的新宿。


遇上很便宜的宿泊計劃,這晚我們住進新宿的京王飯店。取房時櫃檯小姐說多付 2,000 円就可以轉到較高級的客房,態度很是冷漠。我們都是草根,還是住進最普通的客房就可以了。當然,如果有無料升級的話,說法就不同了。


新宿京王飯店的客房雖然與 Hyatt Regency Tokyo 的差不多大小,但我們住進的南館沒有翻新,雖然說不上殘舊,但依然給人很上一個世紀的感覺。下次再來東京,我想我還是會選 Hyatt Regency Tokyo,況且人家經常有無料升級嘛!


兩年前風風亭一役折翼而回,無法回本,此事一直令我耿耿於懷。蟄伏了六百多個夜晚,我們終於捲土重來,從當年倒下來的新宿西口店再次站起來。這次不容有失!


什麼,原來逢星期一至星期四下午五時至六時入席,無需 coupon 也可享有半額飲み放題?這晚就一於大吃大喝,不醉無歸。


這晚吃得最多的不是牛,而是很好吃的各式沙律,其中牛蒡絲沙律我們更點了三四碟。


兩個小時下來,我們吃過一碟又一碟,灌過一杯又一杯,把服務生都嚇得目瞪口呆,總算報了當年一箭之仇。


來到這次旅程的最後一夜,當然不想太早返回旅館,於是我們在五光十色的新宿街頭四處流連。


走得累了就找上了這家也很有“花樣年華”feel 的 coffee 西武歇一歇腳。


雖然滿肚子燒肉,但還是一人點了一個很巨型的芭菲。


不到一個月就到聖誕,新宿駅南口外面都有很多漂亮的燈飾,雖然規模沒有之前在汐留和 Tokyo Midtown 看的那樣大,但也叫人看得很雀躍。


十二月二十四日如果還在日本就好了!

20 comments:

naruto said...

食到失禮港人呀真係

小妹 said...

嘩~成支雪糕筒插落去的芭菲呀!
咁我地港式成件cake放係面...都唔係好過份o者?

卡臣 said...

Keio Plaza我都有住過, 年少時覺得佢好靚,之後都再無住過

largeheadboy said...

naruto︰我地之前仲話唔飲野剩係要水就可以,跟手就見原來有任飲特價,就拿拿聲叫返,cheap 爆呀!香港人真係畀我影衰晒呀~

小妹︰無論係雪糕筒定係成件 cake,我都照樣吞得落呀!話時話,人地個樣點都有 heart 啲吖~

卡臣︰點解之後唔再住呢?我住之前覺得京王好 high 架,住完至發覺服務麻麻房又八十年代 feel,當然我住最 cheap 嘅房嘛~

maymay said...

成支雪糕筒插落去的芭菲好肉酸呀,不過襯你囉~~~

lau2tang said...

大頭帥哥,
有樣嘢唔係好明,點解間酒店好有上世紀feel你就唔鍾意,但又要去搵間充滿“花樣年華”feel ge cafe 去坐? 係咪好矛盾咁呢?

ayclui said...

蜜柑...真係好好味~
大頭,你地個樣一定比人影低,send 去各大小食店,貼喺收銀機旁邊寫住: 黑洞食客,小心~呵呵呵~ ^^

l.minor said...

牛蒡正啊!香港100g也要$2x

勁呀!不過你地巳經俾間野點咗相,blacklist咗你地~哈哈

supageti said...

大宮我都轉過好多次車,不過次次都好匆忙,無停下來既空間。

第一次幫襯風風亭,遇到一位獨行日本小姐,佢既食量到今日未見有人能夠匹敵。

naruto said...

劉鄧講得好,比個like你

lau2tang said...

有人讚添,好開心~

TY said...

你地都真係食好多野... 不過甜品永遠係第二個胃黎既~~ 我掛住新宿呀!!!!!

largeheadboy said...

maymay︰我呢啲又就係稔善畀人欺呀!嗚~~~

劉鄧︰唔同架,去飲野可以講 feel 懷舊啲都無所謂,可能仲正啲添,但係住就唔同講法,唔可以懷舊架要新淨架嘛~

ayclui︰日本啲蜜柑好清好甜,返到嚟香港見到價錢啱都會買,早個禮拜先買咗和歌山產的,10 個才賣 $19.9~
佢地唔好做到咁絕好喎,我諗住再接再厲再下一城架!

l.minor︰100g 也要 $2x 咪幾貴吓?我未試過買牛蒡,除咗做沙律唔知仲可以點整嚟食。有機會都要試整下佢地呢個沙律,諗返到好好味。
下次再去呢間風風亭可能又要兩年之後,佢地應該乜都唔記得架喇~

意粉︰上一次去大宮又係轉車,從仙台去軽井沢,唔知會唔會有次真係去周圍行下呢?
獨行女子食燒肉放題,少見喎,仲要係大食添!不過日本妹真係好大食架~

naruto︰我寫得咁勤力又就快埋尾,我都要個 like~

劉鄧︰乜平時無人讚你嘅咩?:p

TY︰呢日無乜食晏,留定肚同佢搏命架!:P係喇,之後再食甜品毫無難度呀,返到酒店仲要繼續食埋啲蜜柑喎!
我新買咗本雜誌有新宿美食指南,都一路睇一路想住去新宿呀!

l.minor said...

題外話,之前我記得你寫過一篇去大阪梅田個空中花園,我搵唔番你呢篇,定係我記錯呢?

largeheadboy said...

l.minor︰記錯呀你,我無去過梅田個空中花園呀,我咁怕高,我驚我頂唔住呀~

小彭 said...

摔咗隻眼好耐, 想望清楚個芭菲係咪真係插住個雪糕筒! 好鐘意呀, 不過我估我一定食唔晒! 港式o個個唔係無heart, 係有人個芭菲無咗個雪糕球囉!

largeheadboy said...

小彭︰好浮誇啊呵杯芭菲上面仲有個雪糕筒,啱你架應該!:p
我都唔明 tiramisu 好矝貴咩,點解會無雪糕喎!

ROY said...

間燒肉好正既咩?要覆卓既...

兩個人食一個芭菲就差唔多~

小彭 said...

浮誇真係好啱我架!
而我嘅目標係想去雪印食成座山o個個呀!

largeheadboy said...

roy︰唔係超級好食,係有放題同埋都坐得舒服吖嘛!可以再去架~
其實我地當時食得幾辛苦,因為仲係好飽~

小彭︰到時記住 call 埋我幫你清場喎!