Sunday, July 10, 2011

第二章︰櫻桃成熟時

還未到七點,我們已經身處成田站的月台。


6:57 開往東京的快速電車是我們會坐的那一班,我承認我是緊張了一點。不過,當你昨天晚上聽到成田機場往東京的 Narita Express 臨時給取消了,你不得不預留更鬆動的時間。


東京,別來無恙啊。


東日本大地震發生後,東北地區的新幹線大受影響,東北新幹線就曾經需要中斷受影響較嚴重的地區的服務,要個多月後才恢復全線通車。我們出發的時候,新幹線經過受災地區時要減慢速度,班次也減少了。要是之前沒有在網上預約座位,這天我們就一定要到自由席排隊了。


在月台上碰巧遇上在大地震前幾天才開始運行的新幹線はやぶさ。受大地震影響,原來每日三班往返東北的はやぶさ,現在縮減到每日只有一班往返。


這盒在車站買的鮭魚押壽司是我們的早餐。


我們坐的つばさ在福島站跟Maxやまびこ分體,Maxやまびこ會開往仙台,而我們就開往山形。福島,希望你盡快復原過來。


六月正值櫻桃收成的季節,而山形就是盛產櫻桃的地方,很多農場都以任摘櫻桃作招徠。我們選了漆山市的パル観光果樹農園,因為從天童轉坐奥羽本線到漆山站再走 15 分鐘就到,算是在云云農場中不用坐的士下最方便到達的一個。


漆山市是個很小的地方,車站沒有人看守。走在街上,除了一株又一株櫻桃樹,可以完全碰不見其他人。


其實之前一直很擔心農場有沒有開門營業,因為它沒有自家網頁,簡單的資料全來自 るるぶ 的網頁。在天童的觀光案內所曾嘗試請職員替我們打電話給農場,可是最終都是溝通不來。結果,最壞的情況出現了,抵達時才知道農場沒有開放,原因不太明白,聽得懂的就只有“食べない”(不能吃)。


結果我們被迫滯留在漆山,等待下一班電車到來。其實我還有其他農場做後備,不過的士車資一程要二千多円,再加上兩個人的入場料金,應該足夠在超市買好幾公斤佐藤錦櫻桃了。


有人開始抱怨為什麼不到輕井澤血拼。


回到天童,接駁不到一分鐘之後就開出返回山形的新幹線,就利用下一班車來到之前的空檔到車站附近走走,順便吃頓遲來的午飯。


其實曾計劃過這晚住在山形,不過為了之後的行程更加暢順,只好住到新庄去。山形怎樣都比新庄熱鬧,起碼車站旁邊就有很巨型的超市。


買了果汁和奶油泡芙,坐在公園發呆,行程蠻鬆散的。有人又抱怨為什麼不到輕井澤血拼了。


滿以為時間很多,所以我們到了不遠處的霞城公園閒逛。


之後再走上山形市最高的建築物霞城 Central 位於 24 樓的展望 lobby。


六點過後去到山形站內的平田牧場吃晚飯。


落單後方定一定神,赫然發覺預約了前去新庄的新幹線在 18:58 發車,亦即是 6:58,而不是一直誤以為的 8:58。換句話說,要坐上這班車,我們就必須以極速的時間幹掉美味的吉列豬扒,還得放棄添飯添菜添味噌湯。就在上菜前的十來分鐘,我們作出了明智的決定,就是慢慢吃這頓飯,改坐兩個鐘頭後的普通電車。


本身來自山形県標榜健康食材的平田牧場正推出應援東北的優惠,同時也把部分收入捐贈當地的紅十字會。我們點了金華豚和三元豚各一客,又以優惠價加點了兩客香腸。


時間突然變得鬆動,可惜車站附近的商鋪開始陸續關門,於是我們再次走上霞城 Central 的 24 樓。


放棄了新幹線,代價就是時間和舒適。從山形坐新幹線到新庄只要大概 40 分鐘,而且一定有座位,但普通電車卻要花個多小時,我們還要早一點跑到月台,恐防搶不到座位。來到新庄,已經是九點半了。


這晚入住車站旁邊的 Route Inn,房租包括明天到最上川的遊船費用,計算起來比自己到現場買票便宜了一點點。安頓好後,就到地下的大浴場沖涼去。


睡覺前,終於嘗了之前吃不到的佐藤錦櫻桃,還有茨城県產的赤肉蜜瓜。滿足了!

35 comments:

naruto said...

真係懵下懵下:)

小彭 said...

メロン好平喎, 皮仲好薄呀!
櫻桃好抵呀~

maymay said...

真係好想飛

largeheadboy said...

naruto︰我都唔想架,白白嘥咗成日咁濟,早知真係去輕井澤打個轉。

小彭︰之後仲有啲メロン賣 Y398 咋,如果日日都有得食就好喇!
呢盒さくらぼ cheap 野嚟架喇,過千円嗰啲靚好多啊~

maymay︰我又何嘗唔係,希望大家都快啲有得飛喇~

ayclui said...

大頭, 你啱啱返o黎咋喎, 又想飛?

jokelib said...

我覺得東口的超市吸引過 Jusco.

卡臣 said...

曰本已回復正常?

joeyee said...

蜜瓜甜嗎?

largeheadboy said...

ayclui︰咪話我知你唔想呀~ :p

jackson︰東口都有超市呀?係咪車站嗰陣?我之前嚟過山形兩次,都係留咗好短時間,西口呢邊我都係第一次過去咋。

卡臣︰又未可以話完全回復正常嘅,例如我去好多嘅地方都有節電措施,車廂攞走幾支光管呀,電梯停止操作呀之類。

joeyee︰又甜又多汁呀!同埋得到嘅結論係赤肉好食過青肉囉~

l.minor said...

其實旅行唔追趕行程都唔錯架~有時太快可能睇得唔真

jokelib said...

其實東口熱鬧過西口, 只不過西口多酒店.

東口過兩條馬路先有超市. 當中山交ビルB1最平.
http://www.yamako.co.jp/ybill/index.html

瘋膏 said...

Hi大頭兄, 看照片, 那個豬扒飯&蜜瓜超正!

naruto said...

你就衰啦,抱怨人抱怨為什麼不到輕井澤血拼,你聽比人鬧啦

TY said...

真係好想飛X2!

L L said...

還是櫻桃吸引咯 :p

largeheadboy said...

jackson︰西口呢邊感覺好似係新近開發,啲酒店全部都好新淨,包括睇見都想住嘅 richmond。
咁你今次咪可以去入平貨囉~ :p

l.minor︰旅行就係永遠都想喺最短時間做最多野,如果可以過去生活一排就好 lu~

瘋膏︰唔單只睇相得,現實裏面啲豬扒同蜜瓜都好得架。

naruto︰成日畀人鵝住呀我,到返落嚟東京嗰日仲鵝緊呀~

TY︰真係好想飛X3!

laulong︰唔,食落日本啲櫻桃唔係想像中咁好味,可能我貪平買咗啲無咁靚嘅貨色喇。

ROY said...

真係去農場d車錢加入場費,夠去超市買豪華禮盒裝。
日本櫻桃對我黎講係虛榮黎^^

largeheadboy said...

roy︰雖然任食櫻桃係一個幾好嘅體驗,但係有時做人都係要理性啲。
日本櫻桃喺日本都唔算係虛榮野,嚟到香港就係囉~

小彭 said...

點解食櫻桃都要諗咁多理性唔理性, 去旅行呀嘛, 想做咪做囉... 又點解千幾yen個d靚好多又唔買, 又要揀買平個d呢, 又大頭師奶出場呀?

largeheadboy said...

小彭︰呢啲師奶性格好難改架喇,兩個蜜瓜一樣樣,夕張賣千幾茨城賣幾百,就算幾想食夕張我都係買茨城架咋~

jokelib said...

夕張メロン的獨特香味+texture 係其他蜜瓜無法代替的.

lau2tang said...

もも同さくらんぼ,我都係鍾情もも多啲!

largeheadboy said...

jackson︰夕張メロン嘅味道已經好模糊喇,太耐無食過喇~

劉鄧︰我都係咁話!啲山梨県もも都好得,一陣食埋剩返嗰一個。

cathylo said...

Dear largeheadboy,

You blog was so nice!!~
We are media buyer .
and Would like to post banner ad at your blog .

Can you please call back or e-mail back ?
phone:25433376
e-mail: cathylo@guruonline.com.hk

Many thanks :)

Cathylo

largeheadboy said...

cathylo: thank you for the compliment, but i really dont think that my blog has so much traffic that ads placed here will be frequently visited~

lau2tang said...

做得非常好呀!
畀個like你!

jokelib said...

e? 真香港公司嚟架喎~

largeheadboy said...

劉鄧︰咁都有 like?我折現算喇~

jackson︰真係有呢間公司啊!不過加廣告好煩嘅,簡簡單單好 lu~

lau2tang said...

你講十個理由點解我要折現先啦!
錢你都大把啦!都係多啲like好!

largeheadboy said...

劉鄧︰低調啲,唔好畀人知我大把錢至得架~ :p

jokelib said...

依家我咪知o羅

largeheadboy said...

jackson︰知都要扮唔知呀!sh~~~

Rempei said...

我都plan左在山形站的平田牧場吃晚飯,又俾您搶先一步~~~

Rempei said...

另外,有錢都唔揾???唔似你喎!:p

largeheadboy said...

rempei︰去平田牧場記住添飯添湯添菜呀,仲記得幫我問候下啲姐姐呀~
有得幾多錢吖,廢事煩喇~