Tuesday, January 30, 2007

孖腸的溫暖

人,始終是很易受人影響的動物。

在電視看到蘇絲黃介紹中環永樂園的熱狗,第二朝一覺醒來魂魄未齊便直奔中環去。

周日的中環繼續是外傭的天下。從賣衣服的攤檔鑽進昭隆街,才發現永樂園這天沒有開門,雖然大閘仍然寫上星期天在十時開始營業。

吃不到熱狗,唯有走到威靈頓街的筷子記吃澳門麵。



在中上環逛了一會,轉眼又是下午茶時間。先到皇后大道東的快樂餅店買了兩個菠蘿包,再到灣仔頭的 prêt a manger 買了在“非繁忙時段”買一送一的莫卡,然後走到太古廣場三期後面的小廣場曬太陽去。一頓稱心滿意的下午茶就是這樣。



路過各方大肆追捧的熱狗店 shake'em buns ,人龍排到門外,彷彿不用錢的。小小的店子內外都擠滿了人,心想內裏一窩蜂的食客會吃得出滋味嗎?

跟永樂園的熱狗緣慳一面,始終有點心有不甘,所以星期一便再次踏足昭隆街,買了孖腸熱狗和奶茶做午飯。





熱狗沒有蘇絲黃講到的那麼超讚,但十元八塊便能嘗到極具風味的港式熱狗,你還可以要求什麼?

17 comments:

lau2tang said...

亞蘇個節目,上星期介紹了shake'em buns ,所以這店只會越來越多人!
孖腸熱狗見亞蘇食得咁滋味,我都好想找機會試一試!
你的午餐果然多選擇,真是羡煞旁人!

largeheadboy said...

shake'em buns 人多得實在過分呀!
我就係比亞蘇引到我星期日即刻出動,佢地平日好似開到九點,行開行埋就去試試啦!
其實早幾日都跟亞蘇去埋深水埗……

lau2tang said...

咁有無食到咖喱魚蛋?定喺你去了做推拿?

Anonymous said...

"孖腸熱狗和奶茶做午飯"?! 三點咪要食下午茶?!

早前去了shake'em buns, 也是阿蘇效應! 不過好介紹的, 都比較平易近人... 價錢及口味兩方面!

largeheadboy said...

劉鄧︰唔單只食咗咖喱魚蛋,仲食埋咖喱魷魚,爭在唔知道檔推拿既地步 >_<
下個禮拜應該係銅鑼灣。

小彭︰好彩我都捱到五點先肚餓 ^e^
我都是因為蘇絲黃才曉去 shake'em buns ,只是那時還沒有現在墟磡!

Anonymous said...

Shake'em Buns 算是不錯,永樂園 N 年前食過,不算突出。

Anonymous said...

孖腸熱狗!! 我都未試過吃孖腸!

Anonymous said...

意粉︰shake'em buns 確是不錯,但人家一條等如人地四條孖腸熱狗了!永樂園係普普通通,但又係那句,好 feel 。

jason︰佢地有單腸,只是六蚊。蘇絲黃話佢地 d 腸係荷蘭入口的。

Anonymous said...

蛇竇都無晒 feel 啦,永樂園有 feel 咩?^o^

Anonymous said...

意粉︰我呢類外表洋化內裡無乜文化的人就是覺得這些舊式茶餐廳有 feel。蛇竇我都耐唔耐有去架!^c^

Anonymous said...

腸仔曾經是我的至愛,後來因怕肥, 所以少食了.... 筷子記的麵有澳門水準嗎??

Anonymous said...

我呢類外表同內裡都無乜文化的人呢,就是覺得依家邊樹都無咩 feel 嘞,呵呵。

大頭咁鍾意依 d 舊式食店,一於移民過澳門啦。

Anonymous said...

尋日去買節目介紹既皮蛋,去到見到由十蚊四集加到十二蚊四隻.......
頭先食飯食左隻,ok咁囉~~

Anonymous said...

阿蘇魅力果然沒法擋!

Anonymous said...

貝拉︰腸仔應該係其中一樣我一世都戒唔到既嘢。
我還沒有吃過正宗的澳門麵,無從比較啊!

意粉︰正是因為呢度周圍冇邊豎有 feel ,要搵多啲比較有 feel 的地方去。
可以的話,誰想留在這裏 ^t^

萊少︰那天也有想過買埋皮蛋,但唔知點解又冇去到,我已經去到永安架啦。

Anonymous said...

筷子記想去好耐, 未去, 想在過年前去一次, 有無心水推介? 如果想去埋意粉買皮蛋的九龍妝醬園, 就唔就腳呢?

快樂餅店D飽零捨鬆軟, 好好味! 每次必買雪糕筒, 我有時癲到行半粒鐘買來當晏食...

Anonymous said...

小妹︰筷子記在餐牌上 mark 咗有乜推介,我地都係跟住試。我地係撈沙茶醬,仲有番茄醬同蠔油比你揀。
沿威靈頓街直行右轉嘉咸街就到九龍醬園,唔駛一分鐘。
快樂餅店既菠蘿包好得,雖然不熱,但皮很脆啊。忌廉筒也是“買飛佛”!