Tuesday, May 15, 2007

紀念日

昨天是五月十四日,我好想記念這一天,所以我放了假,訂了枱,地點是 ifc 的 the box 。

選這餐廳,除了是它由名廚主理,還因它樓底高、很開揚,大玻璃外就是一大片維多利亞港,是個很不錯的地方。



自助餐在十二點開始,先要了湯和麵包。濃濃的豆湯配上各式可口的麵包,實在令人很開懷。



沙律、前菜有很多選擇,最得我心的當然是那巴馬火腿。



熱盤有五、六款選擇︰意粉很有咬口,魚肉也很嫩滑,只是豬肉老了點。



甜品小巧精緻,全部都令人愛不釋手。



最後來杯香濃的珈琲,令人窩心的是那一小杯熱牛奶。



望着窗外的風景,呷着帶點苦澀的珈琲,在這個帶點睡意的午後,我要我好好記住這一天。

16 comments:

supageti said...

到底大頭要紀念咩野呢?

Anonymous said...

價位如何?

Wordy said...

人生有幾個十年呢?

Anonymous said...

意粉︰歌仔都有得唱喇︰平淡之中找一些特別日期呀嘛 ^t^

jason︰平日每位 $198,假日多 d 野食又貴 d 。

Anonymous said...

wordy︰哥仔,做乜咁慨嘆呢?

Anonymous said...

係咪生日呀?
閒日the box多唔多人,好唔好hea呢?

supageti said...

我淨係識日日是好日 ^_^

lau2tang said...

正在沉悶的工作中看到這篇網誌, 簡直有衝動想掉低所有工夫飛撲出去嘆番一次!

Anonymous said...

小妹︰生日過咗 lu 我 ^t^
當日都有八成滿,旁邊仲有三個妙齡日本女郎添!自助餐到三點,非常好 hea ,尤其是你可以看着出面的風景,而又唔駛趕住返工!

意粉︰對啊,所以每一日都值得我地好好紀念!

劉鄧︰工作緊要,唔好亂嚟!就快又出糧架喇 ^t^
係喎,平時你可以請一兩日假嗎?

lau2tang said...

請假是可以,但我儘量都唔會!因為唔想加重其他同事的工作量!

Anonymous said...

劉鄧︰咁又係,做你的同事真幸福,仲經常有手信添!我都試過攞咗假,之後突然有好多嘢做,便取消假期回公司做嘢。要是丟下同事忙到一頭煙,自己放假也放得唔痛快喇!

Ellen老師 said...

說到底~~都是找個藉口去鬆一鬆啦^O^

supageti said...

我完全無依 d 煩惱,因為 d 野係唔會有人幫我做既,放假前準備做餐死,放完假又追餐死,有時真係覺得放假好似係自己搵自己笨。>_<

Anonymous said...

ellen︰嘻,給你一語道破!鬆一鬆之餘亦係要蛇一蛇 ^u^

意粉︰咁唔放假仲笨呀!長命功夫長命做,做唔切咪由得佢囉!^o^

supageti said...

會計工作每項都有死線,唔到你唔跟。

咁你又留番咁多假?哈哈 ~

Anonymous said...

意粉︰會計工作真是壓力大,好彩我是數字白痴,一定不會做這行。
留咁多假,就可以去耐啲旅行嘛 ^o^