Tuesday, July 03, 2007

失敗了的朴葉味噌

昨天突然想到小妹送贈的朴葉味噌快要到期,於是把應該早已過了賞味期限的紅米放進水裏浸泡,然後便走到超級市場買菜去。

我很有心機的弄了露筍金菇豚肉卷,幻想着豚肉卷、豆腐和雜菌伴着朴葉味噌一起吃,一定會是非常美味。



沒想到一盒豬肉竟然捲出了廿多條豚肉卷,而性急的我又竟然把這廿多條豚肉卷一口氣放進細小的易潔鑊裏去。問題出現了,要如果攪拌這廿多條豚肉卷,才能令它們都夠沾上朴葉味噌之餘,又能確保它們徹底煮熟呢?於是我狠下心腸,把這廿多條豚肉卷攪呀攪,結果豚肉卷都給弄散了。



幸好最後的製成品雖然賣相普通,味道仍算不錯,伴飯吃一流。





那麼為什麼我會想到弄豚肉卷,而不簡簡單單把肉片和伴菜先後放進鑊裏去呢?原因不就是早一天到了禪八午飯,套餐裏的露筍牛肉卷實在太好吃了,於是我不自量力地照辦煮碗。



最後結論還是那一句︰下次出街食算喇!

18 comments:

lau2tang said...

美男廚房,食咗先講!連你都玩煮飯仔!
出街食又邊有咁多料寫blog呢?

largeheadboy said...

哈哈,美男廚房,又幾襯我喎!^p^
我呢排都係要吃清淡些或少些出街吃
褲頭緊了些啊!

Ellen老師 said...

點解露筍及金菇切咁長~~~
要好味,還要靚靚喎

Anonymous said...

露筍沒有切啊,金菇就只切去底部污漕的地方。算喇,當是豚肉丼吃吧!^r^

Anonymous said...

受唔住大頭的美食誘惑(唔係失敗左嗰d喎),今日約左老公去禪八食lunch,點知露筍牛肉卷定食已經冇左,午市特選定食改為~刺身併炒烏冬,普通過普通;因為唔想食shabu shabu,侍應姐姐介紹我食健康定食~有前菜、三款刺身(三文魚兩片、油甘兩片、甜蝦一隻)、燒牛柳粒、炸魚、花生豆腐、蒸旦、湯烏冬、白飯、生果及咖啡。
飽到唔識郁,不過唔係好滿足!

Ellen老師 said...

食lunch有咁多時間呀???

Anonymous said...

ellen: 嘻嘻,我蛇出去架咋!
依家又放工喇,bye bye!

Anonymous said...

maymay︰我點的露筍牛肉卷定食足足有六小條牛肉卷啊,好好味架。佢地都仲有好多其他定食,選擇比和宴多哩!你點的餐也很吸引啊!份量我咁大食都話勁多呀!

ellen︰我地呢啲打工仔得一個鐘頭食飯,唔恨得人地咁多架喇!^t^

supageti said...

借問聲香港邊度有朴葉味噌食呀?

Anonymous said...

幫唔到你添!

Anonymous said...

賣相差些o者,沒緊要啦.總好過我上次燒濃鑊...
你覺得它的味道像在高山吃的嗎? 很多人說買回來的味噌會甜了點.

Anonymous said...

大頭:這個餐一定唔夠露筍牛肉卷好食啦,牛柳粒有點勒,炸魚乾了點,花生豆腐不對胃口~所以我話唔滿足就係咁解囉!

supageti said...

口味既野好個人
我覺得好吃
其他人未必覺得好
正所講:甲之熊掌、乙之砒霜
整整下都好怕寫食野

Anonymous said...

美男厨房,好好好笑! 笑死我啦! 煮到一鑊....美食, 朴葉味噌, 點煮都好味.

Anonymous said...

意粉學姐:千祈唔好唔寫呀,我仲要靠你地帶我揾好野食架!

supageti said...

maymay:你張 list 已經成匹布咁長喇,哈哈 ~ ^_^

Sorry 大頭,阻住你添 ~

Anonymous said...

大頭:又有號外~31/7前在"蝦梗打"專門店購買芒果熱情果雙球華芙筒或甜品熱情森巴,即可免費享用自選口味的單球雪糕一客,不過只限外賣。

Anonymous said...

小妹︰燒燶鑊?咁大鑊?驚驚!
我都係覺得高山的好吃些,味濃得多。我煮的那鍋太大了,直頭唔係好覺有味噌味,所以甜唔甜這問題沒有細究了。噢,浪費了你的味噌!:p

maymay︰係喇,正如意粉講,可能你吃我的露筍牛肉卷會覺得普通喇,每人口味不同嘛!不過我真係覺得好好味!
“蝦梗打”?你唔好再害我喇,我越來越肥喇!不過話時話,芒果熱情果又幾誘人喎 ^t^

意粉︰唔係呀,你都有好多介紹啊!一門,我寫低咗了!
唔阻唔阻,得閒入嚟坐吓喇!^o^

貝拉︰其實真係呀,朴葉味噌都幾難整得難食。當然,要是不喜歡的就冇說話好講喇!
我記得你煮得好靚樣架!^u^