Saturday, October 20, 2007

大頭仔股票基金

在股災二十周年前夕,以及下星期一香港股市可能作出大幅度調整之前,讓我從牀下底的暗格找出我的家當,看看它們在這一刻的身價。



中銀香港 $21.40
中國人壽 $51.30
交通銀行 $11.70
中國銀行 $4.74
招商銀行 $39.30 (原來我有呢隻我都唔知!)
碧桂園 $11.78

究竟下星期它們的遭遇會是怎麼樣呢?它們又可否讓我可以安心提早退休環遊世界買車買樓呢?

免責聲明︰大頭仔股票基金竭力確保所提供的資料準確和可靠,但不保證其準確性或可靠性,也不會就因有關資料的任何損失或損害負上任何責任。所有投資買賣須自行決定,自行負責。另外,投資涉及風險,證券價格可升可跌。大頭仔股票基金所發表的文章、圖片、聲音、影片、超連結等並不一定可靠,也不構成任何投資的邀約或建議。

14 comments:

Anonymous said...

你應該合上眼, 抽一隻出黎賣左佢, 先請大家食一餐, 再從長計議. ^.^

Anonymous said...

得6隻咁少?
不過都已有6位數字lu

Anonymous said...

呢六隻中有四隻我都曾經擁有,不過只係賣剩隻[中國銀行],賺少好多,諗落都係長揸好過短炒!

Anonymous said...

任何中資的股,小臣一概不沾手,曾經比人笑傻仔,不過我的最愛(恆生)最近都好生性.

Ellen老師 said...

哇~~~

largeheadboy said...

小彭︰不過我冇股票戶口,放唔到呀!>_<

roy︰我以為有七八張架,但係原來只得六張。
你又知有六位數字?可能每張都有幾廿手,合計有成七位數字添呀!^r^

maymay︰中國銀行我之後都有再入架,不過損手離場。

jason︰中資股確係風險高些。不過我多數係抽新股,安全啲架。
恆生,呢期強喎!

ellen︰我諗你都收埋好多張……

lau2tang said...

意粉的床底擺金閣寺,你的床底就擺金礦!
我都話你有招商架啦!
2008年1月1日的早餐,一於入你數!

光.軍 said...

嘩嘩嘩! 小富戶呀! 請食飯依家嘢唔少得呀! :P

Anonymous said...

估吾到大頭仔竟然係楂"實"股!

隻隻都係抽番黎?! 中人壽招股價幾蚊咋播! 嘿嘿嘿!

largeheadboy said...

劉鄧︰我都唔記得自己有乜,呢隻升咗好多呀?
1 月 1 日早餐?小意思喇!就由我照起大家喇!

光.軍︰傻嘅傻嘅,一日未放一日都未真係叫自己呀!:p

joeyee︰係呀,每一隻都係好辛苦咁抽返嚟架!有血有汗架!我幾時退休就係睇中人壽喇!

supageti said...

有無摷清楚櫃桶底嫁?

Anonymous said...

喂,隱形富豪,呢個月爭兩千蚊先過到活,借黎周轉下,不過唔知幾時有得還,反正你唔志在啦可

Ellen老師 said...

2008年1月1日要去買福袋喎~~
2007年12月31日食宵夜得唔得呀~~

largeheadboy said...

意粉︰畀你提醒咗我添!可能櫃桶底有幾廿年前買落嘅獅子銀行都唔定!^o^

tmc︰就出糧喇!見到曙光喇!

ellen︰我擔心大晦日那天繼續做生意的食店不多啊!