Monday, October 29, 2007

到手了,終於。

去年年初某天,我趁午飯時間到了大會堂的城市電腦售票處,買了兩張當時是尾場的陳奕迅 Get a Life 演唱會門票,一切來得那麼輕而易舉。

怎料一年多之後的 Moving on Stage 1 演唱會,什麼都不一樣。

我沒有把握信用卡優先訂票的機會,心想到了公開售票時才買票也不遲。可是有天我乘車經過海底隧道,看到演唱會的廣告,才發覺公開售票原來已經開始。那天,我又在午飯時間到了大會堂,但十場門票已經一早售罄。當時,為求得到兩張門票,我有想過買四支威士忌自隊。


到了兩三個星期前的一個晚上,在家裏翻看報紙時知道演唱會又加開了兩場,門票正好在當日開始發售。就在這個時候,朋友致電找我,我就很順便地問她身在何處,看看她能否給我到票房走一轉。十多分鐘後,在數十公里以外的尖沙咀通利琴行,她告訴我,門票已經一早給掃光。

我想,我註定跟這次演唱會無緣。

上星期五,應該是最後的一個機會來了。我從蘋果日報的網上版知道演唱會會再加開一場,並且會在星期一公開售票。星期一,十月二十九日,那天我不是剛好放假,可以一早到票房親自買票嗎?今次這個機會,似乎特地為我而設。這一次,一定不容有失。

今天早上八時半,我拿着報紙,走到牛池灣文娛中心。在空氣污染指數達到甚高水平的馬路旁邊,我跟十多個陌生人輪候了將近兩個小時。

原本以為沒希望的,現在終於落在我的手上。

18 comments:

lau2tang said...

有志者,事竟成!
恭喜恭喜!

largeheadboy said...

劉鄧︰其實我已經疊埋心水諗住到時睇 dvd 算架喇,真係估唔到臨到最後關頭仲可以入場睇,好開心呀!

Ellen老師 said...

E臣真係有咁吸引咩~~~

Anonymous said...

有一次現場聽過EASON唱LIVE, 就開始鐘意佢D歌!
我都好想睇, 宜家等運到! ^.^

largeheadboy said...

ellen︰係喇,今次演唱會真係好搶手,可能又跟不是開晒四面台有關喇!

小彭︰eason 唱 live 真係好好,很有氣氛,演出又比很多歌手認真很多。好快就下個禮拜有得睇喇!
除咗等運到,都要靠吓自己努力架!^t^

Anonymous said...

上次看 eason 演唱會到中段慢歌部分瞓着左,不過佢唱快歌時就令我蘇醒番。

supageti said...

好彩我對演唱會無咩興趣,呵呵!

光.軍 said...

e臣!yeah!佢今次唱近兩間唱片公司d歌多喎.華星d好歌...有唱..但唔多... enjoy呀!

Anonymous said...

大頭, 係我朋友買左飛無預我, 仲拋下一句: 你鐘意eason ge咩?! >.< (等緊有無人唔去!)

largeheadboy said...

tmc︰上次演唱會很好看啊,怎會瞓得着呀?

意粉︰我對演唱會都係一般興趣,只是當遇上喜歡的歌手,例如憶蓮、王菲和 eason ,便很自然也想看他們的現場演出。

光.軍︰你看了嗎?精彩嗎?
多唱近兩間唱片公司嘅歌好正常吖,每次都唱《天下無雙》人地會嘈架,雖然我都好想聽見佢唱。

小彭︰你朋友真係驚激你唔夠喎!
希望你最後都有機會去睇喇!

光.軍 said...

送你rundown頭十首...哈哈哈...
白玫瑰, 信心花舍, K歌之王, 裙下之臣, 富士山下, 不如不見, 夕陽無限好, 人車誌, 瑪莉奧派對, 最佳損友.... 如果你唔鍾意華星時期o既歌, 今次你實唔會悶場呀! 最難得佢重唱"綿綿", 超鍾意依首歌呀!

Anonymous said...

代e臣向你說聲:山頂o既大頭,你好!

largeheadboy said...

光.軍︰噢,畀你講晒個 rundown ,冇晒神秘感添!開頭啲歌好正喎,或者我會買他的新唱片……
《綿綿》我也很喜歡,歌詞寫得很細膩。

二月魚魚︰住喺山頂嘅我好可憐呀!eason 你好細粒呀!

Anonymous said...

哈哈哈... 唔使買螢光棒, 有得派!
我唔知個rundown, 所以中左我想聽個d歌, 仲開心過中六合彩... $20...

lau2tang said...

小彭等運到終於等到la!恭喜你喎!

largeheadboy said...

好嘢,小彭都睇完陳奕迅返嚟!我估我好想聽到嘅歌未必會聽到,因為係國語!

Anonymous said...

國語的而又想聽的, 我就只有一首, 而且是大熱的, 所以聽得到!

有得睇係開心, 不過要建築晌別人痛苦身上...

largeheadboy said...

等我今晚留意吓小彭你想聽的是哪首國語歌先!好興奮呀!^o^