Tuesday, January 29, 2008

第十二章︰夜訪高台寺 + 鰻魚丼

第三個晚上在京都,第三個晚上到寺院夜間拜觀,似乎我們都對這玩意樂此不疲。可能是高台寺離河原町不遠,交通方便,也可能是星期日,這晚遊人特別多,我們輪候了足足半個小時才到達受付處。不過,歸根究底,高台寺遊人絡繹不絕的最主要原因,就是這裏的紅葉夜間拜觀是數一數二有名的。



在夜裏觀賞紅葉彷彿有一種魔力,叫你欲罷不能,一看再看。在暗黑的環境中同時出現橙紅色的影像,的確是一件既虛幻又很超現實的事情。



要說超現實,莫過於看到水中的另一個紅葉國度,像真得叫人有衝動跳進去看過究竟。




離開高台寺已是八時,我們急步走回新京極,為的是一個小時後就要關門的かねようなぎ料理店。這老店以鰻魚丼聞名,每晚非常準時打烊,前一天我們八點半左右來到就已經關門了。這天,我們是最後一批客人。



坐下來,想也不想就即時點了這裏的名物煎蛋鰻魚丼。



用筷子把厚厚的煎蛋揭起然後拍個照,似乎是這裏的指定動作。



肚子飽飽了,到了這刻終於回到現實世界。

12 comments:

supageti said...

咁少飯你夠飽嗎?

Anonymous said...

咁既蛋鰻飯未見過喎......
睇樣好似麻麻地咁...

Ellen老師 said...

哦~~還是第三個晚上 ^^

lau2tang said...

今日睇新劇集「和味濃情」,介紹整九州鰻魚飯,睇完真是好想飛一轉去食番一盒。

largeheadboy said...

意粉︰好彩嗰晚仲有宵夜,係蜜柑同埋山崎出品的草莓大福。

roy︰ok 喇,見到條鰻魚蓋着厚厚的蛋被,好溫暖呀。

ellen︰哈哈,仲係第三晚咋!仲有兩晚呀,如果唔爛尾嘅話!^t^

劉鄧︰咦,開始做喇呢套,等我今晚留意下先。

Anonymous said...

個蛋好似幾好喎, 呢輪我鑽研緊玉子燒! ^^

我有睇第一集"和味濃情", 邊睇邊研究個度係福岡嘅邊樹. 不過陶先生的表情(演技), 如果唔係有日本實地拍攝, 我一定唔睇!

supageti said...

我一集都未睇過 ~

largeheadboy said...

小彭︰其實塊蛋好厚好滑,很不錯,只係臨近佢地收鋪所以我地趕住食,沒有慢慢品嘗。
玉子燒?駛唔駛加埋明太子?尋晚食飯分唔到舊明太子雞翼啊!>_<
其實睇電視影返自己去過的地方真係幾興奮架!

意粉︰我對無線劇集和陶先生都沒有興趣,不過念在日本取景,今晚記得的話姑且睇睇喇!

maymay said...

好想食~

largeheadboy said...

maymay︰正如呀萊話齋,有得食就好食喇!^t^

Anonymous said...

D公園夜景相好靚, 影到樹葉好多顏色。

largeheadboy said...

galaxy︰係呀,的確好靚,佢地用射燈照住啲樹葉,令樹葉的色彩更加突出。不過怕夜景真係好困難啊!