Thursday, July 31, 2008

無聊話

數碼相機的 SD 卡不知何故突然壞了,還儲存在裏面的歐遊照片全部都讀不到。幸好在旅行期間每晚都把當天拍下的照片儲存到手提電腦裏,所以現在總算還有一個拷貝,只是最後一天滯留在英國和在北京機場的照片都沒有了。



其實我一直有留意到這批照片還沒有搬進電腦去,不過因為那兩天發生的不愉快事,潛意識裏我不想把它們載入歐遊照片的 folder 內。這樣做,就好像把這趟整體上還算不錯的旅行徹徹底底污染了(這不過又是另一個掩飾自己懶惰的理由吧)。現在看不到那些照片,還可以騙騙自己那兩天沒有在我的生命出現過。

不過這一刻我在想永遠都看不到那十來廿張照片,我又覺得有點可惜。

今天早上,同事問我有沒有兩英鎊硬幣,因為他的外甥剛從英國遊學回來,想留下一套英國流通的硬幣做紀念,但就欠缺了在 1997 年才開始發行的兩英鎊硬幣。事情就是這樣巧合,我的袋子裏就有一個,然後我還一口答應了把這個硬幣給他。

早一兩個星期前我清理袋子,發現了這個兩英鎊硬幣,不過就記不起什麼時候得到它而之後又怎樣順手放進袋子裏。我沒有把它取出來,讓它繼續留在我的身邊,跟我一起上班一起下班,正如我的袋子裏也有一張某次到東京留下來的地下鐵路線圖。

我之前表現得很爽快,可是當我看着這個快要失去的硬幣時,我又有點不捨得。



人就是這樣矛盾,至少我是這樣。

12 comments:

supageti said...

又真係幾無聊 ~

Anonymous said...

嘩你有心事 ......

maymay said...

賣仔莫摸頭呀~
第次咪咁口爽呀,應承人之前過下腦先啦!

光.軍 said...

好似有Software可以救返生 Memory Card o架喎 :)

largeheadboy said...

意粉︰生活就係咁架喇,無無聊聊又過一日,邊有日日都咁多姿多采吖!

lala︰梗係有心事喇!我呢啲少男就最多心事!^_^

maymay︰係喇,尤其我呢類感情豐富嘅人!:p
同事仲畀得卅蚊我咋,蝕咗成蚊呀!

光.軍︰咦,係喎!係咪 freeware 呢架?等我搵下先!不過如果你有 link 都可以 send 埋過嚟架!

Ellen老師 said...

少男~~
跟老師去日遊喇!生活就日日多姿多采喇!

Anonymous said...

到你睇番d相又咦咦哦哦啦!

lau2tang said...

「少」年維特的煩惱!

naruto said...

我有個老過我嘅美金一蚊硬幣,我當係寶架

largeheadboy said...

ellen︰唔好再引我喇!>_<

小彭︰哈哈,你真係了解我喎!:p

劉鄧︰又或者係“中”年!

naruto︰我都有 keep 住女皇頭的大餅,只依家真係好難搵到老過自己嘅大餅啊!

Anonymous said...

如果我save唔到輯相,無論多與少,實唔開心~~

largeheadboy said...

rempei︰嗰度得十零廿張,都算係啲唔太重要的相片,算喇~~
其實我都覺得好好彩,如果旅行途中啲相未過落部電腦張卡壞咗仲傷。