Tuesday, October 14, 2008

第十日仲夏在巴塞隆拿

花三天在巴塞隆拿是否太多呢?或許是吧。有想過坐兩個小時火車到法國邊境附近的 Figueres 的達利美術館(Dalí Theatre-Museum),但最後還是不了了之。結果,這天我們就在巴塞隆拿市內閒逛,第一站是對我們來說可去可不去的畢卡索博物館(Museu Picasso de Barcelona)



畢卡索出生於西班牙,但他曾遊歷歐洲多個國家,這些年來他的作品已經散落在世界各地。現時全球有多間以畢卡索為名的博物館,巴塞隆拿這家展出的,不少都是他比較早期知名度不算太高的作品。



看過畢卡索,我們鑽進一家珈琲店,吃了這天唯一的一餐。



這天氣溫很高,走在烈日下真的有機會中暑,不過我們還是走到無蔽無擋、在 1888 年曾作為萬國博覽會會場的城堡公園(Parc de la Ciutadella)



遠處的這座凱旋門(Arc de Triomf),就是當年萬國博覽會的入口。



炎炎夏日,最好當然就是到海邊嬉水了。巴塞隆拿在地中海旁邊,其中一個最有名的泳灘就是 Barceloneta。



這天是星期日,性感的弄潮兒擠滿泳灘。



經過連日暴曬,我的牙齒顯得越來越雪白了。



可惜這天我們不是穿涼鞋,否則就一定把雙腿踏進地中海裏去。



沿着海邊走,回到昨天也來過的 Port Vell,剛好碰上很多妙齡女郎在向遊人送上雪糕批。噢,這個城市對我們實在太好了!



為了讓她們盡快派完所有雪糕批可以早點下班,我們取了一支又一支,於是前前後後我共吃了?條雪糕批,很是滿足。不過,很快我就得到應有的報應,肚子突然抽搐起來,最後還要以九秒九的速度流着冷汗跑回旅館去。



有興趣知道這天餘下時間我們還有什麼節目?到這裏看看吧!

23 comments:

Anonymous said...

遊記復刋喇~~恭喜晒~~
不過我要睇返之前的才接得上!

Anonymous said...

見肚喎 ... 嘻嘻嘻嘻 ......

點解食完條bar會肚痛?係過期定係受唔到凍野?

Anonymous said...

原來那邊興吃雪糕Bar排毒XDDDD
帥哥的髮型跟大叔差不多呢^^

largeheadboy said...

rempei︰過咗一半喇終於,希望唔駛爛尾喇!
同之前嗰日冇乜關係架,不過你由頭睇起都歡迎啊~~ ^p^

lala︰你錯覺喇,嗰個唔係肚腩嚟架,我收埋咗幾十萬歐羅喺肚腩之嘛~~ ^g^
我食咗 n 咁多條,唔肚痛就怪!

歐巴桑︰不過呢種排毒方法都唔係好過癮,我塊臉都青晒呀!
呢種髮型超好呀,朝早完全唔駛梳頭就出得門口,好爽啊~~

Anonymous said...

怪不得我無肚腩啦...
咁團友有無肚痛先? 令係你財多咋?

Ellen老師 said...

下..乜仲有呀!

lau2tang said...

見到沙灘的泳裝照,信心即刻番哂黎~
我唔使減肥喇~yeah!!!

largeheadboy said...

小彭︰你用卡架嘛,駛乜現兜兜帶咁多 cash 喎!
團友又冇事喎,佢食得仲多過我~~

ellen︰呢個同紅葉之旅一樣有排都唔斷氣呀!之後仲會有薰衣草呀太陽花呀,好精彩架應該~~ ^t^

劉鄧︰咦,輪到你咁夜都唔瞓?
你都減啲喇,我怕到時架車唔夠力上唔到斜呀!:p

Anonymous said...

我上個月去都留左巴塞隆拿 3日,時間岩岩好,唔太趕其實幾舒服。

望到你的遊記,又令我諗想上個月去玩的精彩:P

maymay said...

抵你啦,咁為食,好彩淨係肚疴咋,遇到金魚妹妳就死喇~^o^

話時話,城堡公園d樹幾靚喎~

請問你係咪未死過呢,叫團長減肥~~

supageti said...

尋晚曾經諗起究竟你個西遊記寫晒未。^^

師妹:有人五十步笑百步 ~~

lau2tang said...

既然有人開到口叫人減肥,咁就一於cut哂啲搵食行程啦~哼哼~

largeheadboy said...

karvitz︰巴塞隆拿其實仲有好多地方可以去,三日老實講其實都唔係好夠,不過點都好過上次只留了十多個小時~
上個月都應該天氣好好啊!^t^

maymay︰見唔駛錢嘛,同埋又未食飯吖嘛~咁我又真係狼咗啲嘅!
呢啲樹嘅皮嘅 pattern 仲好特別添啊~
我呢~~諗住同團長共勉之啫 ^p^

意粉︰咦,我地有心靈感應喎,要出嚟一齊食餐飯喇!^r^

劉鄧︰唔得,點都要照去食好嘢嘅,不過你就畀一半過我囉!^k^

Anonymous said...

天氣唔錯,前後四日,去沙灘那天陽光普照,去奎爾公園就天陰陰,涼涼地唔錯。其實如果睇香港的旅遊書,有好多地方佢地都無介紹,好似凱旋門無提,西班牙廣場都好少講,但其實都好值得睇。

其實如果要玩晒整個巴塞隆納,三日一定唔夠,我有好多博物館及魯營球場都無去啦.... 好懷念。:P

Anonymous said...

我當年在巴塞也住了3晚, 不過當時是10月,所以海灘沒人游水, 夏天相當熱鬧呢!

largeheadboy said...

karvitz︰基本上我在西班牙嗰幾天日日都好熱,太陽好猛,去奎爾公園嗰日仲有啲煙霞(我地呢度嗰啲係毒霧),視野唔係太好。
香港啲旅遊書其實都唔係旅遊書~
唔見你講下你個 trip 嘅?不過嗰幾張相都好靚啊!
呢排見啲歐洲機票又減價,歐羅又平,都咪話唔心郁~~

貝拉︰十月天氣應該好好,不過就涼咗啲,睇嘅風景又唔同啲~
西班牙我真係好鍾意,有機會都好想淨係玩西葡,今次編行程時其實有諗過咁樣玩架~

Anonymous said...

天氣方面,其實一直都擔心太熱,因為四圍走濕晒身一定好辛苦。再且,落腳的酒店唔係市中心,所以無得話行到累返去抖抖。好彩天氣都唔錯先至唔使太辛苦。

歐羅落到 10.4 ,真係好抵,但機票始終都貴,開個價係平,但加埋稅及燃油費就真係唔係好化算。

但其實呢,我都好想去多次歐洲,天氣真係幾舒服,舒服到唔想返香港呢!

largeheadboy said...

karvitz︰雖然係熱,但熱得嚟又好乾爽,即使平時汗大如豆的我去到嗰邊都唔係出咗好多汗,只係每日去呢度去嗰度個人就好攰好口喝,成日要畀兩三歐羅買汽水飲~~
歐羅同我去嗰陣足足平咗兩蚊,依家至去可以慳好多啊!

naruto said...

哇!出樣喎!

原來係滑大腸牌雪糕枇

Anonymous said...

如果話消費,我呢程只係飲過一次汽水,就係食Tapas 時嗌的,三個幾歐羅一枝250 的樽仔,真係好貴。其餘時間,我都係飲水多及果汁多。

試過在超市買盒裝果汁,仲平過香港超值牌,叫抵飲。:P

PS 我去沙灘時係黃昏時份,無好似你張相咁多人,但我都見到有女仕裸曬,唔知你有無幸見到呢?:P

Anonymous said...

呀~~你影到有人(女人) 無著衫曬太陽喎, 仲唔止一個人忝 !

光.軍 said...

美女大派冰淇淋實在開心呀!

largeheadboy said...

naruto︰我之前得閒都有出吓樣架,推一推高收視嘛~~ ^_^
滑大腸~~好核突呀!

karvitz︰我從來未試過咁想同咁需要飲冰凍的汽水,幾貴都要買啊!超市的水同埋果汁就真係超平,幾毫子歐羅成大樽,日日就抱住一大支出街。
裸女其實當時唔覺,依家睇番原來有咁多~

galaxy︰一共有八個架,你搵唔搵得晒出嚟?^t^

光.軍︰當時見到佢地派雪糕批真係好開心呀,我地又餓又渴,同埋見佢地派極都有,咪攞完又攞囉~ ^r^