秋風起,當然就是三蛇肥的時候。想不到這天氣溫只是稍為比昨天低了一兩度,晚上我就吃了一頓很豐富的蛇宴。
我對蛇羹興趣一般,上一次吃可能已經是幾年前的事。這天舊同事來電,盛意拳拳邀請我到什麼什麼工會舉辦的蛇宴,那就跟大伙兒湊湊熱鬧吧。就是這樣,這晚我一口氣吃了三大碗蛇羹。
這天,我還認識了一位新朋友。她是個名符其實的日本痴,一年可以去日本幾次,上星期才從日本東北回來。雖然是初次認識,想不到也有手信啊!噢,不老不死溫泉也是我那長長的待訪名單上的其中之一啊!
我們談到她的這次行程,她說其中一個最遺憾的地方,就是在乳頭溫泉鄉的時候,只看見山頭光禿禿的一片,紅葉已經全部掉下來了。
想一想,原來三年前的這個時候我也正好身在日本東北。不過我比她幸運得多,在鶴之湯看到很美麗的紅葉。
秋風吹起,轉眼間又是漫山遍野的紅葉季節。今年秋天,我大抵不會去看紅葉了,因為,我要一心一意等待它們全部散落後的寒冬的來臨。
40 comments:
好多年無食蛇宴 lu ~
唔識都有手信收?哈哈 ~~
意粉︰我都有成十年冇食過工會搞的蛇宴,好嘈好多人,仲坐得好逼,不過都叫做幾好玩嘅~
我呢啲面懞懞唔知醜嘅,有着數梗係冇放過。^t^
好有自知之明喎,呵呵 ~~
三大碗蛇羹 ! 好臊嫁 !
一人一碗蛇羹o係蛇王張蛇王張陳就食過。"工會蛇宴"就未見識過.係咪一圍陌生人一齊食飯.夾埋同一碟(送)咁架?
駛唔駛咁博命呀,吃三碗咁多!
我都响工聯會吃過一次,檯細人多,背碰背,嘈吱巴閉,巧驚!
不老不屎温泉我老闆都去過,聽講唔錯架~
哈哈,原來galaxy個樣係咁嘅~~
師妹整整下都變左 snoopy ~~ 上網真係會學壞嫁 ~~ 哈哈 ~~
係喎,原來 galaxy 好型仔 ~ ^^
意粉︰知恥近乎勇吖嘛我!^p^
galaxy︰蛇羹好燥架原來?等我仲搏晒命咁食仲加咗好多好多薄脆添~
型仔喎你!等我又轉吓 look 先~~ ^r^
光.軍︰係呀,好似去飲咁囉,一碟碟餸咁上,最後仲有糯米飯,所以都好飽啊!
我地張枱畀舊同事包起,雖然唔係個個識,但都無相干喇!^o^
有機會你都試下,係個幾好玩的經驗啊~
maymay︰每圍枱有成三個臉盆咁大嘅蛇羹,你想唔食都唔得呀!
坐就真係好唔舒服,又嘈又逼,感覺就好似去咗大排檔咁。不過有汽水任飲,算佢喇~ ^_^
你老細好勁喎!不老不死溫泉好似好得,不過就真係唔就腳,plan 下先喇~
畀師姐話喇你!
我想食蛇羹,亦都想去日本 ......
e... 食蛇...
我同日文老師提過不老不死, 佢GE COMMENT係要浸住溫泉睇日落, 去土肥溫泉都得啦!
WELL ~ 個頭像好得意囉 ~~
我最意師姐話我架嘞,話者愛也丫嘛,呵呵~~
師姐~~~用得意形容呀!唔係化!
lala︰事業為重,啲 yen 跌多啲至去喇,去食住蛇羹先喇~ ^t^
小彭︰蛇咪同穴子同類~ 不過人地話呀,蛇骨唔會化架,卡住咗喺喉嚨就一世都喺度個喎~
咁又係,夏天焗住喺屋企我都可以睇住日落嘅。得閒同我問候下せんせい吖~ ^_^
意粉︰咁係咪即係好似我咁得意呀?
maymay︰嘿,咁大個人喇,醜怪吖嘛!
老師︰咁似唔似我呀?抑或我真人好過上鏡呀?(嘩,我自己都想嘔呀!)
除左得意,諗唔到第二個正面既形容詞囉,嘻嘻 ~
意粉︰得意都唔錯嘅,總之係正面就得架喇!^o^
意粉, 通常日本人唔理好醜, 咩野都かわいい嘅, 我諗都用得. :p
大頭, 你搵日去食蛇丼囉, 不過唔好預我!
小彭︰又或者講すごいね都得~~
嘩,真係擺碗蛇丼喺我面前又幾恐怖喎!^p^
邊有人用すごいね黎形容人既樣貌嫁 ~ 唉 ~ no eye see ~~~
意粉︰乜唔會嘅咩?見到人地驚為天人咁樣,都可能會講すごいね啩~ ^t^
So far 呢 ~ 我以為睇到好靚既櫻花紅葉風景啦、好偉大既建築或者古蹟啦、讚人地好叻啦先用すごい囉,不過我只係識少少,唔可以扮代表,下次番學請教下せんせい 啦 ~
我都係亂噏架咋,意粉你係我前輩,咁就唔用すごい喇,繼續用返かわいい喇就~~ ^t^
你話かわいい咪かわいい囉 [ 暈 ~~~ ]
你依家學緊日語,唔可以同你亂噏,唔係點收你補習費呀,嘻嘻 ~~
Um ~〔托眼鏡〕我好榮幸成為帥哥第一個追蹤者 ~~~ ^o^
個版面係未有D唔同????????
肥左 ~~~
意粉︰恭喜你呀!我都好榮幸畀你跟蹤呀!^_^
不過係你先過老師個呵?
老師︰大咗肥咗舒服咗咁囉~ ^o^
梗係我啦,嘻嘻 ~~
哈哈!爭啲就畀老師爬頭啊!
減左肥好啲。^_^
畀老師爬頭又點???????
老師:好勝囉,哈哈 ~
肥d咪幾好~~
點解我唔明你地講乜嘅?
劉鄧:由尾數番大概前十個回應(老師)開始睇就明啦 ~
大頭:網誌說明改番淺色啲啲好喎 ~~
意粉︰好呀,等我執返靚個網誌說明先~~
老師︰師姐係第一個我嘅跟蹤者呀!你又加番個吖~
maymay︰依家個版面幾好啊呵,我都係跟師姐架~~同埋呢,用 19 吋 mon 睇就最好!
劉鄧︰我同意粉加咗個跟蹤者功能呀,幾得意架~
點解你 post 左新文我無收到通知既呢?
原來係資訊主頁最下面閱讀清單度有追蹤既網誌更新資料。^^
呢個追蹤功能幾好玩呵?不過有幾何會留意訊主頁最下面嘅閱讀清單喎~
Post a Comment