早上未到八點就醒過來，剛好來得及錄影這個星期的 Japanese Hour。這個日本旅遊節目從前曾在亞視英文台播放過，幸好現在有線電視也看得到。今集介紹的伊香保溫泉鄉看來也很不錯啊！
把家裏堆積如山的廢紙拿去兩星期一次的廢物回收行動，三十公斤的廢紙從前可以換來一兩公斤白米或幾包公仔麵，不過隨着廢紙回收價格大跌，這次只得到蒸魚豉油一支。
體力勞動過後，肚子不期然餓起來，走到附近一家從未曾光顧過的食肆，吃了既便宜又很不錯的午飯。之後在商場逛了一會，訂購了一個小小的衣櫃，想不到也花上一千塊錢。
回到家裏，有點累，躺在沙發上不期然就睡着了。我不知道自己在這個微涼的下午睡了有多久，只知道醒過來的時候窗外面的夕陽很美很美。
時間不早了，匆匆換過衣服，趕往九龍灣吃一頓彌月酒。睡在媽媽懷裏的小寶寶很幸福，因為她可以快快樂樂地成長，不用為大人世界的瑣事煩惱。
晚上十時多，呆望着電腦熒幕，究竟今天要做的事完成了沒有？
49 comments:
你屋企個view又唔錯喎, 我屋企望極都是樓, 沒有這麼大的天空呢, 睇晒內容都好似唔多提溫習日文 ge (閃) XD
你無溫書！！！！！（我又閃 ~~~ 哈）
Yes, you can!
(係you can pass the quiz, 而唔係you can quit呀吓．)
紅米奇︰我屋企都唔差架，坐北向南又冬暖夏涼，有冇興趣上嚟睇下樓呀？^t^
有溫架，不過少少囉，做每件事嘅前前後後嘅寶貴時間係咁咦揭過下本書囉~~
意粉︰睇嚟今日開始要閉關喇我都，厭力好大添~
lala︰多謝你嘅鼓勵呀~
不過如果依家有叮噹嘅記憶麵包就好喇~
番左無耐啫，唔會好多野啩？
話時話，你究竟熟晒五十音未？
意粉︰教咗三課書喇，好多生字要記，又有好多句式要記，總之係諗唔到有咁多嘢喇~
五十音哩，要諗一陣至認得佢叫乜名囉，同埋啲片仮名仲要努力啲先囉！唉~
個日落景真係好靚喎！
我最支持廢物回收行業，為左減輕佢地嘅成本，我次次都係敬辭回贈~
好耐都冇飲過喜酒喇，大頭哥幾時請我飲？
好囉，有人知道讀書辛苦囉，我終於搵到知音人了~
帥哥要加油呀，我雖然成日窒你，暗地裡好支持你嫁！
maymay︰冇幾何喺屋企睇日落，在這種天氣下，很舒服。
係呀，恕我才疏學淺，乜嘢叫做敬辭回贈呀？我 google 過唔見有乜嘢喎~
嗱，就下次打波我請飲！^o^
劉鄧︰我不嬲都知道讀書辛苦架，尤其係要一路返工一路讀書嗰種。
唉，為乜呢？
意粉︰我知你對我好，我 feel 到架(流涕中)~
一陣我就會開始溫書架喇~
我最近好怕去飲喜宴,因為實在太夜開圍了,等到頸都長埋, 唔早D去又驚同D三唔識七的人一齊坐.
你講錯了~
係一路返工一路讀書，忡要打理家頭細務同煮一餐嗰種。
話時話，日曜日呢個日語應該未教到架喎，你識唔識讀架？
你的行為同大叔都幾似喎XDD
今個學期遇上魔鬼せんせい
每堂唔係quiz就默書(簡直像速記那種)
想死呀.....
大頭分到ru同ro, 都好叻啦!
昨天1整天上日文課~~~~
唔知好嬲定好笑 ~~~ @_@
魔鬼せんせい？唔通係 ......
分到ru同ro梗係叻啦 ......
貝拉︰你講得好啱呀，太晏去霸唔到好位真係好愁啊！
好彩尋晚係滿月酒，只有一圍自己人，十點未夠就收工喇~ ^t^
劉鄧︰我夠要煮飯買餸咯~我會帶埋聽日飯盒，咁食完飯又可以再溫書。
上堂開始教第四課喇，教日曜日呀月曜日呀，快得好離譜啊，不過未溫到佢，完全唔識讀~ >_<
歐巴桑︰大叔同我呢啲都係天跌落嚟當被冚呀，人中人嚟架~ ^t^
其實啲せんせい教得咁快，一課講完又即刻開始第二課，有無理下我地嘅感受嘅啫？
小彭︰ru 讀嘅時候條脷卷多啲，咁最尾一筆咪了埋上去囉，我係咁樣記架！:p
老師︰上足一日堂？咁咪好辛苦囉，吸唔吸收到架？
意粉︰我認真架！點個對我好我知架！^p^
lala︰分到 ru 同 ro 唔夠架，我又唔記得咗佢地嘅片仮名點寫喇~
咦 ~ 你榮升左做伯父牙？
意粉︰伯父？哦，邊有咁快呢？hehe~
敬=恭敬
辭=推辭
回=回送
贈=贈品
簡單黎講，即係唔要贈品囉~
b女唔係細佬嘅，又應該唔係家姐嘅，咁即係.......
伊香保溫泉亦是我曾想過遊覽的目的地，看著您那超級大銀幕上的風景，遊日的意欲又像回復了過來！
換到D 白米同公仔麵都好D 喎．有D 淨係得漂白水薄過紙o既毛布仔咋..都唔知換o黎做乜？
maymay︰真係有咁樣嘅叫法架？
睇吓乜嘢贈品喇，有啲唔可以唔要架，例如乜嘢乜嘢買二送一呀之類~
b 女咪係呀邊個個邊個個 b 女囉！:p
薯嘜︰哈哈，得閒諗下去邊，可以調劑下沉悶嘅日常生活啊~
伊香保好似早幾年 hit 過下，依家又好似少咗人講咁。
光．軍︰係喇，我都試過換到啲毛布仔同埋啲很差劣的廁紙返嚟，都唔知點好，都係米同埋公仔麵實際好多。依家好似要 40 公斤至有米換呀~
想唔想知~~~日曜日呀月曜日呀....點記得快D
交學費比我就話你知~~~hehe
老師︰講咗畀我聽先喇
我聽日又測驗又問書呀
好忙呀~~
開夜車啦，帥哥 ~ 或者聽日文下晝請假鋤書（嘩，好耐無用依個 term）啦 ~
我就靠死記，唸下唸下咪熟囉，にち、げつ、か、すい、もく、きん、ど ..... 無記錯啩 ~~~
記生字都有好多方法，我記ru同ro嘅方法係：
ル，ホテル個ル(，仲可以記埋ホ同テ)．
ロ，トロ個ロ(，仲可以記埋ト)．
意粉︰我寧願唔合格都要瞓覺呀，雖則我依家仲係好眼瞓。
唔放得假呀，老細去咗開會，要看檔呀~
星期幾呢啲唔溫住喇，溫咗啲こねは,そねは,あねは先喇~
lala︰我就係靠見過嗰啲字記五十音，うにか呀にい呀バス呀，不過點都仲係要慢慢諗下佢地點讀，唔可以即時講得出囉~
個RU字片仮名我真係諗左好耐都記唔記!
ホテル, 完全醒唔起. 我只係記住トロ.
小彭︰啲片仮名好難記呀我覺得，如果唔係有ホテル我都未必記得到個ル。係，記埋テレビ先~
仲有ビ一ル呀！
過左關嗱？咁輕鬆 ~
大頭叔求學不是求分數啦！
我驚佢兩樣都唔求囉，老師 ~~
老師︰你成日掛住ビ一ル呀！^t^
求學點會唔求分數吖，啲細路默書唔合格然後咁同你講，你會點吖？
意粉︰個測驗其實好容易，因為我都話易就真係好易囉，淨係啲片仮名唔熟囉~
我其實兩樣都唔係好求，我淨係財同埋兩餐安飽咋~~ ^p^
啲片仮名唔係咁常用，的確係難記少少，多啲 Quiz 都好，可以迫自己勤力溫書。
真係呀，有啲 quiz 真係迫到我溫書呀，如果唔係我仲未識寫ラジオ,カメア呀~
不過又唔好測得咁密喎！^t^
カメラ呀，帥哥 ~~
屋企向西喎！同我一樣
大頭叔~~~
細路默書唔合格~~~我覺得係家長問題，同埋細路懶攞！
意粉︰係喇，我呢幾日不停溫書預備測驗，但係一過咗測驗就乜都唔記得架喇！依家你提咗我，我以後一定唔會再搞錯カメラ架喇~ ^t^
naruto︰好彩我又唔算正西喎，所以下晝都唔算曬得好厲害。
老師︰我覺得最主要係細路嘅問題，好講佢地自己肯唔肯用功上唔上心，家長反而係其次。
家長有責任同細路溫書，家長有責任唔比細路打機同街玩....
老師︰可能細個我地好獨立，乜都係靠自己，溫書做功課爸爸媽媽都無理我地，所以我點都係覺得讀書得唔得主要都係靠啲細路本身~~
三天學會平假名的方法
http://blog.roodo.com/dcalfine/archives/4504621.html
lala︰謝謝你啊！其實我都有記下啲仮名嘅字源，不過你都係要對住個字諗返佢個來源至記起佢嘅讀音，又慢咗啲。可能係仲未睇得慣，好多字仲未可以即刻讀到出嚟~
你下個月都去實習啦，一於食多幾餐洋食，真係學得好快o架！
lala︰係喇，好緊張呀！第一次識多少少日文去日本，唔知會點嘅呢？可能會呆望住啲日文字，之後好開心咁讀到佢出嚟，但係最後又唔知佢講乜~~ ^O^
Post a Comment