Tuesday, November 18, 2008

秋休日

原來又有近一個月沒有放過假,就趁這天秋意正濃,給自己休息一天吧!

昨天晚上跟爸媽約好今天帶他們上茶樓,在電話中,我完全感受到爸爸的興奮。算一算,原來也有大半年沒有跟他們飲早茶了。今天大清早,就跟他們到了九龍灣的大榮華


媽媽如常什麼也不吃,什麼也讓給爸爸和我,而我又如常語帶責備地跟她說希望她多吃一點,好好照料自己。似乎無論在家裏還在外邊,我們都習慣了這種溝通模式。

剛吃飽,轉頭走到銅鑼灣的豚組。這裏主打吃吉列食物,跟另一長龍店とん吉很相似,不過價錢就便宜了一大截,水準同樣低了一大截。現在午市隨定食奉上虎蝦一只,感覺尚算超值。


午飯時間這裏只有半滿,在銅鑼灣上班就有這樣好,找吃飯的地方永遠不是問題。

雖然放假,但我還是回到金鐘,不過放假日子我當然不會返回辦公室,而是走到香港公園的觀鳥園。平時沒有太多機會逛香港公園,今天就盡情看過夠。


沿堅尼地道走上寶雲道,這個下午就暫時離開這個混亂的鋼筋森林吧,雖然它一直都在我的不遠處。


寶雲道除了有不少緩步跑的人,還有很多人來放狗。這幾年有很壞心腸人在這裏放毒餌,毒死了多條狗,所以這天遇上的狗全都帶上口罩。


平日上班經過修頓球場,總會看到遙遠的這裏的人在晨運,覺得他們很悠閒。這天,我就由這裏遙望修頓球場一帶像積木的巴士和蟻一般的行人,位置很神奇的調換了。


路,其實一直都在。


姻緣石對我來說沒有什麼功用,但一場來到,當然要膜拜一下。


回到鬧市,雖然市道明顯差了,但時代廣場還是如常的熱鬧。


對啊,即使今天休息,回家前還是要到崇光跟人拼搏一番。

20 comments:

supageti said...

好有食力同腳力!

Anonymous said...

富豪緩跑徑喎,識去呀吓!

Anonymous said...

你還是要堅持做"行家"! ^^

largeheadboy said...

意粉︰呢兩樣力我不嬲都有架喇,不過行完之後真係好攰好攰。

lala︰係見唔到前特首囉,如果唔係一定同佢 say hi 呀~~

joeyee︰尋日諗過上山頂架,不過見天氣不太好,視野又模糊,咪改玩行寶雲道囉。做行家好呀,強壯筋骨呀!^t^

supageti said...

你老細去左前祖家探前契媽呀 ~~

maymay said...

做下乖仔咪幾好~

lau2tang said...

隻雀仔張相影到好似假咁~

Anonymous said...

之前都想試吓豚組,而家睇黎可以慳番~~

Anonymous said...

係咪姻緣多過頭, 唔摸都得啦
摸一摸驚你應付唔黎呀 ^^

Anonymous said...

節目好豐富呀!

largeheadboy said...

意粉︰你講呀凸手呀?我呢排無留意新聞,完全唔知佢嘅動向。佢就好喇,鎊紙咁低~~

maymay︰我都叫乖仔啊呵?^o^

劉鄧︰呢隻唔算假喇,有兩隻個樣好古怪又郁都唔郁嘅雀仔個樣仲假呀!

rempei︰其實都可以架,依家仲有一隻蝦送,都可以試下架。係呀,佢地仲有印仔儲,五個印仔有午市定食一份送呀~~

紅米奇︰哈哈,咁你都知!所以我都係今時今日先至第一次去咋~~ ^_^

歐巴桑︰難得放假,當然要去盡啲喇!幾時又輪到你偷偷地放假呀?^u^

Anonymous said...

你個行家行程都幾得意. 晏晝唔去sogo, 係都要夜晚同人迫!

largeheadboy said...

小彭︰晏晝要行山嘛,唔通抽住幾包即食麵同埋番薯一路得咩。同埋,崇光幾時都咁多人架喇~~

Anonymous said...

長江公園細細地但係都幾好行,有少少池泉迥遊式庭園feel,潺潺流水又有奧入瀨feel,最近仲有陣陣花香,light-up時又有氣氛,得閒真係要去一去.

Ellen老師 said...

下星期都去郊遊!

largeheadboy said...

lala︰長江公園人來人往,我覺得似一條通道多啲,不過有 light-up 又唔同講法喎。行吓香港公園喇,都有啲上野公園 feel 架!^t^

老師︰係學校秋季大旅遊呀?咦,咪好煩囉~~

Anonymous said...

原本都想試下依間"豚組",而家都係搵日去"don吉"算~

Anonymous said...

香港公園係咪有野食架?

Anonymous said...

香港公園有間餐廳,曾經係餵蚊既好地方.

largeheadboy said...

萊少︰呢啲嘢撞手神啫,可能你去嘅時候會讚不絕口呢!不過呢,送嗰隻虎蝦“梅梅”地咁囉~~

小彭︰有架,有叉雞飯喇、八寶飯喇、糯米雞白粥炒麵油炸鬼喇,自由帶上去就得架喇!^o^

lala︰香港公園嗰間泰國嘢可以坐室內雅座嘆冷氣架嘛,不過依家咁嘅天氣室外應該好舒服兼且冇乜蚊。啲嘢食又係普普通通喇~~