一年後的今天，我們重演了一年前發生過的事情，同樣是打過羽毛球後來到同一個地方茶聚。不過，今年代表我們到京都賞紅葉的另有別人。
跟去年一樣，我們坐在叫人坐得很舒服的靠窗梳化。這天，我們還來了幾位生力軍，其中最受歡迎的肯定是這個笑容燦爛的小寶寶。
這裏的食物跟去年的大同小異，不過擺放甜點的地方改了，款式也好像沒有去年那麼多。至於曾經備受追捧的生滾粥依舊大排長龍，不過份量可否不要那麼多呢？
雖然今年沒有得到 2009 年的港版鬆弛熊月曆，不過這天的收穫還算不錯。謝謝師姐新鮮從馬交親自速遞回來的手信。
沒變的，還有大家繼續談過沒完沒了，到了華燈初上才肯離去。
一年後，大家又會再在這裏聚頭嗎？
19 comments:
會~~~
1年後代表大家到京都賞紅葉的是~~老師
翻查番先知剛剛一年前差兩日晌同一地點做著同一件事, 不過真係今時唔同往日lu~
希望依個一年一會會持續進行~
ellen你一年後轉行乎......
咁繞啫~唔使刻意嘅！開心嘅幾時約食飯都得啦~話時話，呢間的甜品真係弱咗少少，又無咗人彈琴。
原來大頭壽都好有 heart 喎，加分！哈哈 ~~
老師︰好呀！就派你做代表喇，不過你一定要過去至好呀吓~~ ^P^
roy︰真係眨吓眼又一年，b 朗都八個月 lu~
真係一年一次都唔錯呀，然後我地睇住 b 朗上幼兒班小學中學大學。嘩，好驚呀~~ :p
劉鄧︰其實我一路都記得架，最主要原因係舊年呢個時間準備飛囉。
哈哈，我地又定咗嚟緊兩餐飯啊！
雖然甜品弱咗又無 live music，坐得咁舒服就乜都抵番晒。
師姐︰我不嬲都咁有 heart 架喇！咁應唔應該得到 2009 年鬆弛熊月曆獎勵一下呢？^v^
傾好左之後兩餐飯喇, 幾時出mail報名?
師姐我都想要2009年多拉月曆~~
個個都搵師姐做聖誕老人!
呀... 我唔記得左呀... 我唔使上堂呀... 經理人又唔提我!
咦, 無ham嘅?!
roy︰係喎，舊年你好似有叮噹月曆喎，今年就食白果~~
第一餐出 mail 有難度喎！^_^
劉鄧︰做聖誕老人都好吖，好受小朋友歡迎架！^o^
小彭︰經理人點做嘢架，快啲換咗佢搵 paco 喇！你好似話得嘅話就搵我架嘛~~
好似無 ham，其實好多嘢都無，不過勝在環境好囉。我地仲見到幫屋企人買重保險嗰位姐姐呀~ ^o^
我咩都睇唔到，哈哈 ~~~
環境真係好舒服，食物質數可以好D~~
帥哥，謝謝您的fruit tart
師姐︰睇唔到啫，你會記得嘅，哈哈！
薯嘜︰lunch 好間唔中都會嚟呢度，不過每次都趕頭趕命，能夠坐它三五七個鐘就最好喇~
fruit tart 又何需掛齒呢？尋日都有大量供應呀！^o^
經理人, 我諗我要搵個助手喇! 無ham, 要食番三五七杯雪糕先得喇!
雪糕得士多啤梨同奶油曲奇,前者好快無晒...
第一餐mail有乜難度呢?
我估師姐已經安排好,等俾個驚喜我地~~
小彭︰經理人做埋助手囉，呢排 cut budget 好犀利呀！
嗰日我狀態唔係太好，食得一杯雪糕咋~~
roy︰之前有士多啤梨咩原來？之後據報出現過云呢拿同埋朱古力，不過我都係只得到奶油曲奇。
第一餐火鍋吖嘛，難度咪呢道囉~~ ^t^
我都覺得師姐好體貼嘅。
b朗張相, 你影的好好呀!
好耐無食到滿足的tea buffet了, 呢間又差左, 仲有邊間好去呢?
小妹︰嘿，我影咗好多張至揀到一張出嚟架咋！^t^
呢度可以坐咁耐，有得hea，又叫做唔駛同人搶，我收貨架喇~~
Post a Comment