我對這家位於大角咀的稻香印象不錯，除了有我喜歡的卡位之外，還有它地點不算方便，客路又以附近居民為主，沒有其他分店那麼旺場。所以這晚我們即使坐了四五個小時，完全沒有受到侍應的白眼，也沒有吃飽後就要交枱的壓力。
不過別的壓力還是有的，就是跟姊妹吃火鍋要很小心謹慎，什麼時候把多少火鍋料放進熱鍋裏是一門很高深的學問，必須掌握得很準確，千萬不可以掉以輕心，否則就沒有好下場。
雖然是周末前的晚上，不過經濟環境轉差，來吃火鍋也有特價。在美國肥牛碟碟八蚊以及很多火鍋料七折之下，我們吃了很多很多。當然，我們也談了更多更多。
謝謝意粉給我送上的心意，即使月曆不是我最心儀的鬆弛熊。另外，還要感謝她在寒風中載我回家，即使走錯路兜了一個大圈。
以我今晚的表現，看來姊妹飯局以後可以增添一位帥哥成員了！^_^
7 comments:
唔該下次著番條裙好!
唔該下次當我食飽要挨住個椅背歎世界時，唔好話我聽個椅背好污漕。
姊妹飯局要多1位成員~~~問過師姐先喎！
大頭終於可以突破到姊妹飯局最嚴緊的防線，勵害！果然係帥哥！
呵呵，似乎有人唔想再參加或者再搭順風車定嘞 ~~
劉鄧︰裙要留返畀老師着呀！佢話要着短裙過日本架嘛~~
唔話你知，我驚嗰舊牛肉會癡住你啲頭髮跟埋你返屋企喎！^t^
老師︰係喇，凸咗隻腳，我驚師姐下次唔預我呀！
薯嘜︰嘻嘻，駛乜講，呢啲就係元祖帥哥嘅威力喇~~
意粉︰唔係唔係，都係細路仔唔識世界啊。尋晚幾快返到屋企呀我，仲唔駛抽住個碌柚咁重，麻煩你就真啊。:p
がんそ, 好明顯你係鄧腳架啦!
(がんそ呢個字隔左幾個鐘都仲記得都算係咁喇!)
小彭︰がんそ即係我咁解呀原來？咁我改名先，哈哈！
係喇，我嘅身份就係鄧腳，齊返腳就唔會預我架喇，灰呀~
Post a Comment