Thursday, October 29, 2009

己丑年九月十二日

這天的午餐,是昨天晚上的剩餘物資咖哩飯。可能是翻熱的時間太短,吃到一半才發覺飯的中心不夠熱,下午肚子開始不太舒服會否就是跟這飯有關呢?


在有點秋意的日子,有什麼好得過在電車上吹風。飯後我想逛書店,就跳上電車坐幾個站到灣仔。如果這個下午可以不用返回辦公室,我一定會坐到總站才下車,那管總站是北角還是筲箕灣。


天下無不散之筵席,好像說了很多年,灣仔的地標之一龍門大酒樓這次應該真的要結業了。雖然我從沒有光顧這家酒樓,但看見這家迄立灣仔六十年的酒樓劃上句號,始終覺得很可惜。這天跟我一樣為它拍照留念的人,站滿了對面的馬路。


下班後到了尖沙咀的香港老飯店,跟即將遠赴東瀛嘆世界的 maymay 餞行。這裏的食物普普通通,但大家說說笑笑過了一個愉快的晚上,其他的都不再重要了。


謝謝剛從台灣回來的老師意粉送上的手信。兩個月後,我們真的會在深水埗元州街的京都大酒樓相遇,一起吃京都骨嗎?

20 comments:

maymay said...

又話同我餞行,典解又要人夾錢嘅,快d回水呀~~~

largeheadboy said...

maymay︰乜有話畀人餞嗰位唔駛畀錢嘅咩?咁就由下次開始喇!:p

supageti said...

兩個月後,如果你真的在深水埗元州街的京都大酒樓吃京都骨,我請 ~~~~ 哈哈 ~~~~~~

largeheadboy said...

意粉︰咁如果係京都駅嘅名代とんかつ呢?:p

naruto said...

鬥嘴廣場?

supageti said...

梗係你請啦 ~~ 哈哈 ~~~~~

maymay said...

我唔理,一於响你d手信度扣番,
你今次嘅手信=0

largeheadboy said...

意粉︰咁你請我ビール喇~ :p

maymay︰我剩係要一張來回機票加多卅萬円得架喇!^t^

Anonymous said...

Ha, my best discovery this time in Tokyo is 吉祥寺 and 自由の丘. Also went to the Suntory Hall and watched the NY Philharmonic (most expensive concert ticket I've ever bought). The conductor (when conducting with his back facing us) reminds me of you (Largehead)..;)
Ricky

largeheadboy said...

ricky︰吉祥寺我都好鍾意,好舒服又有公園行。反而自由の丘我就未去過,或者呢次去喇(細細聲話你知,我出咗聖誕機票啊!:p)
咁場 concert 咪要好早之前買定飛囉!我有冇呀指揮咁型仔呀~ ^t^

歐巴桑 said...

(唔覺意偷聽到...)
你就好啦,又可以去遊學啦^o^
話時話,那間京都大酒樓原來重喺度
n咁多年前曾經在那附近上過幾個月班呢

roy said...

京都大酒樓留番我去得喇,過條馬路仔之嘛~

largeheadboy said...

歐巴桑︰其實我想大大聲講架~ ^t^
今次唔係遊學呀,我已經放棄咗求學喇,哈哈!
咦,咁啱n咁多年前我都喺嗰頭返過工喎~

roy︰咁兩個月之後你即管過條馬路仔上去睇下會唔會撞到我地喇~ :p

Ellen老師 said...

真係食とんかつ呀?

largeheadboy said...

老師︰你唔喜歡咩?咁你話食乜就食乜喇~

galaxy said...

肚痛還可以四圍去 ?! 強 !

薯嘜 said...

電車上那位令人充滿遐想及藝術氣息的少女背影,是知道您這位電車男在大無斯樣地偷影時,所作出的反應嗎?

largeheadboy said...

galaxy︰公司有洗手間呢樣野架嘛~ :p

薯嘜︰你又睇得出呢位係位少女?係喇,都唔知係咪知道我偷拍佢即刻唔望鏡頭~

薯嘜 said...

我段估咋,睇真d有些似長了頭髮的您啊!!!!!Oh~my god~~~~

largeheadboy said...

哈哈哈!你咁講我又覺得有啲似喎!