我沒有加入 facebook，也不算太熱衷 twitter，可是近來我的網誌的更新頻率還是減慢了。以往一個月起碼有七八篇新文，現在一星期才勉強更新一次，沒變的可能是網誌的內容仍舊是那麼枯燥乏味。以這個速度遞減，相信不用多久我就會在這個網絡世界中消失。
經過一天工作，雖然不致於筋疲力竭那麼誇張，但不知何解就是沒有太多精神花點心思再寫東西。整個晚上，很多時候我就只會對着電腦屏幕發呆，沒有意識地不停到訪一個又一個網站，然後到十一二點倦了就爬上床睡覺。即使現在我有兩三篇接近寫好的文章儲存起來，只要略加潤飾並加上相片就可以發布，可是我還是由得它們待在那裏。當然，刻板的生活沒有什麼好寫也是令這個網誌減產的另外一個原因。近幾個月，我甚至沒有帶相機外出，連電池耗盡了也沒有為它充電。
這一兩個星期，我連花在上網的時間也少了，我寧願攤在沙發上看電視，看看信天翁如何繁殖下一代、北極的冰塊融化得怎樣厲害，又或者三好和金鈴之間的恩恩怨怨。這個網址，或許會繼續荒廢一段時間。
話雖如此，臨近年尾，相信我的貼文高峯期應該就會回來！
37 comments:
一啲都唔覺得你的網誌枯燥乏味喎
日常生活都係咁上下
天天都驚天動地咪重恐怖:-p
Facebook自己都係人有我有
update的動力比網誌還要低得多呢
咦你做乜寫哂我o的心底話出黎？
我好想睇番金枝慾孽，原來好睇得多．
長有長寫，短有短寫啫，咪當寫日記囉
你d電要晌日本差架嘛!
我好想有d發呆時間... 我好想將d野寫好, 未必要post出黎, 因為我發現我d記憶越來越差... 我好耐無睇畢打自己人, 星期日睇三好同金鈴睇到我一頭霧水.
相信不用多久你就會在這個世界中消失。
歐巴桑︰hehe，其實我得閒睇返自己啲舊作都覺得好好睇架~ :p
人懶呀，好多時都無乜動力寫野，我都好想記下生活的點點滴滴，睇下呢個階段幾時過去喇
lala︰你一年都有七八篇文吖 :p
《金枝慾孽》係上一套我真正有追過嘅電視劇，我成日都想買番套 dvd 再睇多一次。三好佢地爭幾皮啊！
naruto︰都係，等我睇下轉唔轉下型先~ ^t^
小彭︰係呀係呀！當你知道部相機啲電係日本發出嚟嘅，真係會好感動架！
寫網誌就有呢樣好，可以幫你記低啲野，唔 post 出嚟嘅咪由得佢留喺個 draft 度囉。如果唔寫低，乜都好快就會唔記得。有時唔想咁囉~
老師︰真架，我諗我都等唔到幾耐~
Facebook 以前唔玩，而家因為成為老朋友老同學既聯絡站都 update 密左，twitter 因為練習日文日日都會寫，buboo 用黎發下 up 風成日都會寫，但通通同寫 blog 好唔同。
無論係 FB, twitter, buboo 或者 blog，想寫就寫，唔想寫咪唔寫囉，無人會話你，唔駛搞到要『勉強』啩？
又係時間講下做人既道德：其實你可以按自己意願生活已經好幸福啦，仲成日晌樹無病呻吟 ~~~
唔好用"消失"依兩個字啦, 用"暫別"有D詩意同有回來o既時候嘛。
小休片刻再回來記錄大頭的二三事啦 :)
CHEERS
平常心啦，大頭帥哥~~^^
你唔約我吃飯，談下心，梗係冇野寫啦~~~
意粉︰我都覺得 twitter 同 blog 好大分別，寫 blog 嘅樂趣遠比 twitter 大，所以我好想繼續用 blog 呢個平台記錄我嘅生活，雖則我比較懶，其實應該係非常懶。:p
我寫呢篇野，純粹係借題發揮，我覺得呢排好懶無乜心機少咗貼文，所以就寫咗呢一篇出嚟，講下我呢一刻的感受。你識咗我咁耐，都應該知道我唔會介意人地點睇我，亦都唔會為咗人地寫野。我寫嘅野，只係為咗記錄我那一刻所思所想，呢一刻我就係咁樣諗。我根本係個好渺小的人，我知道沒有人會在乎我寫抑或唔寫。
有時寫野我會誇張啲又或者係挖苦一下自己，我覺得呢啲係我嘅風格(好似好有野咁 ^_^)，所以我話“勉強”，又未必係咁樣。唔駛咁認真喇，大家輕輕鬆鬆明白咪算囉~
我當然知道自己好幸福，不過無病呻吟個個都係咁架喇，唔係無人有題材寫 blog 添架喇~ ^t^
光．軍︰依家我就係小休當中喇，不過休息當中都會繼續工作架~ :p
Maymay︰唔知架，可能心血來潮又或者有野想寫，我今晚會連寫十篇野架。
唔，你買咗咁多鑊，驚阻住你煮飯吖嘛！^o^
係咪你個卜歷史上最長既留言呢？
我都好好記住依一刻 (好似好有野咁 ^_^) ~~ 哈哈 ~~~
(好似好有野咁 ^_^) ~~ 哈
帥哥係時候約我去打邊爐啦！
意粉︰呢個可能真係我最長嘅留言呀，仲長過個正文咁濟呀，或者又可以借題發揮寫多篇 blog 同十二月開齋呀~ :p
老師︰唉，打邊爐都要過埋呢個禮拜日先喇！我呢幾日得閒會諗下有乜野出算方法~ ^t^
如果將來網誌真係在網絡世界淘汰消失左，咁我地之前寫下的旅行遊記咪同時消失！！！
她帶給我不少歡樂及回億，亦令我認識一些志同道合的朋友，想到呢處，我想起travaleyes.......
sorry! 串錯左，係travelleyes至真！(費事俾你話~~)
twitter 有字數限制，又唔可以貼圖；facebook要係會員，同埋要版主接受你，你先可以走去人家的網頁，兩者都各有弊端，所以，我覺得暫時都唔可以取代網誌。
好似我咁，成日都係yahoo個搜索bar內，打上「清里」，又或者「秋田」，就有各式各樣的旅遊網誌俾我參考，幾方便。
帥哥，
你要消失，事前記得通知聲我地，等我地同你say goodbye，借的意食餐勁！ ^o^
想起 travellereyes, 總覺得有啲遺憾 ~~
薯嘜︰我有諗過，過多唔知幾多年我地瓜咗，啲人 search 到我地啲網誌出嚟，睇返我地呢啲前人寫嘅野，唔知會係點樣嘅一回事~
喂，你都仲係串錯字喎老友！^t^
劉鄧︰係喇，我都覺得大家唔同性質，不過啲人玩多咗 facebook 同埋 twitter 少了寫 blog 我諗就真有其事。
消失都有諗過架之前，不過我依家仲係 alive and kicking。食餐勁？我地成日都有喇~ ^_^
意粉︰travellereyes 對我嚟講非常感慨添，尤其係諗返起沒有 save 番 cache 嗰啲野~
其實呢兩日都有睇番我個”沒有記憶”系列，慶幸當年有寫底，好多細節已經唔記得囉 ......
lala︰重睇番自己之前寫嘅野，好多時至記番起原來某年某月某日做過呢啲果啲，沒有寫低的話就可能連一點記憶都沒有了。所以我依家喺個 blog 側邊整咗個隨機文章，得閒睇下重溫下啲大作(乘機賣下廣告先 :p)~
唉~~都係串錯左，難怪佢要消失~~~
後人見到您D臭鞋，咪會話我地呢輩原來係咁污糟囉~~~
意粉，travellereyes其實為喜歡旅遊人仕帶來莫大益處，但後期卻有點點變質
薯嘜：我估 TE 網主都可能因為咁，加埋成日畀黑客入侵，咪意興闌珊囉，其實幾乎所有 forum 整整下都變晒質，跟住沒落甚至消失，都係由於人既問題 ~~
薯嘜︰喂，多鞋唔一定代表污糟個喎！(雖然真係幾污糟~ :P)
travellereyes 之後有變質咩？我唔係好留意，其實當時我都唔算好活躍~
意粉︰但係網主唔聲唔聲咁執咗佢又有點不近人情了。
我仲記得你話當時畀九分我，我就話你點解唔畀夠十分，等我早啲上四星吖嘛~ ^_^
當然啦，我都有啲嬲嬲地嫁，拍一聲就無晒啲心血好心痛呢，不過人地係免費提供，而且一向神神秘秘咁，想搵佢算帳都唔得啦。
我出盡力先上到四星，去到前幾十名（唔記得幾多十 lu），但眼白白睇住有啲人啜一聲飛到上四五星我都覺得好唔公平，亦開始懷疑係咪有人出老千。
帥哥，畀九分已經好鬆手，十分唔係咁易個喎 ~~
意粉︰不經不覺，原來 travellereyes 又是幾年前的事。我仲記得我最高去到百一二，好辛苦至上到去架。諗返起，成日要上相邀請人覆留言又去人地度留言再畀下分，真係好忙架~ :p
某程度上我都有D遠離寫blog, 你見我咁耐無新blog就知啦, facebook確實花上好多時間, 所以我都開始減減減, 唔玩咁多, 要搵翻D時間出來, 大頭要keep住寫寫寫呀 ^^
紅米奇︰你個 blog 唔算開咗好耐咗喎，咁快就放慢手腳，你仲要同大家分享好多野架！今年年頭我就跟你去咗新宿食燒肉放題，仲食得好開心添，所以原來有時寫嘅野可以令好多人受惠架。你都要密啲 update 唔好咁沉迷 facebook 呀~ :p
難以想像，自己唔寫卜，又唔上人家嘅卜，日子點過呢！
有d野唔容易走番轉頭~~
應該係：時間がありませんから、すぐ必死に勉強をします。
依個禮拜好慘，出job果度無得上網，搞到自己好似同世界脫左節咁......
maymay︰真係返唔到轉頭呀！所以大家要繼續寫 blog 繼續留言繼續吹水呀！^t^
意粉︰必死呀！
今日終於忍唔住入咗啲 yen，點知夜晚美元全線急升呀~
roy︰出 job 就專心做野喇，仲上乜鬼網哩~ :p
不過呢幾日個世界都無乜點變~
我間唔中都有 check 你個網誌架，一個月一兩次啦，都想知道老友近況，但又懶打電話。重點出擊啦～～又唔駛迫自己更新得咁密嘅。
哈~
我都係今日換晒要用ge円！又會咁繞有人陪我蝕底?
自從你登錄travellereyes 之後就開始變質了:P
今晚想update個blog，誰不知成個yahoo blog瓜左，唔通咁快就關門大吉？喂~~唔好住喎，俾我搬相過檔先啦，唔該！
Yahoo Blog 成日都有問題，麻鬼煩！
theresa︰我都有間唔中上你嗰度，期望會唔會仲有 update。
無架，都係想寫而且又有野寫咪寫囉~ :p
劉鄧︰唉，升得好勁呀美金，大早尋日唔入咁多喇。不過我仲會繼續入架~
薯嘜︰咁睇得起我？:p
yahoo blog 好唔得呀，又多限制，搬屋喇~
意粉︰尋晚我見空白一片，唔知依家搞好未呢？
Post a Comment