Wednesday, December 01, 2010

一錯再錯

一個月前決定到日本,只打算到東京閒逛幾天,完全沒有想過作長距離的移動,所以沒有買期間限定的特惠火車證。怎料出發前幾天,突然改變主意要到長野看猴子浸溫泉,車資頓時變成一個大問題。為了省錢,去程搖了三個多鐘頭長途巴士,回程把心一橫一擲千金坐新幹線回東京。兩個小時就從長野回到新宿確是很爽啊!


不自量力以為自己酒量很好,在長野県湯田中渋溫泉鄉的旅館吃晚飯時一人點了一大瓶啤酒,結果回到房間後什麼都沒有氣力做,沒多久就倒頭呼呼大睡,錯過了在夜晚改為男湯的露天風呂。那一覺,足足睡了將近十個小時。


在新宿的京王酒店住了一晚,但怎樣都覺得它比離新宿站再遠了一點的 Hyatt Regency Tokyo 差,不但房間裝潢有點陳舊,服務也差了一大截。幸好早上醒來打開窗簾,竟然看到遠遠的富士山,而且房租也算是便宜,就當是種補償吧!


做功課沒有做全套,一心打算出發到機場前去吃創業快九十年的王ろじ咖哩豬扒飯,可是走到這家小店門外時才發覺遇上逢星期三的例休日,害我慘吃了閉門羹。幸好後備的金太郎丼還是沒有令我失望,讓我在離開東京之前享受了十多分鐘的大滿足。


這些錯,其實我不介意一錯再錯。

19 comments:

卡臣 said...

將錯就錯都可能係一件好事

naruto said...

你篇篇都係寫撞板架啦

今次D遊記用咁形式寫呀?

ayclui said...

你篇篇都係寫撞板架啦 --> 好 hurt 啊

大頭乜你咁水皮o架~ 一大瓶啤酒就zzzzz~
湯田中渋溫泉鄉我都有去喎, 你住邊間呀?

lau2tang said...

乜錯都假,你覺得最錯就係去得嗰五日!

TY said...

個金太郎丼好吸引啊!!!!!!

maymay said...

錯唔錯你都係咁做架啦~~~

Ahming said...

好少事姐!

紅米奇 said...

居然miss咗晚上的男湯, 下次飲一小瓶啤酒, 唔好一大瓶呢 ^^

largeheadboy said...

卡臣︰所以我想繼續錯落去,唔好畀自己翻身~

naruto︰唔通篇篇都話自己好醒好叻咩!人地會覺得我好囂架~
我都係慣咗遊記跟次序一日一日咁寫,咁之後自己又可以慢慢重溫。不過當然寫唔寫兼且爛唔爛尾又係另外一回事。

ayclui︰撞板野其實事後睇返可以係開心野~
我咪住春蘭の宿 さかえや囉!訂咗房之後有日 search 先發覺原來你地住過,都好唔錯啊!

劉鄧︰去幾多日要夾好多野架,呢次爭啲唔成行,有得去我已經好開心好滿足 lu~

TY︰呢個三色丼好得,都係賣 Y1,200,我覺得好超值。下次有機會再去要畀多 Y300 要個海膽飯,依家諗起都流口水。

maymay︰諗深一層,有得做錯事有時都係件幸福嘅事~

ah ming︰係呀,其係都係好小嘅事,完全沒有影響到今次旅行嘅興致啊!

紅米奇︰男湯同女湯夜晚會調換,天光又會調返轉,所以就只係浸咗一個湯咋,蝕咗。
我地冇諗過一人一支仲要係 633ml 嘅大樽裝吖嘛,下次都係要睇清楚至叫~

jokelib said...

最錯係唔等到 4/12 之後先離開.

supageti said...

你無錯果日要出號外啦 ~~~~

小頭 said...

我都覺得你應該玩耐 d,坐埋東北新幹線去新青森 ^^

和艾瘋重聚 - 你無帶佢去日本?近來好多扑頭黨搶艾瘋,小心小心

l.minor said...

那個金太郎丼金看相巳經令人中毒...Welcome Back!!!

naruto said...

咁之後自己又可以慢慢重溫。。。。你有邊次可以重溫呢?

largeheadboy said...

jackson︰咦,話咁快聽日就開通囉喎!要返嚟開工吖嘛,我都想去見證吓啊~

意粉︰第一日行程超得超暢順冇乜甩漏兼回晒本喎話時話,所以記住留意第一日遊記喎!

小頭︰喺車站見到啲 poster 都有想過搵次用三個零鐘直踩上青森都幾爽喎。
我都唔敢帶艾瘋過去呀,怕去到嗰邊畀人扑頭呀!實情係,部機借過畀家姐佢試用呀!

l.minor︰將成舊海膽放落口嗰吓都唔知幾痛快呀!

naruto︰起碼有得重溫開頭嗰幾日吖~ :p

joeyee said...

春蘭の宿 さかえや好住嗎?
有冇去小布施?

largeheadboy said...

joeyee︰我地住喺最殘舊因此房價最平的東館,普普通通喇,不過個溫泉同埋夕食都唔錯,服務都好好,難怪喺 jalan 嘅評分唔錯。
梗有去埋小布施,順路吖嘛。好鐘意呢個地方,好舒服~

joeyee said...

係米12500果個PLAN呀?
帥哥帥哥, 可吾可以偷步出編小布施黎睇下呀?

largeheadboy said...

joeyee︰我地揀咗信州ブランド豚嗰個 plan,折實前 Y11,000~
如果跟我一向以來嘅速度,小布施嗰日要排到 2013 年 6 月至出到街。咁喇,睇係你,我盡力喺今年之內出喇,你農曆年至去啊呵~