Wednesday, December 15, 2010

新生活

來到新辦公室上班很快又一個禮拜了,就算怎樣不習慣也要盡量令自己盡快習慣過來。

我對我的座位算很滿意,位處後排,進可攻退可守,間中還可以站起來偷望前方的隙海景。


不過,為了不要讓人輕易看到我在發呆或在瀏覽不良網頁,我還是把旁邊的玻璃屏風密封起來。除了慣常的風景照片,我還貼上東京地下鐵的路線圖。要是下班後要到上野去,我也可以即時知道要坐什麼線嘛!


現在每天上班前都會買早餐,可是幾天下來我還沒有找到一家店子的奶茶合我的口味,不是太甜就是茶味不夠,往往喝到大半就要扔掉。看來還要花一段時間在灣仔的街頭繼續發掘。


年尾可能是升遷的旺季,雖然我完全不知道是哪位請客,但短短幾天我已吃過三餐下午茶。在沒有運動的情況下,相信我只會越來越肥。


看見意粉給我送上的聖誕老人水晶球才來了兩天,就跟一眾友達相處得非常融洽,那我也應該同樣很快就能融入這個新環境吧!

20 comments:

L L said...

大頭:

你灣仔近那边?若近地鐵站,有間在柯布連道駱克道交界嘅麵飽鋪兼賣奶茶咖啡三文治,我每天用十文買個叉燒餐包加杯奶茶,好正!

largeheadboy said...

laulong︰你講嗰間會唔會就係 V8 呢?我上個禮拜第一日返灣仔就見成幾廿人排晒長龍,好誇張。唔通真係咁得?聽日就排隊試下喇~

貝拉 said...

努力呀, 大頭....

ayclui said...

新生活都幾順利丫, keep 住~

maymay said...

我都想有呢d新生活呀~~~

卡臣 said...

你掂嘅,唔使擔心

naruto said...

最後張相隻象係咩嚟架?寵物小精靈呀?

to 樓上:你又知佢掂?

Ahming said...

我都想有呢d新生活呀~~~ x2

largeheadboy said...

laulong︰V8 奶茶同埋熱辣辣叉燒餐包真係唔錯喎,好介紹!

貝拉︰我會盡量努力架喇~

ayclui︰蘇花蘇骨喇,希望之後有好日子過~

maymay︰天寒地凍返工起身好辛苦架你都唔知。

卡臣︰係喇,你又知我掂?

naruto︰係寵物小精靈呀,佢叫小小象,當年開心樂園餐送架,跟咗我好多年喇~

ah ming︰咁你就要加油啊!

TY said...

"我還貼上東京地下鐵的路線圖。要是下班後要到上野去,我也可以即時知道要坐什麼線嘛!" <-- LIKE!

灣仔都算多野食...個人覺得茶餐廳就以"廣東燒味"最好味, 麵食就"華南"同埋"南記"(但係要謝菲道果間喎)! 最唔明係點解tim's kitchen成日都咁多人!

l.minor said...

唔怕遠就去金鳳試下啦

l.minor said...

原來laulong都係灣仔區

小彭 said...

早知送張京都巴士路線圖過你仲好啦! 印刷好精美又大張.

supageti said...

耶 ~~~ 個水晶球你都影得唔靚既 ~~~~ >_<

largeheadboy said...

TY︰你都係灣仔人喎!
華南以前返金鐘都有去,依家就反而好似仲遠咗。間 tim's kitchen 無乜留意開添,去過 angel hair,啲意粉唔錯,仲好抵食添!灣仔真係好多野食啊~

l.minor︰金鳳多人喎,同埋啲伙計好似唔係咁好老皮。睇嚟都幾多灣仔人喎。

小彭︰京都巴士圖正啊!大大張唔駛好似依家一岩一忽。不過呢期對東京感覺強啲,等我記熟都營大江戶啲站先~ :p

意粉︰係喇,人地 maymay 姐真係影到成個玻璃球咁~

tmc said...

呢句得:

「要是下班後要到上野去,我也可以即時知道要坐什麼線嘛!」答案係港島線囉。上野?上水郊野公園?

「最唔明係點解tim's kitchen成日都咁多人!」我都問緊呢個問題,食過一次,好普通啫。

supageti said...

萊少都影得好靚呀 ~~~ 晌 facebook ~~~

largeheadboy said...

tmc︰港島線邊去到上水呀?咁搵日我要去 tim's kitchen 試下佢係龍定鳳先~

意粉︰係喎,都 ok 喎萊少都影~

Rempei said...

你嘅新生活似乎相比我的容易過渡很多,我都要努力d~~

largeheadboy said...

rempei︰依家啱啱開始咋,老細講到遲下打晒杖咁款。大家都要努力啊!