Monday, December 27, 2010

聖誕又過

平安夜那天提早了一點下班,吃過些東西後就到銅鑼灣的捐血站,獻出了我六年半來的第一次。想不到這天來捐血的人也不少,要等了好一會才輪到我。這次獻血的小禮物是一小袋糖果和超可愛的“血包”。


很多年沒有在平安夜的晚上走到重災區的尖沙咀,但這晚去到又覺得人雖然是多,但就沒有很擠迫的感覺,大概是因為大部分馬路都改為行人專用區,可以走的地方多了很多很多。


聖誕日下午過後氣溫開始驟降,打邊爐就最適合不過。之前我還出席了友人精心籌備的小圓餅企劃,然後把很昂貴的小圓餅吃完一件又一件。


我們一面打邊爐,一面重看丁蟹的《大時代》。這齣電視劇上映的時候究竟我在哪裏呢?好像當時一集都沒有看過啊!


拆聖誕禮物日那天睡到中午過後才起床,走到街上想找齣電影看卻買不到戲票,吃過雪糕後就回家看電視去。


最後一天假期天氣十分好,是郊遊的好日子。原本只是計劃從慈雲山走到沙田,但走到一半卻想到不如走些沒有走過的路,於是走上了麥理浩徑第五段,直闖獅子山去。


沿途看到九龍半島,風景非常好,只是煙霞嚴重了一點。


幾經辛苦,也不知流了多少汗,終於首次征服標高 495 米的獅子山。


站在獅子山的山脊,一面是九龍,另一面是沙田。


之後其實有機會下山去,但看到多走 1.3 公里就可以去到筆架山,雖然時間已經不早了。


這天花了三個小時,從慈雲山到獅子山再走到筆架山,果然是一山還有一山高。


坐在山頭,看着黃昏下這個密密麻麻的城市。


Google map 很厲害,可以連我當時也不知道自己身處何方的位置找出來。


回到市區,很需要補充體力,腸粉、蒸飯、菜乾粥就最適合不過。


好像做了很多東西,但好像什麼也沒有做過,聖誕這四天就這樣完結了。

14 comments:

L L said...

>>好像做了很多東西,但好像什麼也沒有做過....

生活時常如此的!

我小時候每年都有一次由慈雲山行到沙田,皆因拜山也!

l.minor said...

放假就係遊遊閒閒啦!

打邊爐我見到好多鮑魚呀~

幾個山要行幾耐呢?

卡臣 said...

「大時代」<--真好睇,丁蟹啊, 真經典!

largeheadboy said...

laulong︰慈雲山到沙田路途都幾遙遠,最辛苦一定係慈雲山上山的一段吧?不過細個就當行街街啊~

l.minor︰係呀,有南非鮑同埋大連鮑,好豐富啊!
由一點鐘開始行,落返山去到筆架山豐力樓大概五點幾,如果唔係怕天黑,可以行多啲啲~

卡臣︰睇周慧敏同郭靄明爭劉青雲都好好睇~

naruto said...

竟然行山呀,出身汗咪幾好。。。

我試過大圍行去慈雲山,因為無帶水,嗌哂救命

largeheadboy said...

naruto︰係出到成身臭汗,之後仲要除咗最底嗰件衫。無水唔得啊行山,尋日行之前買咗杯日出茶大一路行一路飲 :p

小彭 said...

咦, 呢個假期我都"好像做了很多東西, 但好像什麼也沒有做過", 不過又好開心但又有d攰, 今日要開工就做到痴咗線喇~

大結局要農曆新年先准睇~

腸粉個度係咪土瓜灣呀?

小頭 said...

尋晚偷睇左大結局!

不過唔緊要,我倆絕不介意農曆年再睇,睇左 n 次結局都仲覺得好睇^^。

Ellen老師 said...

做咩無端端走去捐血呀!

largeheadboy said...

小彭︰呢個假期我都超攰,行完山對腳酸軟到依家呀~
好眼力喎,腸粉確係來自土瓜灣。
新一年希望游啲喇你~

小頭︰咁都等唔到過年?:p
睇完會喊個呵?

老師︰施比受更有福吖嘛,尤其喺呢個聖誕佳節~

lau2tang said...

咦!咁啱架!?
26/12我都係去咗行山喎~

小彭 said...

我只係食過腸粉同蘿蔔糕, 仲未食蒸飯呀! 個度咁抵食就梗係記得啦!

ayclui said...

果包小血包係咪橙汁呀? 我十幾年無捐血啦...以前OK o架, 依家連抽血都會暈暈地(驚得滯)...聖誕我地就遊遊閒, 整下燒春雞同去咗睇恐龍咋.

largeheadboy said...

劉鄧︰我 27 號行架!不過我邊有你咁開心喺日本行吖~

小彭︰蒸飯都唔錯,粥就普普通通喇,腸粉就真係食得好開心,以後唔駛再摸黑去食堂記添。

ayclui︰嗰包血其實係個可以循環再用嘅暖包,好有興架。我都超怕見到血,不過一包一包咁又唔係好恐怖,最驚反而係拮手指嗰下~
恐龍勁揪喎!