Sunday, March 25, 2007

時光倒流二十年

二十年還在讀中學,最愛泡的地方是九龍灣淘大商場,最喜歡的玩意是打機,想不到二十年後可以一次過重溫那段美好的日子。

這天到了淘大商場旁邊的嘉和園日月星快餐店吃下午茶。這快餐店位於大廈通道之間,不太好找,地方也不太企理,但八十年代的淘大商場就是這個模樣。



炸雞腿即叫即炸,非常燙口,跟餐還有一份火腿三文治,份量十足,連凍奶茶才賣 $16.5 。再加上十年如一日的餐牌,實在不敢相信自己身處 2007 年。

隨後到了深水埗黃金商場,四處都是買電子遊戲機的人。什麼 wii 、psp 、nds 我全都不太認識,但之前玩過朋友的 nds ,覺得很過癮,也想自己擁有一部。結果在商場兜了不下四五個圈,幾經考慮之下終於買了一部 nds 。那份猶豫不決的情懷,就像廿年前買下我第一部電子遊戲機一樣。



孖寶兄弟,我們又見面了!

30 comments:

lau2tang said...

Winnie也在農曆年前扭她爸爸買了一部nds,兩父女時常爭著玩,真搞笑!

supageti said...

遊戲機,意粉最後玩o既係 gameboy,out 爆!呵呵!

Anonymous said...

劉鄧︰買多部對打囉!呢排有乜新 game 呀?

意粉︰我上一部係彩 mon 的 gameboy ,後來送了給個小朋友。遊戲機也很久沒玩了!

Anonymous said...

NDSL是我的日語字典機!

養過一陣狗仔, 又玩過cooking mama... 又放在一旁了!

lau2tang said...

你問道於盲!
我從來未參與過,點會知呢排有乜新game呢!

Anonymous said...

Cooking mama 好似幾好,我準備買wii版.

Wordy said...

從小 Wordy 媽把遊戲機標籤為「壞孩子的玩意」,所以從來無癮,甚至覺得有點煩。後來也曾覺得因此跟別人少了一個溝通話題。

淘大花園嘛,常常乘地鐵經過。上一次進去,就是幾年前滿 18 歲拿成人身分證囉!

Anonymous said...

小彭︰乜 nds 可以學埋日文的嗎?
我也養了一隻斑點狗 ^t^
部機應該仲有一排先放入冷宮!

劉鄧︰你不會有興趣看看他們在著迷什麼嗎?

jason︰cooking mama 真的很過癮。昨天已成功煮了多道菜 ^o^

wordy︰哈哈!咁你換了智能身分證沒有?
其實遊戲機和電腦一樣,都會令人越來越自閉(我便是好例了!)。好,那就多買一部回來吧!

Anonymous said...

我隔離個個成日叫我買wii, 但我唔太喜歡打機, 所以呢! 暫時仲未買....不過我覺得psp d畫面好正, 但nds d game過引d, 最後結論是: 屋企要買晒所有.... ^^

supageti said...

咁大頭玩厭左部 NDS 送俾我囉,呵呵!

lau2tang said...

我打game成績好差,所以提唔起興趣!
自從亞囡玩Cooking Mamma 打爆機後,熱潮亦開始減退!

Anonymous said...

貝拉︰我唔係太清楚不同遊戲機有乜遊戲,有孖寶兄弟呢類簡簡單單得得意意的遊戲便啱晒我了!

意粉︰到我玩厭時可能已經有更新的機款喎!

劉鄧︰cooking mama 會打爆架,仲以為不斷會有新菜式添 :p

Ellen老師 said...

新年時去日本,就是想買部wii啦!
但全線受罄

Anonymous said...

我唔比自己上癮,所以唔買機 !
不過朋友邀請到,就會去人地屋企打。

Anonymous said...

ellen︰咁搶手呀?
我第一年去日本都抬過部 playstation 回來!不過返到黎要改機。

galaxy︰我都唔算深癮,尋晚打了一個鐘,眼都盲咁濟 ^o^
唔得喎,平時要多操練才可以在朋友處顯顯威風!

Anonymous said...

一講打機大家都好勁, 小妹仍停留在俄羅斯方塊年代咋.

Anonymous said...

我都曾經好沉迷俄羅斯方塊
之後出過立體版的都不太好玩!

Anonymous said...

想當年都晌日本擡過兩部dreamcast返港~

如果回復返打機嗜好,一日廿四小時邊夠用......

lau2tang said...

小妹唔駛擔心,有我陪你!

Galaxy,
你都幾好定力喎!^o^

Anonymous said...

萊少︰真的,現在一日廿四小時都已經唔係幾夠用!dreamcast ,現在是否已是古董 ^t^

劉鄧︰我估你比小妹好些,起碼知道 cooking mama !剛剛又煮好了幾道菜!

lau2tang said...

咁仲唔開飯?!

Anonymous said...

食完好耐喇,今晚完成了煎餃子、肉醬意粉、牛肉咖哩、味噌湯!^s^

Ellen老師 said...

wii在日本公價25000
香港炒至3千幾
我唔介意攞部機回港~~哈哈

Anonymous said...

大頭 : 打機打到無敵手,朋友唔會再搵你打機。取中庸之道,朋友會覺得你係好對手,會陸續搵你。

劉鄧︰我知自己的limit, 一過, 我就會沉迷, 以前試過為打爆機,通宵打機, 打到手指起水泡

Anonymous said...

ellen︰乜炒得咁厲害呀?咁你復活節又過去運幾部返黎喇 ^o^

galaxy︰打機低能的如我也沒有人找你打機啊 ^p^
你自制能力好強,我尋晚都打到成十一點!

Anonymous said...

我個次搭山手線, 見到呢個產品的廣告, 就決定買呢部ndsl.

http://www.nintendo.co.jp/ds/arjj/

遊戲機可以變得好益智!

劉鄧: 呢個'game'對日語學習, 真係好有用架! 去日本遊行, 更要隨身攜帶!

largeheadboy said...

看來真的很有用喎
仲有得發聲添
好,一於要找到這“遊戲”回來!
謝謝小彭提供!

lau2tang said...

大頭仔,
乜咁好心機執吓個版面呀?
個公雞鐘好得意喎!
個留言link點整o架!

Anonymous said...

大頭: 得英文發音咋, 日文詞語係無發音架! 不過有手寫輸入, 所以查生字好方便!

我記得, 仲出左泰文同其他多國語言, 不過就係for旅遊用語及資料的. 好似中國語都有, 但個target都係日本人囉!

largeheadboy said...

劉鄧︰見個版面有啲悶咪執吓佢囉!
個鐘仲有其他十二生肖揀,但我覺得雞雞最可愛!
至於留言 link 好複雜架,一言難盡,一陣或聽日叮畀你喇 ^t^

小彭︰我都見有好多 game 是教語言的,估唔到依家啲 game 咁有學術性。唔緊要喇,對我呢啲日語白痴的人來說點都有啲用啩 ^r^