這天到了淘大商場旁邊的嘉和園日月星快餐店吃下午茶。這快餐店位於大廈通道之間，不太好找，地方也不太企理，但八十年代的淘大商場就是這個模樣。
炸雞腿即叫即炸，非常燙口，跟餐還有一份火腿三文治，份量十足，連凍奶茶才賣 $16.5 。再加上十年如一日的餐牌，實在不敢相信自己身處 2007 年。
隨後到了深水埗黃金商場，四處都是買電子遊戲機的人。什麼 wii 、psp 、nds 我全都不太認識，但之前玩過朋友的 nds ，覺得很過癮，也想自己擁有一部。結果在商場兜了不下四五個圈，幾經考慮之下終於買了一部 nds 。那份猶豫不決的情懷，就像廿年前買下我第一部電子遊戲機一樣。
孖寶兄弟，我們又見面了！
30 comments:
Winnie也在農曆年前扭她爸爸買了一部nds，兩父女時常爭著玩，真搞笑！
遊戲機，意粉最後玩o既係 gameboy，out 爆！呵呵！
劉鄧︰買多部對打囉！呢排有乜新 game 呀？
意粉︰我上一部係彩 mon 的 gameboy ，後來送了給個小朋友。遊戲機也很久沒玩了！
NDSL是我的日語字典機!
養過一陣狗仔, 又玩過cooking mama... 又放在一旁了!
你問道於盲！
我從來未參與過，點會知呢排有乜新game呢！
Cooking mama 好似幾好,我準備買wii版.
從小 Wordy 媽把遊戲機標籤為「壞孩子的玩意」，所以從來無癮，甚至覺得有點煩。後來也曾覺得因此跟別人少了一個溝通話題。
淘大花園嘛，常常乘地鐵經過。上一次進去，就是幾年前滿 18 歲拿成人身分證囉！
小彭︰乜 nds 可以學埋日文的嗎？
我也養了一隻斑點狗 ^t^
部機應該仲有一排先放入冷宮！
劉鄧︰你不會有興趣看看他們在著迷什麼嗎？
jason︰cooking mama 真的很過癮。昨天已成功煮了多道菜 ^o^
wordy︰哈哈！咁你換了智能身分證沒有？
其實遊戲機和電腦一樣，都會令人越來越自閉(我便是好例了！)。好，那就多買一部回來吧！
我隔離個個成日叫我買wii, 但我唔太喜歡打機, 所以呢! 暫時仲未買....不過我覺得psp d畫面好正, 但nds d game過引d, 最後結論是: 屋企要買晒所有.... ^^
咁大頭玩厭左部 NDS 送俾我囉，呵呵！
我打game成績好差，所以提唔起興趣！
自從亞囡玩Cooking Mamma 打爆機後，熱潮亦開始減退！
貝拉︰我唔係太清楚不同遊戲機有乜遊戲，有孖寶兄弟呢類簡簡單單得得意意的遊戲便啱晒我了！
意粉︰到我玩厭時可能已經有更新的機款喎！
劉鄧︰cooking mama 會打爆架，仲以為不斷會有新菜式添 :p
新年時去日本，就是想買部wii啦！
但全線受罄
我唔比自己上癮,所以唔買機 !
不過朋友邀請到,就會去人地屋企打。
ellen︰咁搶手呀？
我第一年去日本都抬過部 playstation 回來！不過返到黎要改機。
galaxy︰我都唔算深癮，尋晚打了一個鐘，眼都盲咁濟 ^o^
唔得喎，平時要多操練才可以在朋友處顯顯威風！
一講打機大家都好勁, 小妹仍停留在俄羅斯方塊年代咋.
我都曾經好沉迷俄羅斯方塊
之後出過立體版的都不太好玩！
想當年都晌日本擡過兩部dreamcast返港~
如果回復返打機嗜好，一日廿四小時邊夠用......
小妹唔駛擔心，有我陪你！
Galaxy,
你都幾好定力喎！^o^
萊少︰真的，現在一日廿四小時都已經唔係幾夠用！dreamcast ，現在是否已是古董 ^t^
劉鄧︰我估你比小妹好些，起碼知道 cooking mama ！剛剛又煮好了幾道菜！
咁仲唔開飯？！
食完好耐喇，今晚完成了煎餃子、肉醬意粉、牛肉咖哩、味噌湯！^s^
wii在日本公價25000
香港炒至3千幾
我唔介意攞部機回港~~哈哈
大頭 : 打機打到無敵手,朋友唔會再搵你打機。取中庸之道,朋友會覺得你係好對手,會陸續搵你。
劉鄧︰我知自己的limit, 一過, 我就會沉迷, 以前試過為打爆機,通宵打機, 打到手指起水泡
ellen︰乜炒得咁厲害呀？咁你復活節又過去運幾部返黎喇 ^o^
galaxy︰打機低能的如我也沒有人找你打機啊 ^p^
你自制能力好強，我尋晚都打到成十一點！
我個次搭山手線, 見到呢個產品的廣告, 就決定買呢部ndsl.
http://www.nintendo.co.jp/ds/arjj/
遊戲機可以變得好益智!
劉鄧: 呢個'game'對日語學習, 真係好有用架! 去日本遊行, 更要隨身攜帶!
看來真的很有用喎
仲有得發聲添
好，一於要找到這“遊戲”回來！
謝謝小彭提供！
大頭仔，
乜咁好心機執吓個版面呀？
個公雞鐘好得意喎！
個留言link點整o架！
大頭: 得英文發音咋, 日文詞語係無發音架! 不過有手寫輸入, 所以查生字好方便!
我記得, 仲出左泰文同其他多國語言, 不過就係for旅遊用語及資料的. 好似中國語都有, 但個target都係日本人囉!
劉鄧︰見個版面有啲悶咪執吓佢囉！
個鐘仲有其他十二生肖揀，但我覺得雞雞最可愛！
至於留言 link 好複雜架，一言難盡，一陣或聽日叮畀你喇 ^t^
小彭︰我都見有好多 game 是教語言的，估唔到依家啲 game 咁有學術性。唔緊要喇，對我呢啲日語白痴的人來說點都有啲用啩 ^r^
Post a Comment