Thursday, July 12, 2007

cooking papa

經過幾個月 nds cooking mama 的培訓,以及在多本烹飪書的幫助下,我決定要挑戰自己,鑽研烹調的最高境界。這天,我化身成為 cooking papa !



調味是弄出一道佳餚的很重要一環,太鹹會掩蓋了食材的味道,太淡又不能帶出食材的鮮味。在這方面,我當然不會掉以輕心。




切菜也要十分專注細心,每塊肉每條菜不能太大也不能太小,務求方便入口之餘又有咬口。當然,刀功也很重要啊!




炒菜很講求鑊氣,因此要小心控制火喉,同時也要好好掌握烹調的時間,太生太熟只會白白浪費了美好的食材。


嚴格遵循以上步驟,美食自自然然就能夠成功炮製出來。好了,可以開動了!






第一道菜︰鹽燒鯖魚


鯖魚煎得很香,配上檸檬汁不但辟去了鯹味,還可以帶出鯖魚的鮮味。可惜魚皮黏鑊,跟魚肉分離,賣相大打折扣。最後得分是︰




第二道菜︰豚肉炒烏冬


豚肉跟烏冬非常匹配,加上放進大量蔬菜,令整盤烏冬份外清新。要扣分的是豚肉炒得老了點,否則便會十全十美。最後得分是︰




第三道菜︰味噌豚肉鍋


這鍋的食物種類很多,除了豚肉之外,還有豆腐、油豆皮、大蒜、本菇和大根,每樣食材都跟味噌都十分配合。值得一提的是,產自日本的大根煮得很腍甜,不但沒有渣,而且還吸收了味噌的精華,非常好吃。這味噌豚肉鍋確能加回不少分數哩。最後得分是︰








cooking papa 的烹調技巧果然突飛猛進啊,看來以後可以挑戰更高難度的菜式了!





乾杯!

27 comments:

Anonymous said...

係咪想笑死人!!!

largeheadboy said...

roy︰你係咪想笑我話我獻醜呀!^t^

lau2tang said...

最近幾篇文章寫得非常好,
是否受了甚麼沖擊呢?

supageti said...

究竟係 d 餸既賣相唔係幾好定係大頭既攝影技術唔係幾好呢?嘻嘻 ~

Ellen老師 said...

我覺得大頭還是打機算吧~~

largeheadboy said...

劉鄧︰唔好成日讚我喇,我又囂架喇!^t^
沒有沖擊啊,我的生活日日都是這樣平淡啊!

意粉︰兩樣都有喇!第三個原因應該是屋企燈光不足,好暗,搞到我成日要摸黑行路!^o^

ellen︰打機煮的嘢食的確正好多啊!我會繼續鑽研廚技架喇!^p^

supageti said...

好味咪得囉,賣相既野係表面啫,呵呵!係咪用手機影嫁?

p.s. 唔係又燒左電燈膽嘛?

Anonymous said...

咳、咳!魚呢…煎熟左就自然離鑊,施主的魚應該是未煎透,所以你想反魚時魚皮黏著鑊,下次試下再煎耐的…或者索性用燒的(燒魚器吉之島十元店有售),咳、咳!

Anonymous said...

意粉︰我部手機可以拍到咁高質素的照片就發達了!
屋企用 100 火的慳電膽,但你你知喇,我屋企好大架嘛!haha!

某某︰我睇阿蘇都話煎魚要煎透才可以反,但係我又忍唔住,怕佢燒焦嘛!要認真檢討檢討!
燒魚器?幾有趣喎,等我去發掘吓先!

Anonymous said...

嘩~差點在office爆笑了出來!大頭呢篇真的是佳作!
自從在你那篇一個人吃飯中得到鼓勵,我也多了在定弄點簡單的來吃.唔...cooking muimui係時候出動喇!

supageti said...

鹽燒鯖魚點解用發泡膠碟裝?唔環保!!!

食器係好重要嫁!!!!!!

Anonymous said...

發泡膠... 大頭買外賣! ^.^

繼續啦, cooking papa!

Wordy said...

第一眼都懷疑你買外賣……

你打機打到上哂腦,好日式誇張 :)

supageti said...

放心,我唔會懷疑你買外賣,哈哈!

lau2tang said...

條魚煎到皮肉分離,咁都賣得出街嘅話,賣碟魚嗰位都可以開班授徒了!

Ellen老師 said...

大頭~~
老師支持你~~哈哈

lau2tang said...

大頭,
老師打漏了兩個字呀~~

Anonymous said...

小妹︰我自己睇返都覺得幾搞嘢!^t^
其實我發覺有時自己煮吓飯仔都幾好玩,又健康又慳錢。簡簡單單用十零蚊買份鯖魚,加啲菜就可以一餐了。不過最麻煩係煮飯,洗飯煲好痛苦呀!期待你的自家美食啊!

意粉︰冤枉啊,我好環保架,我係用返盛魚的發泡膠碟裝魚咋。實情係家裏沒有一隻長身的碟。得閒又要行吓十蚊兜先!^u^

小彭︰我成日用返佢地啲發泡膠兜,即時丟棄好似好浪費咁(實情係唔駛洗多隻碟!)。
我好繼續做好 cooking papa ,煮多啲好餸架喇!

wordy︰我呢期其實少打了機,最主要原因係無乜新 game 呀!

劉鄧︰咦,咁即係話我可以開班授徒了!
ellen 是打漏了“十分”兩個字吧!hehe!

ellen︰謝謝你的支持!我一定好爆好呢棵蔥!

Ellen老師 said...

雖然學生有「個別差異」,只要努力「補底」,老師依然會支持每個學生呀~~~~哈哈!

supageti said...

生熟食物用埋同一隻碟,唔怕交差感染?

仲有,油脂會溶左 d 發泡膠,好危險!

Ellen老師 said...

條魚似乎睇多過食啦~~

Anonymous said...

ellen︰好灰呀老師,咁我駛唔駛去補吓課呀?

意粉︰我有水沖過吓架,況且發泡膠都用來載飯盒,一陣間啫,冇溶得咁快。要去買碟要去買碟!

Anonymous said...

味吉洋一!你o既評分由68升到71再升到85, 好大進步喎! 請問係咪公平公開公正o架? :p

Ellen老師 said...

搵家政科老師~~意粉,補吓課都得!哈哈!

largeheadboy said...

光.軍︰分數當然是很公正喇,是電腦計算出來嘛!^t^
我會繼續努力,務求打爆機為止!

ellen︰這位波友,11:11 分你竟然還在上網?你不是約了人應該要出門口咩?

Ellen老師 said...

hehe~~
比你撞破添~~

Anonymous said...

ellen︰你仲好意思喎!