Monday, August 18, 2008

第七日從馬德里往南走

由於忘記了把鬧鐘撥快,這天起床時才發覺離預訂了的火車開出時間只有廿五分鐘。廿五分鐘可以做什麼?足夠刷牙洗臉收拾行裝跑到街上截的士然後再拼命奔跑到月台去。跳上火車,居然還有一分鐘才發車。



這天我們往南走,先坐火車到 Toledo ,然後轉乘巴士到人口只有一萬多的小鎮 Consuegra。Toledo 的公車站跟火車站相距頗遠,幸好有這位大叔帶路,即使語言不通仍努力向我們講解巴士班次。



一個半小時的車程,經過荒蕪的野外和人跡罕至的小鎮,終於來到 Consuegra。這裏除了以很名貴的番紅花聞名之外,另一個吸引遊客的地方,就是山上面那一排令唐吉訶德誤以為是巨人的風車。



Consuegra 不算熱門的旅遊點,巴士班次十分疏落,而且那一排風車又位於山上,大多數遊客都是開車過來,只有我們像個傻瓜在烈日下一步一步走上山頂。



十二座風車,每一座都有自己的名字,其中一座更開放作為旅遊中心,免費供遊客參觀。在荒涼的大地上,這些風車的確跟巨人沒有兩樣。



雖然這些風車都已經荒廢多年,但還保存得很好。每一座風車都刷上白灰水,在藍天下猶如簇新一樣。



山頂上還有一座堡壘,不過要付費入場,我們就在外面參觀算了。



跟很多西班牙城市一樣,Consuegra 都有一個西班牙廣場。我們就買來小蛋糕和果汁,坐到樹蔭下慢慢享用。我們都很喜歡這個寧靜的廣場,團友更說這裏有點像電影《星光伴我心》裏面的廣場。



下午我們回到 Toledo 這個曾經作為西班牙首府的古城。古城區位於山上,被歐洲其中一條大河塔古斯河三面圍繞着。



這裏跟我十多年前來的時候沒有太大改變,彷彿時間仍然停留在 1996 年,甚至是幾百年之前。



大教堂是 Toledo 最有名的地標,花了二百多年才在 1493 年建成,是西班牙教會的總壇,也是全國規模最大的教堂。



整個 Toledo 的古城區早已列入世界文化遺產,每一座建築物都歷史悠久,例如是曾經在三世紀被羅馬人用作皇宮現已改建為軍事博物館的阿卡乍堡。



曲折得像迷宮一樣的小巷、錯綜複雜忽高忽低的地形,是 Toledo 的一大特色,一不為意很容易就會迷路。不過,讓自己隨意亂走,發掘每一條小路和躲藏在後面的小廣場小商店,又是另一種樂趣,只是天氣沒有那麼熱就更好了。



天!路旁的溫度計說現在是 43 度!



走了一整天,累得要命,晚上回到馬德里就吃些簡單的吧。旅館附近的 Museo del Jamón 很有名,一條條風乾的火腿就掛在店內,不愧名為火腿博物館。這晚我們就一面吃着火腿三文治,一面看着西班牙怎樣在歐洲國家盃準決賽中擊敗俄羅斯。

20 comments:

Anonymous said...

風乾火腿三文治,真係聽見都想食.

supageti said...

點解四野無人既?

largeheadboy said...

lala︰火腿三文治都唔錯啊!
我都買了舊好貴嘅火腿返嚟,仲未捨得食佢呀!有機會批 1 mm 厚嘅畀你試吓喇 ^t^

意粉︰風車村嗰度確實太荒蕪想搵個人都難。至於 Toledo 就多好多遊客,仲有不少日本團添。我地有行埋去扮團友架~~ ^v^

Anonymous said...

唔, 都好耐無食風乾火腿三文治做早餐喇!
我又要1mm (x 8cm x 15cm)火腿呀!

maymay said...

25分鐘俾我實趕唔到呀!
風乾火水高唔高膽固神架?

lau2tang said...

個古城真的很美,但一想到要坐十多小時飛機和那貴得要命的歐羅,我就~~

supageti said...

咁下次我出酒,你出火腿啦,哈哈 ~

largeheadboy said...

小彭︰風乾火腿三文治做早餐好豪啊,等我得閒又試下先~~
我嗰舊火腿應該冇一忽有 15 cm 喎!^t^

maymay︰開頭我都諗住趕唔切架,因為都有兩個地鐵站的距離,加上同司機又溝通唔到,成程車我地都好擔心啊!
咁薄一塊,膽固神高極有限喇!

劉鄧︰係囉,一早去日本咪好囉!
不過話時話 Toledo 真係好靚啊,呢啲日本就冇囉。

意粉︰金妹都係火腿啊呵~~^c^

Anonymous said...

大頭, 你個件係咪切件金華火腿黎架?
風乾火腿做早餐係好, 唔係豪! 我唔食金妹唔食午餐肉... 呢樣唔使煮嘛, 好快有得食, 我又會食得快. 不過屋企個主廚話近來吉之島d ham唔多得之後, 就無得食好耐喇!
係囉, 一塊高極有限, 唔好去sabatini就得啦!

Anonymous said...

好呀!下個禮拜我就成為灣仔之友喇!

largeheadboy said...

小彭︰應該唔會啩,個包裝袋有西班牙文架~~
其實又真係唔太貴,有排食架嘛,不過冇人地批得咁薄啫。
我都買過吉之島的巴馬火腿,都可以吖!

lala︰咦,咁好囉,灣仔之友又增添一名猛將囉!^t^

supageti said...

你出金妹,我出葡萄氣酒囉,呵呵 ~

largeheadboy said...

好!一言為定!^f^

supageti said...

你米下巴輕輕 ~

largeheadboy said...

嘻,我大你三包金妹都得呀!

Anonymous said...

二十五分鐘?我就放棄了!還是睡多一會,乘下班車好了。反正,風車也沒啥好看耶!
還要43度攝氏,咪玩啦!未去到怕且已經犧牲了。
不過咁,自信不會忘記校時鐘,所以不會有這樣的情況吧。又不過,我都無去過西班牙,一切都係得個字。
蘭子

Anonymous said...

43度唔知有幾熱呢???

largeheadboy said...

蘭子︰下一班車是個幾鐘頭之後,而且又唔知仲有冇位,所以呢班車一次要趕到啊,如果唔係成日就唔知做乜喇!
我有校時鐘架,只係忘記了時差咋!
喺架的士上,個心跳得好犀利。

rempei︰係好熱同埋好曬,但係好在好乾燥,基本上冇流過汗,有都即刻蒸發晒,所以就好口喝囉,焗住畀好多錢買嘢飲。其實香港嘅熱辛苦好多好多。

Anonymous said...

風車襯藍天超靚~

largeheadboy said...

依家睇返啲相都係覺得好靚,雖然花了很多時間,到風車村一遊也是值得的。