Wednesday, September 26, 2012

20120901︰富田農場.Popura Farm

怎樣說富田農場都算是富良野地區最熱門的花田,每年六月至八月 JR 北海道更會開放臨時的薰衣草站,方便旅客前去富田農場。即使這個時候已經沒有薰衣草,遊客還是一車一車的來。


跟上次來的時候比較,富田農場的商業味更加濃厚,四處都是賣店和食店,而且也變得更有規模。


富田農場的定番拍照地點七彩花田現在只有一種顏色。


從這裏看富田農場感覺好凋零啊!


其實富田農場其他地方還有很多不同的花可以看,繼續包括那些紅色的花、黃色的花和藍色的花(再一次掩飾自己對不同花的品種的無知)


聽說強國人已經攻陷富田農場,不過我們沒有碰上他們,只是遇到香港人和很多很多台灣人。


這裏又有一大片秋櫻,隨着風擺動着就像上百隻正在飛舞的蝴蝶,剎是好看。


再來一張又稱為大波斯菊的秋櫻。
 

後山那片據稱是富田農場第一塊薰衣草田的傳統薰衣草田,現在是光禿禿一片。


匆匆遊過富田農場(其實我們只算路過,拍拍照就閃,完全沒有消費過),我們就出發前去今日另一個重要景點 超市!


富田農場旁邊有個廢棄車卡,原來是家玻璃工房。

 像這條看不到盡頭的路,在北海道隨處可見。


看到富田農場那個半空大蜜瓜嗎?原來我們又已經走了很大段路。


沿途是金黃色的農田,仔細一看原來全是稻米,也提醒我要抬些北海道產的米回家。


 轉到有花人街道之稱的第 237 號國道,離目的地越來越近。

 
位於中富良野西中的 Bestom 超市就像沙漠上的甘泉,我們最需要的糧水這裏無一不缺,而且價錢還非常相宜。


我們在這裏敗了糖度達 13 度的北海道產赤肉蜜瓜和白肉粟米、美瑛產的牛奶、福島產的白桃(這個時候四處都是福島產的白桃,我現在還肥肥白白,證明這些白桃應該沒有受污染吧),收獲非常豐富。


很神奇,一看到這幾朵雲,就覺得跟富良野的平仮名ふらの有點相似。嘿,用多點想像力可以嗎?


雖然已經有一整個蜜瓜在手,但我們仍然走到 Bestom 超市附近的 Popura Farm,一嘗那聞名的蜜瓜軟雪糕。


我知道我一個人幹掉一客蜜瓜軟雪糕應該完全沒有問題,況且身體亦開始出現缺水徵狀,不過晚飯時間快到,還是留下一點空間,兩個人分享一客輕嘗一下就好了。不過饞嘴的我還是另加 100 円換來香甜的紅豆。


Popura Farm在馬路旁邊,不時有汽車在身邊駕過,但我們完全不覺得有廢氣或者氣油味,仍然可以很舒服地享用這頓下午茶,只是下午四點幾的陽光依然很猛烈,軟雪糕也融掉得特別快。


出發前已經跟這晚投宿的四季の宿 KIZUNA 的主人相約好在西中駅接載我們。西中駅是個無人站,要是他們忘記了,我們就不知道可以向誰求救。


實情當然沒有那麼戲劇化,民宿的女主人很準時就驅車來到車站。


18 comments:

the inner space said...

哈哈哈!
我見過啲 lavender field,
每株都是由種植人的名牌的!

ROY said...

我未食過白玉栗米添......

largeheadboy said...

space︰每株都有名牌咁咪好逼囉~

roy︰白肉栗米好好味啊,生食又清又甜又無渣,後悔無抬幾支返過嚟呀~

韻味熊貓 said...

雪糕放在蜜瓜上,真係未見過,睇到留口水。

民宿女主人?有無下文?下集幾時出?

largeheadboy said...

佛爺︰日本人真係乜都諗得出啊!雪糕下面仲墊多幾粒蜜瓜,好滿足架~
民宿仲有男主人,正經人家嚟架,邊有咁多咸故喎 ^^

naruto said...

我現在還肥肥白白,證明這些白桃應該沒有受污染吧。。。。你去完果度就真係受污染啦

l.minor said...

說好的肉照在那呢? XD

哈蜜瓜十三度甜度食完會唔會喉嚨好痕呢?


TY said...

臣臣既狗友七月去完北海道, 佢地話富田農場好多強國人團...嘈到爆...嚇屎佢地~~~~

卡臣 said...

我要做農夫!!

the inner space said...

》》每株都有主人名牌咁咪好逼囉~

咁又唔覺好擠逼播,不知道是否長成後,就會快遞去主人家呢?還是本地人到時來收割呢?等我有暇揾返幅相出來。

Cat said...

食玩雪糕再食蜜瓜會唔會食唔到蜜瓜D甜味呀?

又係桃,恨死人啦!

largeheadboy said...

naruto︰無計喇,有入就有出架喇 ^^

minor︰唔好咁心急喇,睇住啲赤肉蜜瓜照先喇~
又唔覺喉嚨痕喎,剩係覺得又甜又多汁囉。

TY︰咁我咪好好彩。不過香港人同台灣人都嘈架~

卡臣︰做就要做有機農夫呀,食正條水應該好收入呀!

space︰咁有趣?等你呀~

cat︰其實再加埋又係甜嘅紅豆,淨係覺得好甜好好味囉~
係喎,冇出到桃嘅相,下次出番再引過你 :p

L L said...

很喜歡秋櫻!

maymay said...

响公路上行會唔會好易迷路架?咁靜,冇人可以問架喎~@@
係咪成日要避車架?

ROY said...

依度岩晒渣車玩喎~

ayclui said...

北海道...下次再去就唔去富良野lu...因為D 花靚就靚, 睇得多就無感覺...我地鍾意睇沼呀, 池呀, 滝呀咁~

lau2tang said...

嘩!果然係行家!
間超市我都去過,仲係嗰度買咗好多棉質日本制短襪添。
西中駅我就無去過,但睇相就發覺得係無線套魚躍在花見度出現過無數次。

largeheadboy said...

laulong︰秋櫻那種美是很簡單純樸的美,很喜歡~

maymay︰雖然無乜人,但周圍都有車架,所以唔覺得靜。咁啲司機見你咁可憐行路,會自自然開過啲讓你架 :p
依家有 iphone,唔駛問路架喇~

roy︰係喇,你又唔嚟北海道,跟你車嘛~

ayclui︰其實之前想去稚內架,不過又唔想坐咁耐車。沼、池、滝我都好,第二朝就去青池喇~

劉鄧︰行家其實係逼出嚟...
呢間超市大好呀,入咗去就唔捨得走。魚躍在花見係電視劇?完全無睇過啊~