這兩天在巴塞隆納，旅館和旅遊服務處的職員都說巴塞隆納不會像馬德里一樣，在街頭有大電視直播歐洲國家盃的賽事。傍晚走在巴塞隆納的 La Rambla 大街，再一次證實這晚要跟西班牙人一起看決賽直播，就只在到酒吧。
晚上八時四十五分球賽開始後鑽進一家已經擠滿人的 tapas bar，點了 sangria ，然後跟大伙兒一起狂呼。
比賽到了第 33 分鐘，整家 tapas bar 陷入一片歡呼之中。
下半場加時三分鐘完結後，我感到巴塞隆納市的每一個角落都在震動。
La Rambla 上，只看到一片黃紅色的旗海和紅色的球衣。
往 Plaça Catalunya 的路上，跟大家一起大叫 España！España！
群眾實在太興奮，連新聞直播也不能順利進行。
後來連煙花、炮仗也出場了。當然，向歡呼的途人噴水更是少不了。
由於駐巴塞隆納記者已整天在街頭活動，跟大伙兒狂歡到凌晨一點就不得不回旅館休息。不過，即使現在已經是凌晨兩點，街上的人還沒有離去。明天他們要上班上學嗎？
45 comments:
星期三至六呢？呵呵 ~~
我依家好眼瞓！
如果今日唔使返工就好囉！
等左44年先再成為歐洲冠軍，梗要熱烈慶祝啦~~
呢位記者先生好勤力喎，做到凌晨兩點都未收工！
記者先生您為眾友實地報導之餘．亦要為自己o既安全著想呀．電視新聞報導有滋事份子借勢搞事呀.. :X
意粉︰禮拜三至六甚至禮拜日日頭嚟梗架喇，早兩日搭車過嚟巴塞隆納時寫咗啲咁，最衰呢度房冇 WIFI，要落地下至有。
劉鄧︰我瞓咗七粒鐘喇，依家都好精神下。不過你都就收工喇！~~
ROY︰原來等咗 44 年，怪唔知得咁開心喇！西班牙今日應該全國慶祝，乜都唔駛錢喇！
MAYMAY︰朝十晚二，好辛苦呀！尋晚飯都冇食呀！一陣又要在烈日下開工喇！^O^
光．軍︰我都預咗實有人搞事，所以我通常都會企埋一邊，有乜事即閃。其實尋晚成地都啤酒罐同埋玻璃樽，都幾危險。
玩得夜都會肚餓，咁夜仲有無宵夜食??
Ｄ波牛輸贏都攪事，好麻煩
rempei︰都仲有啲 bar 未收，但就冇諗過去食。都有啲啲餓嘅，但就實在太眼瞓，一攤落床就瞓着。
naruto︰不過我地現場睇又覺得好好玩！^T^
尋日下晝到咗法國阿維儂，今朝去了看薰衣草，下晝就去咗附近嘅 ARLES 看鬥牛。聽日會由朝搭車搭到晚，成十一點至到佛羅倫斯。
樓下的同事，今晚住你介紹的hotel splendid ，又真係幾splendid，依家仲有埋WIFI添！
鬥牛咁殘忍！>_<
薰衣草花田壯唔壯觀呀？
尋日搭車搭到傻，去到兩日前訂好今明兩天繼續會住的旅館竟然話冇我地 booking ，好彩最後都畀到房我地~~
今日去咗比薩睇斜塔，又去咗文化遺產小鎮 Siena，食咗好多 gelato！聽日就行多一日 florence，然後後日落羅馬。
意粉︰呢度嘅鬥牛唔係用刀插隻牛，只係徒手套啲圈落牛角度，不過我都覺得隻牛好慘。
maymay︰薰衣草係就係靚，但係唔知點解覺得日本嗰啲靚啲！>_<
不過呢度啲太陽花勁得！
講下講就番來喇噃 ~~ ^^
又薰衣草又太陽花，妒忌!
好想看勁得的太陽花哦！
不如你返來，出呢張相先啦．
聽日番到喇喎 ~ ^^
大頭叔上機未呢？有D 掛住喎！
帥哥唔晌樹，有 d さびしい呢 ~
我覺得意粉咁講, 帥哥會囂架! ^^
唔講佢都囂嫁啦 ~ 哈哈 ~
講左仲囂，囂過舊{X}！呵呵！
斷估都返到了~
歡迎歡迎~~
師妹：{X} 係咩呀？有 LV 咪俾佢囂一陣囉，呵呵 ~
〔趁網主未蒲頭一於搞亂個場，哈哈 ~ 〕
我話要LV喎！
{X}=網主
得閒冇事黎搞事，嘻嘻~~
仲未見人嘅？
梗係玩【創】個心啦！
又或者有時差，而家出左去玩！
可能仲晌羅馬唔捨得番來呢，哈哈 ~
諗諗下搞事搞唔過喎，容乜易網主嬲起上黎，唔送LV俾我架~
咪喇，都係閃喇，大家合作D，當我冇黎過呀吓~~
咦.....
仲未見人既...
可能o係屋企大昏迷緊都唔定 ~~~ :p
各位親愛的朋友，我終於返到香港喇！本來我應該尋日下晝到埗，點知人算不如天算，過了很悲慘的幾日，我仲上完京啱啱至入門口咋。我真係諗過返唔到嚟架，嗚~~~
我會另文同大家訴苦呀，應該~~
咁大劑！？
喺羅馬出事？
定喺班機delay接唔到？
很悲慘的幾天？咁大件事？
下...悲慘的事穴竟然有幾日呀！
叫你唔好貪平啦！
平平安安回來就好了.
留個鬆弛熊比你, 等你鬆弛下啦!
上完京！
東京？南京？北京？
唔見左行李？唔見左證件？
整乜咁慘呀？！
帥哥真係昏迷不醒牙？
其實大頭叔重未返香港！
Um（托眼鏡）… 似喇 …
好忙呀！好多苦水要吐呀我！
好勁! 和我當年的照片不一樣, 好多人呀! 歐洲看球賽很有氣氛!
貝拉︰雖然唔算係在球場內親身睇，不過都好熱鬧好有氣氛，確實係一次好難得的體驗。
Post a Comment