另一邊廂，令我朝思暮想、牽腸掛肚的日本雖然經濟仍舊是那麼不濟，但日圓卻一去無回頭，越升越有，離充滿我美好回憶的七算甚至六算年代越來越遠。
今天下午忽發奇想，既然澳元現在這樣強勁而港元又因為跟美元掛鉤不斷貶值，再加上年中我不時需要用港元買日圓，何不趁這個大好機會把即將回本的澳元一次過轉為日圓？圖表也說，過去一年澳元兌港元的升幅比日圓兌港元的升幅還要大。
我的理解正確嗎？究竟我這個如意算盤打得響嗎？
the boring, routine but sometimes funny bits and pieces from the world of largeheadboy
Wednesday, October 14, 2009
財經透視
守了一年多，當時一時無知以高價買入的澳元終於鳥倦知還，一步一步重投家鄉的懷抱了。這幾天我開始想，當澳元實實在在回到我的手裏之後，我應該怎樣做呢？即時把它轉回港元與它一刀兩斷，還是由得它繼續留在戶口，期望有朝一日它吐氣揚眉，替我取回我之前所失去的？
另一邊廂，令我朝思暮想、牽腸掛肚的日本雖然經濟仍舊是那麼不濟，但日圓卻一去無回頭，越升越有，離充滿我美好回憶的七算甚至六算年代越來越遠。
今天下午忽發奇想，既然澳元現在這樣強勁而港元又因為跟美元掛鉤不斷貶值，再加上年中我不時需要用港元買日圓，何不趁這個大好機會把即將回本的澳元一次過轉為日圓？圖表也說，過去一年澳元兌港元的升幅比日圓兌港元的升幅還要大。
我的理解正確嗎？究竟我這個如意算盤打得響嗎？
另一邊廂，令我朝思暮想、牽腸掛肚的日本雖然經濟仍舊是那麼不濟，但日圓卻一去無回頭，越升越有，離充滿我美好回憶的七算甚至六算年代越來越遠。
今天下午忽發奇想，既然澳元現在這樣強勁而港元又因為跟美元掛鉤不斷貶值，再加上年中我不時需要用港元買日圓，何不趁這個大好機會把即將回本的澳元一次過轉為日圓？圖表也說，過去一年澳元兌港元的升幅比日圓兌港元的升幅還要大。
我的理解正確嗎？究竟我這個如意算盤打得響嗎？
Subscribe to:
Post Comments (Atom)
20 comments:
嘩~深到丫...唔怪至得我仲未有得發達啦!
我都睇唔明 ~~ @@
小妹︰更深都仲有呀！我試過加埋 JPYAUD 同 AUDJPY，個圖仲花，完全唔知做乜呀~ @_@
意粉︰咁你話我應唔應該用澳元買日圓呢？
哥仔，你仲未加入利息依個重要因素喎 ~~
意粉︰係喇，咁複雜，不過依家唔係乜野幣都無利息咁濟咩？諗諗下，用澳元買同用港紙買円係咪都一樣呢？個金額根本就一樣嘛~
就如意算盤打得最響黎講, 梗係用晒黎換yen再請埋我去~
最簡單個計算方法，你一年前用幾多錢換澳元，依家呢筆澳元可以換幾多日元，咁如果依家用港紙換相同等值的日元又要花多少，咁就知道有無著數啦！
啍! 數字遊戲!
最簡單方法係將旅行目的地改去澳洲!
如果用澳元換左日元，遲下日元跌澳元升，你個師奶咪又係聽砍頭埋牆！
根據痕身 Bank 網上報價：JPY 無論存幾耐都係 0.01%，AUD 活期 0.05%（點都叫做五倍吖）定期最高可以去到 3.8%。Btw，而家原來可以用 AUD 直接兌 JPY 咩？如果唔係，一 buy 一 sell 蝕差價都唔少啦，尤其係對帥哥依啲大戶黎講 ~~~
尋日放假呀？
咁得閒計埋D無謂數！
$$$$由出現, 股市升, 樓價升, yen都升, 點解我無乜受惠GE, 我的股仲未返到家鄉呀:(, 我又未放到樓, yen更加唔洗講, 大大獲, 莫非我都係時候入多D YEN, 我怕出年D美金更弱, 澳元有睇頭的, 267應該股價有得升, hahaha......
roy︰真係請你去你都唔行得開喇，你忍心掉低大ｂ同細ｂ呀~
劉鄧︰我重覆睇咗你講啲野幾次大概知道你講乜，然後照住咁做，得出嚟又差唔得幾多喎 @o@
小儀︰澳洲興趣一般咋，同埋依家咁貴，係去都一年前澳元仲喺谷底嘅時候去喇！
maymay︰哈哈，都話你最了解我架喇！睇個勢澳元仲有得升啊~
意粉︰呢年幾嚟我一路無理到個澳元戶口，早排至知道原來活期係無利息咁濟，大早就做定期喇~
我見網上理財買賣外幣有得擇唔同貨幣，我諗應該可以直接將澳元轉日圓啩~
係大戶，就唔駛理呢啲婆仔數喇 :p
老師︰喺公司得閒發下夢都得啩~
乜無謂數呀，事關重大架！
紅米奇︰咁悲慘？咁有冇人工加呀？唉，睇怕下年都唔係咁樂觀喇。咁多樣野，我最希望係啲円大跌囉！
267 乜嚟架？等我去篤下先~ ^t^
深成咁，睇完都唔知問乜，莫講話答
傻佬，細戶呢 ~~ 銀行既程序係先幫你將澳元用 bank buy rate 轉港紙（美金都可能得啩），再將筆港紙（美金可能得）用 bank sell rate 轉日元，淨係計依條數都有排計。（免責聲明：我已經無做 FX 好耐，唔多清楚依家係唔係咁，最好直接咨詢銀行）
naruto︰咁就直頭當無睇過喇~ :p
意粉︰原來咁架，咁我疊埋心水等啲澳元才升到回本至算喇！唉，早知五個幾六個幾都大手入貨喇~ >_<
係啦，一賣一買，沒什麼著數，疊埋心水等收息和回本算罷。
美金咁弱，最抵就係去美國，但我好怕乘長途機，而又好憎美國的保安檢查。
機程短又要多東西吃，其實台灣也不錯...
小頭︰係喇，依家澳元個勢咁好，都係由得佢算喇，或者直頭做個定期攞多啲利息~
港紙同美金掛鉤，其實真係無乜着數，都係去日本算喇~:P
其實外匯實貨成本貴、效益少，無謂諗咁多喇，見日圓底過92兌1美元，咪買D作旅行用囉，澳圓迷揸住先囉~~~
薯嘜︰專家真係專家呀，講嘅野我一啲都唔明添~:p
不過我最關心日圓幾時見返 92 呀？年尾前得唔得呀？
Post a Comment