Friday, November 21, 2008

美食天堂

今天胃口很好,吃了很愜意也很豐富的一餐。


溏心四頭鮑鮑味濃郁、軟滑而又彈牙;東坡肉色香味俱佳、肥而不膩;雞翼燒得恰到好處,吃得人滿口油香;燒鵝皮脆肉滑、骨香味濃。


鵝掌吸收了鮑汁精華,叫人驚喜;粉果實而不華、精新可喜;流沙奶黃包果然名副其實,內餡就像流沙般湧出來,香濃滑溜;叉燒香甜不膩,簡直是人間美味。


檸檬夾心餅用料十足、香脆可口;菠蘿包新鮮熱辣、外脆內軟;芝士薄餅用上味道強烈的帕馬森芝士和帶濃烈香味的車打芝士,極具意式風味;小蛋糕賣相精緻,叫人愛不釋手。


甜甜圈口感紮實、香醇綿密;加拿餅選用了最新鮮高級的原料,甜度適中;迷你鮮果撻顏色艷麗、滋味鬆脆,一口一件,份量剛剛好;格仔餅牛油味香濃,加入酵母和蛋白,就變得格外鬆化。

我原本只點了十五樣東西,老闆娘見我吃得樂此不疲,更多送我另外三款美食,吃得我捧着大肚子離開。十多款精彩絕倫的美食才花費一百幾十,香港果然是美食天堂!

20 comments:

maymay said...

呢篇食評唔錯,不過我要"揀肥",你都係食埋我嗰份算嘞~

Anonymous said...

究竟是甚麼地方, 快快報上名來
一百幾十可以食咁多野, 仲有鮑鮑

Anonymous said...

咁好餵口呀, 不如我請你食多次呀?

Anonymous said...

似乎係擺設咁喎?

largeheadboy said...

maymay︰你揀肥又自己去食八王子?你梗係肥喇~

紅米奇︰雖則依家經濟唔好食肆有好多優惠,但係邊有咁筍吖!你睇清楚啲相喇~ ^t^

小彭︰好呀!畀你隨便揀喇!睇啱邊款出聲喎!^u^

薯嘜︰好眼利喎!不過呢啲真係全部都係廟街美食嚟架,我今晚就掃咗咁多返屋企~ ^b^

Ellen老師 said...

掃返屋企做咩呀?望梅止渴呀?

supageti said...

搵丁!

Anonymous said...

看來下了很多三聚氰氨同埋工業用聚乙烯喎:-p

supageti said...

查實你買埋啲咁野做咩呢?

galaxy said...

嘩 ! 食得好豪 !

Anonymous said...

犀利, 識用咁多不同形容詞~

Anonymous said...

好! 細心一睇知咩事, 好搞野 ^^

largeheadboy said...

老師︰派畀街坊嘛,雖然啲反應比較冷淡~~

意粉︰我覺得好得意呀,同埋又可以促進本土經濟嘛~~

歐巴桑︰啲色素防腐劑人造香料乜乜蘇丹紅玫瑰黃河水藍都應該好重手~ ^g^

galaxy︰哈哈!無幾何呀!^t^

roy︰我成日都話自己語藻貧乏架,我都係從網上面抄人地用過嘅形容詞咋~ ^o^

紅米奇︰其實個樣真係幾真架,我覺得塊格仔餅同埋小蛋糕最似,隻鵝掌就最過癮!

Anonymous said...

有幾個都幾似樣~

依篇blog好有心機~

Anonymous said...

我仲未搵到傳說中既菠蘿飽.

largeheadboy said...

roy︰我篇篇都好有心機架喇!^t^

lala︰其實有大個啲嘅菠羅包、奶油包、方包、牛角包架,不過佢地仲貴過四頭鮑,買唔落手~~

Anonymous said...

我今日終於見到尖咀個檔,不過都係見唔到菠蘿包,成$39個,舊同事一人一個出手都好闊綽.

largeheadboy said...

lala︰嘩,$39?咪買到 10 個真個囉!廟街平啲喎好似。方包仲勁似添呀~

光.軍 said...

我都有一舊豬腩肉同雞亦尖.真係幾可亂真o架依批香港美食 YUmmy... :D~

largeheadboy said...

光.軍︰我第一次睇到隻鵝掌即刻笑咗出嚟。其實香港人真係好有創意架~~